سواد العشق

البارت الخامس والعشرين

#سواد_العشق
#للكاتبة_إيليا_محمد
البارت الخامس والعشرين

هيام ..سمعت صوت صياح

فتحت الباب اريد اشوف شكو جان اسمع صوت ابو صكر وصكبان يتعاركون

شكو ياستار تقربت وصلت يمهم شفت ابو صكر لازم صكبان من ياخته

وصاك سنونه ويصيح عليه لاتخليني اكسرلك سنونك بحلكك

جان يلتفت عليه صكبان ويكولي

صكبان..والله يابنت تركيا وعرفتي شلون تغيرين اخويه علينا

جيتي من الشارع صارلج يوميين وهيج لعبتي فلك

ابو صكر..صكباااااان....وضربته بوكس كام عليه مد ايده يريد يضربني بعدين اتراجع

هااا صكبان ها ولك ترييييد تضرب اخوك الجبييييررر هاااااا

سعاد..ساعه السوده الشفناج بيها يبنت تركيا

الحجيه..انتي الصمي حلكج  وفوتي جوة كل المصايب منج امشي دخلي غضب الله عليج

صكبان..فوووتي جوة سعاااد

هيام..اني واكفه بس صافنه عليهم اطرش بالزفه مادافتهم شنو السالفه

ابو صكر باوعلي وبعدين كعد طلع جكاره وكام يورثها

مبين من شكله مغثوث اعرفه من يعصب او ينغث  وجهه يصير

احمر وشراينه تبرز اشرت لجنان بعيوني  بمعنى شكو اشرتلي تعاي للمطبخ  رحت وراها كتلها شكو

جنان..اش لايسمعنا ابو صكر

..شكو خوفتيني ليش جانو يتعاركون

..داده هاي سعاد الحيه ماتكعد راحه كببت صكبان ع ابو صكر

..وليش

..داده نزل ابو صكر جاب صينيه الاكل الجانت يمج  من فوك وحطهه ع سنك

اني جنت بغرفتي ارتب كنتوري مادري دخلت سعاد شافتهن ع سنك

عبالها ابو صكر ماموجود وكامت تصيح شني بس اني الشغل عليه

جا ماخذيني خدامه بس اكرب سمعها صكبان ورايح عليها سائلها شكو

مجاوبته كايلتله المدام تاكل واني انضف وراها بنت تركيا

وكايمه تتبجبج وتكله اصير وره الجهال لو وره الشغل صكبان رايح للحجيه

كايللهة يمه الى متى هيام تضل فوك ماتنزل تعين النساوين

الحجيه كايلتله البنيه مريضه مايصير نتعبها سعاد كابه من وحدها

التركيه هاي بنت الشوراع مامجبوره اخدمها وانضف وصاختها

وسامعها ابو صكر داخل مصيح ع صكبان كايله تلزم حلك حرمتك

وتربيها لا تخليني اربيها بطريقتي عيب تحجي باعراض العالم

سعاد ماساكته مرادده ابو صكر وكايلتله اني معروف أصلي وفصلي