#سواد_العشق
#للكاتبة_إيليا_محمد
البارت التاسع والعشرين
هيام..ماحسيت الا صوت الرمي فوك راسي فتحت عيني
شفت الولد ووياه شرطي اخر بالكاع ضليت صافنه متفاجأه
اريد افهم شنو الي صار مااعرف باوعت لابو صكر واكف متصنم
بعدين التفت ع جهه اليمنة بهالاثناء واحد من عناصر الشرطه
كمز عليه وكتف ايده وصاح انبطح
ابو صكر..اتركوووني مو اني ذاك الضرب عليكم
وفعلا انتبهو الشرطه شافو واحد يركض من بين الشجر
طلعو العناصر يركضون بين الشجر ومن ضمنهم ابو صكر وولد عمامي
عمي ابو رعد بقى بالبيت جنا ميتين خوف الله يشوفكم هالموقف
بالي كوله يم ابو صكر والكل يتسائل منو هذا الي رمى علينا
سمعت جنان دكول خاف قاصدين ابو صكر بهالسالفه حيل مابقى بيه
ليش جنان شنوو قصدج يعني ابو صكر عده عداوات
جنان..هيهي يخيه ابو صكر بكد شعر راسج عده اصحاب واعداء
..من كالتلي هيج متت خوف عليه طلعت بره وكفت يم شباك الاستقبال
وكل شويه اطلع للحديقه الوب منتضرته وميته خوف عليه
وادعي يربي رجعه بالسلامه ولاتاخذه خلي ياالهي دخيلك لاتصدمني
بي وتاخذه مني تعبت ياربي تعبت اريد اعيش مثل باقي البنات
ساعه واجه عمي ابو سعد وياه علي صكبان وابو صكر وسعد ماكو
ركضنا عليهم والكل داخله رهبه والكل يصيح شكو شصار
اني سالت ابو صكر وينه ماهو وياكم خفت كلت اكيد حبسوه او صارله شي
سعد..لاتخافون ماكو شي كدرنة نلزم هالخسيس الي رمى علينة
ابو سعد..ومنو يبوي ماعرفتو منو
سعد..اي عمي عرفنا كرايب شعلان
ابو رعد..شعلان الي خلود يعني
سعد..اي عمي
هيام..شنو شعلان شنو خلود مو هذولي باوعت ع خلود وجهه
انكلب من سمعت هيج دخلت جوة وحضنت بنتها منة وكامت تبجي
وابو صكر وينه خويه سعد
سعد..لاتخفين أعلى رجلج خيتي اخذو للمركز ياخذون اقواله ع ساعه راجع
هيام..الف الحمد لله والشكر رجلي موتتني يايابه استندت ع جنان وكتلها عينيني رجلي مداتشيلني
جنان..وج شبيج داده
..ماعرف جنان رجلي موتتني
..تعاي تعاي هاي من الهبطه سوده عليه
أنت تقرأ
سواد العشق
Romanceكان عشقا كبياض الثلج .. فتحول العشق لعاصفة بدلت بياض العشق الى سواد .. وطعنت في ضهري وانعدم الكلام .. وتبدل بياض عشقي الى سواد .. سواد دخل بيتي واهلي ووصل الى قلبي وجسدي ودخلت في سبات فهل ستتغير ضلمتي وسوادي الى بياض؟! االقصة تتكلم عن ٣ شباب و فتاتي...
