#سواد_العشق
#للكاتبة_إيليا_محمد
البارت الثلاثون
بهالاثناء فات ابو صكر
هيام..شافني هيج بالفستان ضل صافن ابتسملي تقرب مني اني واكفه
وبضهري االكنتور ماكدر ارجع ليورا رجلي متعيني وكفت متصنمه
والخوف اموتني مغص ابطني وحسيت نفسي اتعرق عرق بارد
تقرب يمي قرب راسه عليه وهمس باااذني
ابو صكر ..طالعه تخبلين
هيام..غضمت عيني ماحجيت شي حسيت جسمي يرجف
مو خوف ولا بارد الجو ماعرف ليش يرجف بس احساس كولش حلو
ابو صكر..احبج مرتي راح اكون سند الج اب اخ اخت ام وكولشي تحتاجينه ابويه انتي
هيام..كلمه مرتي ملكتني الدنيا ومابيها تقرب عليه باسني
بعدها شالني و...........
صبح الصبح فتحت عيني وواني نايمه ع صدر ابو صكر
اتذكرت شنو صار بالليل يالله شكد استحيت مجرد اتذكرت الموقف
حسيت نفسي صخنت اذا كعد وحطيت وجهي بوجهه شسوي
كمت ع كيفي ماريده يحس وطبيت للحمام سبحت وطلعت
باوعت ع ابو صكر بعده نايم باوعت ع ساعه الساعه 9 الصبح
مو من عوايده هيج ينام خاف عنده شغل اكعده لولا شسوي
تقربت منه صحت ابو صكر ماكعد اتقرت اكثر ردت المسه بيدي
حتى يكعد انتبهت لوجهه وملامحه حنطاوي ع سمار بشرته
عيونه مكحولات وحواجبه حادات وثخان لحيته خفيفه
خشمه مو كولش جبير لايك لوجهه يعني جان نايم بس بالشورت
باوعت لصدره معضل وايده معضله تهت بي كولشي بي حلو
حنانه وشكله حتى عصبيته حاطه ايدي ع خدي وصافنه عليه مبتسمه
ابو صكر..حسيت ع هيام من صاحتلي ابو صكر بس ماكعدت
حسيتها تقربت اكثر حسيت بيها تباوعلي اكيد دتتفحص معاني شكلي
خليتها شويه بعدين كتلها.. ها بويه شبعتي شوف لو بعدج
..هاه كمزت شبيك من شوكت كاعد
..ههههه من صحتيلي ابو صكر كعدت
..اي وليش مارديت من اول لعد
..ههههه شبيج بويه شو وجهج صار احمر اهدي بويه اهدي
..ها لا وينه احمر لا مابيه شي ..فعلا خجلت وحسيت وجهي صار احمر
..كمت عليها ولزمت ايدها وبستها من خدها الايمن بعدين
من خدها الايسؤ وهيه مرتبكه وترجف كتلها ااشش بويه اني حلالج لاتستحين مني
هيام..ابتسمتله بهالاثناء بطني قرقرت من الجوع خربت الحضه الرومانسيه ههههه
أنت تقرأ
سواد العشق
Romanceكان عشقا كبياض الثلج .. فتحول العشق لعاصفة بدلت بياض العشق الى سواد .. وطعنت في ضهري وانعدم الكلام .. وتبدل بياض عشقي الى سواد .. سواد دخل بيتي واهلي ووصل الى قلبي وجسدي ودخلت في سبات فهل ستتغير ضلمتي وسوادي الى بياض؟! االقصة تتكلم عن ٣ شباب و فتاتي...
