سواد العشق

البارت الثالث والعشرين

#سواد_العشق
#للكاتبة_إيليا_محمد
البارت الثالث والعشرين

سمعت صوت باب الغرفه انفتحت التفتت جان اشوف ابو صكر

اتذكرت موقف خلود عزة بس لاسمع بس لا راح يشك بيه

..ويامن دتحجين

..كمت امتمت ها لا هيج

..شووو جيبي التلفوووووون سمعتتتتج منوووو هذااا المددديررر مووووو لوووو منوووو

..اخذ التلفون من ايدي اتصل ع نفس الرقم محد رد رجع دك مره ثانيه ماكو رد

ابو صكر..اني اعلمج

..كال هيج وحط التلفون بجيبه وراح طلع يربي شهالغثه هاي

مددت ونمت هناك بتركيا جنت مكضيتها شغل بين المدرسه والنادي

هنا ملل وهوسه حياه مختلفه ع حياتي الجنت عايشتها

هوسه ماكدر انام من صوت الجهال كمت شغلت المكيف

وتغطيت ب٢ لحافات مع انو الجو بارد بس شغلته علمود يضيع

صوت الجهال مددت ونمت حلمت كومه احلام وكولشي ماذكر

منهن مجربه نفسي من اتعب لو انغث هيج يصير بيه كعدت العصر

بردانه كولش اطكطك من البرد طفيت المكيف كمت نزعت الفستان الجنت لابسته

لبست بجاما وفانيلا وطلعت كلبيه من الي جايبيهن الي لبست حفايات

وحطيت شال ع راسي دثرت نفسي ادثر هههه نزلت جوة

شافتني بيبيتي ابتسمت

الحجيه ..تعاي حبوبه تعاي كعدي يمي

سعاد..وين حجيه اريدها تعيني بالمطبخ

الحجيه..خلي جنان تعينج

سعاد..جنان دتغسل هدوم حجيه

هيام..عادي بيبي ماعدي شي خل اساعدها

رحت وياها للمطبخ جان تطلعلي نجانه شكبرها عجينه كباب

سعاد..هاج داده كلي هذا الكباب

هيام..ضليت صافنه شكبرها هاي النجانه شيخلصها الي

سعاد..شبيج صافنه دادة همي ايدج مانتعشى اليوم شني

هيام..حطيت الطاوه وحطيت بيها دهن وكمت اكلي طلعت

طاوة ثانيه لكيت بتيته مكشره ومنكعيها ع صفحه نشفتها

وحطيتها بالطاوه الثانيه ساعه ونص اني واكفه ع رجلي

رجلي صارت خيوط من التعب طلعت الاكل جنت حاطته بسله حتى ينشف

من الدهن فرقتهن بمواعين صغار جربت طاوه الطماطه من الطباخ

حطيتهن بماعين وسعاد وازهار وجنان يشيلين مدن السفره بالصاله