#سواد_العشق
#للكاتبة_إيليا_محمد
البارت السادس عشر
هيام..ضليت صافنه شديحجون ذولي وشديخربطون شنو حامل من ٤ اشهر
ابويه سمع هالشي جان كاعد ع كرويته ماحسيت عليه الا
طاح بالكاع باوعت عليه لكيته امدد ع طوله ركضت عليه صحت يابه
جسيت نبضه ماكو ماكو نبض يابه يابه دخيييلك لاتموووت
امي اتصلت ع الاسعاف نص ساعه واجوي ناردين تبجي
وامي تبجي وعمه يونس واكفه مصدومه حاولو المسعفين
ويا سووله صدمات لكن ماكو فايده غطو ابويه بالشرشف
وكالو البقاء في حياتكم ........
ماتحملت الصدمه ذبيت روحي عليه وكمت اصيح للااا يابه
لااااا دخيلك لاااتروح لاااتروووح لاااتتركني يابة دخيييلك
اكعد اكعد حبيبي بابا لاتسوي بيه هيج المسعفين حاولو يوخروني
بالكوه يلا شالوني من السدية امي حضنتني وكامت تبجي
ناردين...اني هنا ادمرت كل الي صار ب ابويه من وراي اني
ومن ورى عمايلي ابويه صار جوة التراب ببسببي وبسبب طيشي
ابويه امدد كدامي بلاحراك دموعي تجري كعدت ابجي بلا وعي
........
ابوية جانت وصيته يدفنوه بالنجف ويرجع لبلده
بس امي
رفضت وكالت الا يندفن هنا بتركيا عمامي جانو موجودين اخوته
ابو رعد وابو سعد وولد عمامه وهواي جانو جاين من العشيره
وصللهم خبر وفاة ابويه صديقة لابويه ومن سمعو امي متقبل
تنفذ وصيه ابويه صارت مشاكل وصياح وعياط اخر شي اني تدخلت وكلت
ابوية راح يروح للعراق ويندفن بالنجف
الام...ولج وين بالعراق شلون نروح نزوره
..هاي وصية ابويه يمه لازم انفذها
ابو رعد..والنعم منج بنتي صدك لا كالو الخلف مامات
حجى هيج وحضني كام يبجي حسيت بي ريحه ابويه وحنانه
اتفقو الكل نطلع للعراق من الفجر طيارة عمامي جانت موجوده
احاسب ناردين جنت بلاوعي امشي مثل المخبله بلاهدف ولاخطط بس دموعي تجري
عمي ابو سعد وابن عمي سعد وابو صكر باتو يمنا باعتبار اول يوم بنات وحدنا
فرشتلهم بالصاله ونامو
الفجر الساعه ٤:٣٠ مفروض نروح للمستشفى نجيب ابويه من الثلاجه
أنت تقرأ
سواد العشق
Romanceكان عشقا كبياض الثلج .. فتحول العشق لعاصفة بدلت بياض العشق الى سواد .. وطعنت في ضهري وانعدم الكلام .. وتبدل بياض عشقي الى سواد .. سواد دخل بيتي واهلي ووصل الى قلبي وجسدي ودخلت في سبات فهل ستتغير ضلمتي وسوادي الى بياض؟! االقصة تتكلم عن ٣ شباب و فتاتي...
