سواد العشق

البارت الخامس عشر

#سواد_العشق
#للكاتبة_إيليا_محمد
البارت الخامس عشر

تقرب مني وجرني من الفستان وشكه  عليه كمت اصيح عوفففني

..اعووفج مو اعووفج

..عووفني عووفني كمت ابجي وهو ولاهمه شكك االفستان عليه

ويصيح ردت هاليوم ويه هيام موو وياج الله لاينطييج

شككك الفستان كوله عليه بقيت بس بالكورسي الداخلي

خفت لايغتصبني ماريده يتقري مني كتله فدوه عوفني لاتسويلي شي

..كل عقلج المسج لج انتي نكره خنتي اختج كولشي اتوقع منج التخون اختها كولشي اتوقع منها

حجى هيج ودفعني حيل وكعت وصارت الوكعه ع حافه الجربايه

وكعت ع بطني حسيت بوجع قوويي صحت اااخخخخ

حسيت شي يينزل من بين رجليييي ردت اشوف شنو االي كام ينزل بعدين اغمى عليه

من اغمى عليه ماحسيت ع نفسي اله وصار الصبح يونس نايم

ع سرير واني بالكاع بطني ماكو الم بيها البارحه حسيت

نزل شي مني بس لا الطفل صار بي شي كمت ع كيفي

رجلي احسها خيوط ماكدر اوكف كمت ع كيفي نزعت الفستان

وجريت فستان ميدي لبسته سحبت كلينس مبلل ومسحت المكياج

البوجهي غسلت وجهي وطلعت اجرت تكسي ورحت للمستشفى

ماجان اكو مراجعين كدامي لان طلعت من وكت ساعه ٧ تقريبا

دخلت للدكتوره كالتلي نامي ع سديه بلشت تفحصني

..ماما انتي بياشهر

..دكتوره ماعرف ماحاسبه اعتقد شهرين ونص

..لا ماما غلط حسابج دخلتي بالشهر الثالث

..امم باوعت ع سونار اريد المح الطفل ماكو كتلها دكتوره

وينه الطفل شو ماكو حتى دكات كلبه ماكدر اسمعها خما صاير بي شي

..لا ماما صحتج وصحه الجنين بخير بس دكات كلبه مو هسه تسمعيهن بعد

ع شهر الرابع ومرات ميبين اله ع شهر  ٥ لو ٦ شنو مبين اول حمل الج مو

..اي دكتوره اول حمل

..امم لاتخافين حبيبتي مابيكم شي

..دكتوره البارحه بطني صارت ع حافه السرير وحسيت نزل شي مني بس مكدرت اجي بليل وحدي زوجي عسكري

حجيت هيج حتى مااجذب نضر طبعا

..لا تخافين حبيبتي االجنين بخير

..اووف تسلمين دكتور تسلمممين

..اكتبلج علاج واستمري عليه

..ماشي دكتوره