سواد العشق

البارت الواحد والعشرين

#سواد_العشق
#للكاتبة_إيليا_محمد
البارت الواحد والعشرين

توجهنا للديره وصلنا للبيت واول مادخلنا

طلعت ام رعد وام صكبان وابو رعد وبيبيتي شافونا وبيبيتي هلهلهت

الحجيه..يمه هلا وكل الهلا بنت محمد اجتي بنت الغالي

والله يبيبي لما ابوج توة ميت جان طكيت هلهوله ثانيه وشكبرها

..حجت هيج وحضنتني يربي لو شكد ماوصفلكم شكد اكو بصدر

هالمره حنان جان ماصدكتوني أحسها كتله من الحنان يمكن لان من ريحه ابويه

عمي ابو رعد اشر بمعنى ادخلو ورايه للديوانيه اجتي ام رعد بوستني

ام رعد..هلا بيج بنتي

ام صكبان..اي هلا بيج داده فوتي جوة للمضيف ابو رعد يريد يحاجيج

الحجيه..ع كيفكم ع البنت توها جايه

ام صكبان..جا حجيه شكلنا احنا

الحجيه..اسكتي انتي لااتدخلين امشي يمه امشي نكعد بالديوانيه

هيام..عمي وجها مكلوب مبين حتى سلام ماسلم عليه

دخلت للديوانيه واني كولي خوف شلون راح اواجهم شنو ح تكون حياتي

بداخلي خوف خوف من حياتي القادمه خوف من المستقبل

شلون راح تكون حياتي واني بلا سند .. اصعب شي هو الخوف من المجهول..........

ابو رعد..اكعدي كبالي

هيام..كعدت كبال عمي وبيبيتي كعدت يمي

ابو رعد..بويه شهالحجي الي سمعته عنج

هيام..عمو شنو الحجي السمعته عني كولي حتى افهم حتى اعرف شجاوبك

ابو رعد..لاتنكرين بنتي وصلني حجي انج ع علاقه بالمدير صح هالشي

..اشتاطيت وضجت كمت ع حيلي ورفعت صوتي بدون ماحس

عمي منين جبت هالحجي كللله هالشي جذب بجذب رايحه بطريقي وجايه بطريقي

ابو رعد..بويه اكعدي ولاترفعين صوتج عيب ثانيا اني ماجبت

هالحجي من جيبي جماعتنا وصلولنا انو بينج وبين المدير علاقه

وترجعين ب١٢ بليل لبيتكم وشايفين المدير اكثر من مره واكف يمج وتتمضحكون سويه

..عمي اولا هو مديري يعني نشتغل بنفس البوتيك طبيعي

يكون حجي او ضحك صدكني ماجنت اعرف انو نيته سيئه واالله وروح بابا

راد يحجي عمي ماخلته الحجيه وسكتته بكلامها

الحجيه. . ابو رعد اني واثقه ابنتي هيام هاي بنت ابوها ماتسوي العملة الشينة

ابو رعد..بس حجيه