سواد العشق

البارت السابع عشر

#سواد_العشق
#للكاتبة_إيليا_محمد
البارت السابع عشر

ناردين..جرت التليفون من جنطتها وتريد تتصل ع يونس

هجمت عليها امي وكامت يتعاركن امي تصيح جيبي التلفون

وعمه يونس تصيح الة اتصل اخر شي وكعن ثنيناتهم عثرن

بحافه الكرويته وبالنص جانت طبله كزاز قويه عمه يونس وكعت عليها

وطب الكزاز براسها وابطنها وامي وكعت ع كرويته الثانيه وانجرحت بس ايدها

ضليت متصنمه وميته خوف اني وامي  كمت اصيح يمه ماتت ماتت

االام .ولج شماتت عزة بعيني

..تقربت منها هيه شهكت بعدين جرت نفس وماتت جسيت نبضها مااتت

الام..صرت مجرمه

يونس..عمةةةة

ناردين ..بهالاثناء يونس جان واكف وشاف كولشي ركض ع عمته

وشاالها وكام يركض للمتسشفى بيها امي جانت متصنمه بمكانها

ودموعها تجري من الخوف رحت يمها يمه شلون هسه ودموعي تجري

الام..ولج اني ادري حضي المصخم اني ادري وكمت ادك ع رجلي

..يمه راح يحبسووج يمه

..ولج يمه خلي يحبسوني بس لاتموت المره دخيلك ياالهي لاتموت ماريد اصير مجرمه دخيلك يربي

..دكيت ع يونس ماجاوبني

..ها ولج جاوبج

..لا ماكو داتصل ميجاوب

..اخ يحضي المصخم اخ شسوي

..نص ساعه وخل يونس للبيت ودم ع ملابسه ووياه الشرطه

فتحت عيوني ع وسعهن يووونس ....

يونس..حضره الضابط هاي المره الي دفعت عمتي ع طبله ومووتتتها

..كال هيج واشر ع امي

الام..لا لا موو اني مادفعتها والله هيه وكعت ثنينا وكعنا

حتى شوفو ايدي اني هم انجرحت ..كمت احجي بحاله هستيريه

الضابط..بالمركز تدلين بافادتج مو هنا

ناردين..سحب الاصفاد وقيد ايدين امي وامي تبجي وتحجي

مو اني دفعتها هيه وكعت مرت بحاله هستيريه كوله بسببي كووووله

طلعو الشرطه وياهم امي يونس صعد فوك يبدل صعدت وراه

ليش يونس ليشش هيج سويت

..لعد شتريدين اخلي دم عمتي يرووح هدر من يوم الشفتج ماشفت خير

..بس هاااي امي امي

..والكتلتها امج عمتي بمثابه امي

..يونس والله امي موو قاتله موو قاتله والله هنه ديحجن وعثرن ووكعن ع طبله صدكني