#سواد_العشق
#للكاتبة_إيليا_محمد
البارت السابع والعشرين
هيام ..لاتصدك اسامحك علمود الشي السويته بيه انت تهمتني وشكيت بيه وضربتني علمود شي اني مامسويته
..اسف صدكيني اسف
..ع شنو اسف هسه جاي تتاااسف؟
..اي اني عرفت كلشي تذكرين بيوم رجعت للبيت دشداشتي مشكوكه وايدي كلها دم بيومها جنت يم بيت سعاد ردت اشوف واحد من الولد وبين مااني جنت منتضره بالحوش سمعت سعاد وخلود يتحاجن وسمعتهن شلون اتفقن وحطن التلفون بالغرفه مالتج والولد الي حجه جان ابن عمهن صدكيني من عرفت هالشي ضربت سعاد راجدي ولزمت خلود شبعتها كتل ورحت للولد دميته بكاعه
..هه وهالشي يخليني اسامحك مستحيل!!
..هياام ادري غلطت بحقج بس اعذريني
..مااعذرك وشوف هسه احنا بتركيا وعاقدين مجرد عقد سيد اكدر اعوفك بااي وقت خليها بعلمك لان ماكو شي قانوني او رسمي
..شنو قصدج يعني تشردين؟
..اكدر اسوي هالشي ومااتحاسب قانونيا واشوف حياتي
..تسويها يعني؟
هيام... .ماجاوبته فتحت باب غرفتي ودخلت جوة دك الباب
وصاح هيام مارديت اريد انام مشتاقه لغرفتي وكولشي بيها
مكاني هو نفسه مامتغير فتحت كنتوري غراضي هنه هنه نفسهن
ابتسمت بعدين رحت لجربايتي جريت اللحاف وختلت بي
واول ماحطيت راسي ع مخده نمت اول مره هيج انام مرتاحه
......
ناردين..اليوم قررت اكول كولشي ليونس كافي اضم عليه ضميت هواي
ضلمته هواي هو واختي هيام ممكن اذا اكول الحقيقه هسه
يكون اكو امل يرجعون سويه انتضرته يجي المغرب ماكو مااجة
صارت ساعه ١٢ بليل سمعت صوت الباب الخارجيه انفتحت
نزلت شفته هو امي نايمه بغرفه ادهم شافني يونس
يونس..شعدج كاعده ليهسه
..منتضرتك
..خير خما اكو شي ادهم بي شي؟
..لا نايم فوك بس عندي موضوع اريد احجي بي وياك
..خير بهالوقت
..يونس اكعد شويه هنا
..وهاي كعدنا خير ناردين خوفتيني
..يونس بصراحه حجيت هيج وسكتت كمت العب باصابيعي
ماعرف خوف ماعرف رهبه او حزن احس بطني توجعني
الشي الي راح اكوله ممكن يسسببلي مشاكل بس تعبت من انو اضمه بداخلي
أنت تقرأ
سواد العشق
Romanceكان عشقا كبياض الثلج .. فتحول العشق لعاصفة بدلت بياض العشق الى سواد .. وطعنت في ضهري وانعدم الكلام .. وتبدل بياض عشقي الى سواد .. سواد دخل بيتي واهلي ووصل الى قلبي وجسدي ودخلت في سبات فهل ستتغير ضلمتي وسوادي الى بياض؟! االقصة تتكلم عن ٣ شباب و فتاتي...
