سواد العشق

البارت الثامن عشر

##سواد_العشق
#للكاتبة_إيليا_محمد
البارت الثامن عشر

صار العصر ورحنا للمحكمه يونس وابوه جانو حاضرين

يونس باوعلي وبعدين دار وجهه مبين عليه مكسور حقه الماتت عمته مو غريبه

مصطفى عيونه مورمه ومدنك دخلنا المحكمه ودخلت امي

كمنا اني وناردين نريد نحضنها ماخلونا الشرطه وكفوها وره المصطبه الخشب

ودخل القاضي وصاح فلتبدأ الجلسه اتقدم منير محامينا

ومحامي يونس بلشت الجلسه وكامو يحجون المحامين

اني جنت بعالم غير عالم اباوع لامي شلون مكسوره وتعبانه

ضلوو يحجون يمكن لوو اكووللكم مااذكر شنو الحجي الصار بالجلسه متصدكون

جنت تعبانه ومنهكه الى درجه ماحس بااي احد الى ان صاح القاضي

وراد يعلن حكم الجلسه ..........

توجل الجلسه الى يوم الخميس لعدم وجود الادله الكافيه مع البقاء تحت ذمه التحقيق

من كال هيج القاضي كمت ابجي يعني امي هم راح تبقى باالحبس

ناردين كامت تبجي اخذوها امي للسجن وحتى ماخلونا نشوفها

متصورون شكد صعبه عليه هاي الايام امي بالسجن وابويه هستوه ميت

وناردين علاقتي بيها مو زينه وحتى شغلي بالمدرسه انطردت منه

وشغلي بالنادي كذلك اول ماعرفو امي انسجنت ومتهمه

بقضيه قتل فصلوني متت قهر بيومها خسرت شغلي وهسه اني بلا شغل

رجعت للبيت بعد ماافصلوني دخلت للبيت دخلت لغرفه امي وابويه

كمت ابجي وينك يابه ليش عفتنا ورحت .. فتحت الكنتور

وطلعت فانيلا ابويه وحضنتها وكرفصت نفسي ع فراش ابويه

وكمت ابجي الى ان غفيت بدون مااحس حسيت ع صوت واحد فتح الكنتور

جنت بين النايمه والكاعده باوعت ابو صكر جر بطانيه وغطاني بيها

لان جنت ممتغطايه مسح ع شعري وفتح الباب وطلع

مابيه حيل اشيل نفسي رجعت نمت الى ان صارت ٧ بليل

كعدت لكيت ناردين دتحضر السفره شفت حاطين كباب شوي ولبن

عرفت ابو صكر جايبه من بره .. باوعت عليه لكيته كاعد ع كرويته

وبيده الريموند ويكلب بالتلفزيون شافني طلعت من الغرفه ابتسملي ابتسامه خفيفه
ابتسمتله ..

ناردين..صح النوم

..يصح بدنج

..يلا حضرت الطاوله كومو نتعشى