سواد العشق

البارت الثاني

#سواد_العشق
#للكاتبة_إيليا_محمد
البارت الثاني

خلصت من الجم طلعت ب٦ اليوم لان تاخرت بالمباراه مال المدرسه

طلعت الحافلة ماكو داتمشى الجو جان مغيم وضباب موت برد سنوني سن يطك بسن رفعت الللفاف ع خشمي وحطيت ايدي بجيوبي ومشيت

حسيت شخص يمشي وراي التفتت لكيت شخص ملثم وبيده سجينه

داريد اركض شفت شخص ثاني ملثم واكف كبالي صحت سااعد

بعدني مامكمله الكلمه اجا واحد سد حلكي من ورا
حاولت ادفعه مكدرت

صوتي محبوس ماكدر اصيح اممممم امممم..واحد لازمني من حلكي والثاني مقيد ايديه مكدرت ادافع عن نفسي

بهالاثناء اجا واحد ثالث وفتح السحاب مال البلوزه مالتي

بهالاثناء عرفت انو ناوين ع شي اكبر من السرقه ناوين ياذوني

دفرت برجلي هذا الولد الولد الي يحاول ينزعني ملابسي

صارت الضربه بين رجله والحاط ايده ع حلكي عضيته لايدها

والثالث من ضربت الثاني بين رجله راح ديشوفه بهالاثناء هاي

ركضت ركضت بكل قوتي واصيح ساعدووووني اركض واباوع وراي

جان الضباب تارس المكان بالكوه اشوف اثناء مداركض

عثرت ووكعت تكردحت رجلي وايديه صحت اخ ساااعدووني

اسمع خطوات وراي تركض اكيد همه نفسهم اريد اكوم مااكدر من قوة الوكعه

رجلي ماتعيني كمت ع كيفي هستوني اريد اركض انصدمت بجسم شخص

هنا لو تذبحوني متلكون بيه قطره دم تجمدت بمكاني رجعت ليورا

اريد اشوف منو جان انتبه هذا الي اسمه يونس معقولة؟؟؟!!!

التفتت ليورا شفت ٢ شباب هم نفسهم الملثمين الي اعتدو عليه قبل شويه

تقرب واحد منهم عليه راد يلزمني من ايدي تقرب يونس عليه

ولزمه من ايده ونترها وضربه كله ودفره ابطنه ودفعه

جرني من ايدي وحطني ورة ضهره اجا الثاني راد يضربه  صد الضربه مالته

ودفره ودفعه تعاونو ثنينهم علي بس هو جان قوي وحركاته مال واحد

قوي ومتدرب اعتقد داخل كراتيه من قبل لان حركاته جانت محترفة

بهالاثناء اجا الثالث من ورا لازم سجينه بايده برمشه عين ضرب يونس

واجتي الضربه بزنده اليمين مالحكت اشوفه لان الضباب جان كولش قوي

صحت يونس وكمت ابجي ..بعدها يونس لزم ابو السجينه واخذها منه وطاحله دك بوكسيات

الباقين خافو وشردو ..يونس جر اللثام من هذا الولد تفاجات