أنا البكماء

الحلقه الثانيه

مساء الخير والمحبه ❤❤

الحلقه الثانيه

#اناالبكماء
#دلال

ام لجين بمكر تقربت عليه لدرجه صارت تحس بحرارة انفاسه وبدلع  : فدوه حبيبي تقبل ازعل عليك 

ناصر : لا عاد كلشي ولا زعلج 
جيبيها عادي ، بس بشرط ماريدها تزعجني اني اجي هنا لحتى ارتاح وتدرين حتى طفل ماردي بس علمود اخذ  راحتي ورتاح من الشغل ومن هوسه طيبه ومشاكلها (طيبه زوجته الاولى )

ام لجين : اي ان شاءالله اصلا بنتي لجين كبيره مو صغيره وهي اصلا متحجي اكيد مرح اضايقنه اني اوعدك بهذا الشي

ناصر  اتقربتله اكثر : اوكي هسه كافي ، نغير الموضوع مو احسن ترا اني محروم وداعتج

ام لجين صرت مقابيله ضربت خشمي بشخمه وضحكت  :  هو انت دوم محروم  شو تعال.....

______________________________________

لجين : طلعت من بيت عصام الي هو قغيب (قريب) على بيتنه  امشي بشارع وعيني بالكاع اواني احس مذلوله احس شي مكسوغ (مكسور )بداخلي احساس معغ ف (معرف اوصفه)

(بهاي الاثناء  اجت صوبي  جيرانه ام علي )

ام علي (تباوعلي من جوه ليفوك )  شلونج خاله  لجين

لجين (اني معروف عني ماحجي بسبب الدغه الساني مسببتلي احراج وعندي عقده منها بالخص سناء ولدها يضحكون عليه وحتى من يجون اخوانها لو خواتها تبقى بس تنصب عليه لذلك اكتفي بالصمت )   : بتسمت همممم

ام علي : شوفي خاله اريدج اساعديني بتنظيف البيت  اني حجيت وي ام جابر وكالت من ترجع لجين ادزها الج ف مدام شفتج يلا امشي وياي للبيت

لجين :هزيت براسي بمعنى اي 

ام علي : تعاي بنتي فوتي ماكو احد بالبيت  (دخلت هي كدامي جوه )

لجين : دخلت للبيت   بقيت اباوع على حديقه كولش حلوه بيه وغد جوغي  (ورد جوري ) غحت (رحت) لزمت وغده (ورده) هي بغصنها  اخذت نفس الله شلون عطغ (عطر )  حلوه

ام علي : وينج عيني استعجلي شويه خاف يجون ظيوفي

لجين : ماشي جايه

ام علي : شوفي عيوني  اريدج  تبلشين من الستقبال
(اتأشر للكاع بصبعها السبابه  ) اريد هذا الكاشي يلمع    كون الي يباوعله يشوف روحه بي وهذا الشباك اريد  الجام  الي يشوفه كون عباله ماكو جام من نظافته

لجين ان شاءالله   رفعت البجامه حتى لا تتبلل  وبديت انظف جبت تايد ومي حاغ  (حار)  وبالفرشه  واغسل بالكاشي  كميه الوسخ الي بي عبالك.مهجور

ام علي اباوع على لجين وصافنه  اني شلون مخطرت ابالي هاي الفكره   ماكو غيرها هي الي تخدمني هم ابلاش وهم تتحمل زياد اني تعبت منه اجه الوقت الي اسلمه الها