#اناالبكماء
#الكاتبه_دلال
لجين صعدت تعبانه وراسي يوجعني درست هواي اخذت الطريق كوله صامت
بهاء : شو ساكته اليوم
لجين : تعبانه اكول اتصلت بعمو
بهاء : لا والله هم كالو احنه نتصل بيكم
لجين : همممم
وصلنه للبيت احس كلبي وجعني من دخلتله
اسمعت صوت جوه اكول بهاء منوو موجود جوه
بهاء : هناا اميره و هذا صوت بيبي اشجابها هنا
(دخلو)
لجين بهاء اسلام عليكم
اميره وعليكم السلام (اتقدمت الجين بوستها ) هلاو لجين شلونج
لجين : الحمدالله على الله
بهاء : هاي شجابكم هنا وانتي بيبي شعجب اجيتي
الحجيه : خاب عرفني على البنيه وعرف البنيه بيه وبعدين كول اشجابج هنا
ميره ضحكت : لجين اعرفج هاي بيبي ام بابا
(اندرت على الحجيه ) بيبي هاي لجين بنت خاله ليليان
الحجيه : يابعد كلبي شلونج بيبي شلون عافيتج
لجين ابتسمت اتقربت بستها من راسها : الحمدالله بخير بيبي انتي شلونج
الحجيه : والله يبيبي تعبانه العافيه والحيل مو مثل اول
اميره : عزه بيبي بس لا رح اتموتين
الحجيه : ماتن اعظامج كولو امين
لجين ضحكت : اسم الله عليج بيبي عمرج طويل ان شاءالله
الحجيه : من كون فدوه رحتلج هاي الأداب والاخلاق هنا (اندرت على اميره) شفتي ولج اتعلمي منه الكلمه الحلوه واحترام الجبير
بهاء وهو يضحك : بيبي يعني انتي وين ماجان لازم تداهرين مابيها مجال اتعبريلج كلمه
الحجيه : انجب واكل نعل احسن يدافع بس لخته وانه عادي تغلطون عليه وتدعون
اميره كاعده وخربانه ضحك احله شي ابحياتي هي بيبي اموت عليه من اتعصب اضل تحجي شيش ييش ودردم وتغلط وترزل بينه ماعرف ليش استمتع من اشوفه معصبه واعرف هي نقطه ضعفه الموت حيل اتخاف من الموت لدرجه طاري الموت هيج ينرفزها ويعصبها
لجين بعدنه ماكعدنه وصارت عركه شسالفه اباوع الميره تضحك وبهاء كذلك والحجيه ترزل وتغلط وجهه صار احمر من العصبيه شنو الموضوع ليش هيج وياها خطيه .
( بهاء وكإنو قرء افكاارها ) : اكيد هسه لجين مصدومه من المشهد الي صار كدامها
الحجيه : اي طبعآ تنصدم منكم مجلوبين وبلاى اخلاق
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
