أنا البكماء

الحلقه التاسعه والعشرون

#اناالبكماء

#الكاتبه_دلال

لجين : بس ماكولت شنو بيك يعني اقصد مرضك شنو

ناصر : هااا اي ركبتي مكلوبه احتمال اسويله عمليه لحتى ترجع الوضعها الطبيعي

لجين : بسلامه ان شاءالله و شوكت ان شاءالله تغحون (ترحون)

ليليان : بهاليومين اذا شاءالله

لجين : ومطولين

ليليان وخانكتها العبره : لا ان شاءالله مانطول

لجين تنهدت : الله كريم  الله كريم

______________________________________
                         صباح يوم جديد

سناء : اصبلك بعد جاي

جلال : لاماريد بعد  بس كومي حظريلي 8 ملاين من الفلوس البيت  لبين ماابدل ملابسي

سناء : شنو  اكو مشيه من الصبح

جلال : لااني هسه رايح البيت الشيخ ورح ابقى يمه ل3 العصر انروح بعد شيرجعني  هم اذب فلوس تكسيات

سناء : اي هم صحيح  واكلك ذوله النصابه يقبلون بالثمانيه

جلال : والله مادري شكلج بس مااظن يقبلون
الشيخ هو الي كلي جيب بالاول بس ثمانيه 

سناء : اخ ااخ  بله هيج بالهسوله ننطي تعب السنين

جلال : غير من ورا  ابنج الغبر  الي نايم 24ساعه

سناء : لاوالله هو حظ ماعدنه هي كوه هاي الولد اشكال  البلاوي اسوي محد يحس بيهم وبس جابر حجه وي وحده  الوادم شايفته والكامرات المراقبه
لاكفته

جلال : اي مو اغبر لو رجال خايف ربه  ماتطلع منه الشينه ليش هسه ابمكان ما هو  ينطينه وشيل مصرف البيت ونعيش ابجاله   هو لا بالعكس بيعنه البيت  ورح نكعد بأيجار  وفوك كل هذا ندفع افصول ننطي
يفتحله مشروع واني متأكد اذا ماخسر الصايه والصرمايه تعاي تفلي بلحيتي

سناء : هسه كافي عاد يوميه وعدت نفس المول ماطلعت هاي

جلال : هااا ماتقبلين عليه هالفاشل هذا

سناء :  طبعآ انت من قامت القيامه  مكسر اجناحاته الولد وماتشجعه على شغلع على وضيفه عايفه هيج

جلال  : يمعوده اشجعه مو طفل لو مراهق رجال عمر 32سنه تردين اشجعه وكله هيييي عفيه بابا عفيه بشطوره عفيه بدلوع امك  ... شو دسكتي عمي وخليني ساكت

سناء : هذا كله حجيته ودكلي ساكت الحمدالله جا اذا تحجي شلون 

جلال : خايبه لو تدرين  بالنار البكلبي جان ماتحجين هيج بس شكول لاحول ولاقوة الا بالله العلي العظيم
يلا دكومي حظريلي فلوس 

سناء  رحت للغرفه فتحت الكنتور مالكت الجنطه الفلوس

فتحت الخانه الثانيه هم ماكوو جلال وينك هم شايل  جنطه الفلوس شو ماكو بالكنتور