أنا البكماء

الحلقه 31

#اناالبكماء

#الكاتبه_دلال

ليليان خلت اديها على وجها وبقت تبجي

بهاء : خاله لاتبجين والله رح ترجعين احسن من الاول اني حساسي يكلي 20 يوم ورجعه احسن من قبل

ناصر اخذ نفس ويحاول مايبجي كدام اولاده خانكته العبره لزم ايدها : حياتي خلي ايمانج بالكريم مرح يعوفج وصدكيني فتره وتعدي بس انتي كون تبقين قويه ومتنكسرين مو الخاطري الخاطر بنتج

ليليان صارت تبجي بقوه : اخ يابنتي شلون رح اتعيشين من بعدي

بهاء كام من مكانه ورح يمها : خاله صلي على محمد وال محمد لاتيأسين من رحمه الله شسالفه تبجي وكأنو كايليلج ايامج معدوده

اميره : اسم الله عليها خاله لاتخافين ولاتفكرين بالجين صدكيني مرح انعوفه روحي وانتي مطمئنه عليها

ليليان وهي تبجي : اذامتت لجين بأمانتكم امانه لاتتخلون عنه وصبروها وكولوله امج ماعفتج بصغرج ولاتخلت عنج برادتها امانه ناصر تحجيله كولشي

ناصر : شهلحجي هذا ليليان انت شنو ناويه اتموتيني
يعني اذا انتي ماتتمسكين بالحياة شلون رح تخاطرين واسافرين وتبعدين عن بنتج غير من تمشين بطريق تعرفين نهايته شنو لحتى ماتتندمين من تكملي ..

ليليان : واني اعرف شنو نهايه هطريق بس انت مدا تقتنع انو اني خلاص منتهيه

ناصر بعصبيه كام من مكانه دفر الطاوله : خلاااص ليليان كاااافي عاد حسي بيه والله تعبت حرام عليج

بهاء اشرت الاميره : يلا كومي نطلع عافهم ولع

اميره كمت بدون صوت طلعت ورا بهاء

ليليان ومتفاجئه برد فعل ناصر غمضت عيونه واخذت نفس : اعرف تعبتك هواي بس ان شاءالله رح تخلص من هالتعب وترجع الحياتج الطبيعيه عافته وراحت الغرفتها

ناصر راح وراها : ليليان اسمعيني اني مو قصدي الي فهمتي جنت اقصد انو تعبت من ...

ليليان : ناصر انت مو تعبت مني روح اني مجابرتك تتحملني روح الزوجتك والولادك وعوفني ابحالي الله يخليك

ناصر تقربله لزم وجها بثنين اديه : باوعيلي يابنت الناس وفتهميني عدل اني احبج تعرفين شنو احبج يعني مااعوفج ومااتخله عنج لو تنكل الدنيا

ليليان ودموعا تنزل : اعرف اتحبني بس انت ماجنيت من هذا الحب بس التعب والذيه اني جنت اتمنى اخليك اسعد رجل بالعالم بس حاليا داحس مقيده ماكدر اسوي شي

ناصر اتقرب منها خله راسه علي راسه وغمض عيونه : اني معرفت شنو السعاده غير بس وياج ومعرفت طعم الراحه غير بس وياج انتي قربج هذا الي عندي بالدنيا كله