أنا البكماء

الحلقه 45

#اناالبكماء

#دلال_عبد

المحامي : يعني سجل نص املاكه بسم زوجته مانتظركم تنفذون وصيته  اظاهر جان فاهكم صح
وهسه عن  اذنك مضطر اسد عندي شغل مهم
(انهى الاتصال )

اميره وكفت وضربت على الميز : بله ابوك صاحي من سوه اسوايته  هسه شنسوي

بهاء : والله علمي علمج مادري شنسوي

اميره : ماكو غير هذا الحل نرجع كلشي ابمكانه

بهاء : ياحل هذا كولي فيدينه

اميره :  انت من الاول معجب بالجين او بالحرى اتحبها  ازوجها  ورجعي كلشي المكانه وهي هم رح اصير جوه ايدك لا عدها احد يسأل عليه ولاابد

بهاء اخذ الجداحته ورث جكاره ورجع اندار عليها : واللهي يااميره  هذا احسن حل
يفيد جميع الاطراف بس تعاي كوليلي شلون انقنع ماما طيبه لو سمعت بيه اريد ازوج ابنت ليليان  احتمال مو بس تتبره مني لا تذبحني

اميره : انت رتب وضعك وي لجين  وشوف شلون تقنعها وعوف ماما  عليه اني  اقنعها

بثناء   ما يخططون هم

لجين كانت  واكفه  على شارع  ومنتظره بهاء يرجعها

دره :  يمعوده خلينه انوصلج  شكله هذا الصاك اليوم ايضربج بوري

ريحانه : يمعوده امشي ترا كله طلعت وانتي باقيه هنا منتظره بهاء 

لجين : لا هسه يجي  اصلا هو كلي انتظره

ريحانه : ماشي حبي ابراحتج  انتظري بلكي هسه يجي

دره : ريحانه يلا امشي ترا ابو الخط اليوم رح يعيط بينه عطلانا هواي 

ريحانه  دره باي حبي رايحين 

لجين  رحن البنات وبقيت الوحدي منتظره بهاء يجي
لااكدر اخذ تكسي الوحدي اخاف  اصعد  والوقت اتأخر بقيت واكفه محتاره شلون بيه بهاي لاثناء  اجو والد شباب ثنين ابدراجه يرحون يرجعون عليه واحد منهم احس رح ياكلني بعيونه  بقيت جامده بمكاني وكلبي احسه رح يطلع من صدري من الخوف  بوقت لو يذبحوني ميلكون قطره دم بيه 
اباوع منا ومنا اريد بنيه موجوده اروح  وياها ماكو كله راحت الي عدها سياره ولي عدها خط والي عندها اخ لو اب يجي عليه باقيه بس اني صدوك بساعته حسيت  بالوحده وحسيت نفسي غريبه  
واكفه والدعمه اتلالي بعيونه   ماحس اله وايد ضربتني على كتفي
دريت بفزع  جان اشوف استاذ علي واكف  خازرني وعيونه حمر من العصبيه

علي : شعندج هنا  واكفه الوحدج ومنو ذوله الولد البدرجه منين اتعرفيهم

لجين نزلت دموعها : والله ماعرفهم كولش خوفوني   صار ساعه يرحون ويرجعون عليه ماعرف شيردون مني