اعرف مصختها وياكم وصار ممل ومملتزمه بموعد نشر بس صدكوني حظي ماكعد حتى بكتابة القصص دا اتحارب 💔💔
ارجوالمعذره وتحملوني بس هاي القصه وبعد حتى مااكتب 😟
#اناالبكماء
#الكاتبه_ دلال
سناء : هادكتور بشر شلونه
الدكتور : اي حاليآ الحجي وضعه مستقر والظغط طبيعي كتبتله علاج انطيته للولد يجبهن خلي يستمر عليهن لمده 10 وبعدها يرجع يعيد التحاليل وعنده العافيه
ان شاءالله
سناء : يعني هسه نكدر نطلعه ماعليه شي
الدكتور ابتسم : لاماعليه شب تكدرون اطلعون بس هم شي ميتعرض الظغوطات نفسيه حاولو بقد الامكان تبعدو عن المشاكل ولاتخلو يتعصب او ينقهر
سناء : اوف اوف وشلون مايتعصب وينقهر واذا هي المشاكل فوك راسنه وحده وره الثانيه
الدكتور : حجيه بعد سلامت المريض بعد بقت بأديكم انتو عن اذنك (عافها وراح)
سناء رجعت للغرفه : الحمدالله على سلامتك جلال خوفتنه عليك
جلال : ياسلامه هاي التحجين عنه لو ميت ولاشفت عمايل ابنج
سناء : شسوي بعد السالفه مو بادينه مانكول غير الله يهدي ويرجعلنه
جلال : شيهدي انتي تحجين صدك كولي الله لايهني الله لايوفقه هذا عاق وعار
(بهاي الاثناء دخل قاسم جاب العلاج الابو )
قاسم : ياباا لاتنقهر كلشي يتعوض هم شي صحتك ولاتخاف جابر مراح يرتاح لو يتهنى بالفوس ويجي اليوم الي يرجعلنه ونادم
جلال : والله اذا شفته فديوم اله اخلي طلقه براسه ونعل والديه الهناقص هذا
سناء خزرت قاسم واشرتله يسكت رجعت اندارت على جلال : دكافي ياعيني لاتروح تتخربط علينه ولااتفكر ابشي ربك يحله
قاسم : بابا اني خابرت على الشيخ وبلغته بالي صار
جلال : اي زين سويت وشكال
انطيني ايدك ساعدني خلي اكوم
قاسم تقرب لابو رفع ايده خلاها على ركبته وسند ابو كمل كلامه : كالي رح اخابر على جماعه واكلهم بالي صار وبعد ضلت هم ومروتهم
جلال : الله لايوفقك ياجابر خليتني تحت رحمتهم اخ اخ يابويه لو يطيح بايدي جابر اله شرب من دمه شكد شفت بحياتي مو خوش اودم بس مثل ابني نذل وعار ماشفت
سناء : صلي على محمدوال محمد يا رجال يجوز الولد اخذهن يفتح مشروع ومن ينجح مشروعه يرجعلنه
جلال : سناء انتي ليش ماسكتين من شوكت ابنج صار براسه خير وفكر يشتغل يامره ابنج مابي حظ مو رجال سكط وكلب ابن كلب
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
