#اناالبكماء
#الكاتبه_دلال
احيان تجبرنا الحياة انعيش
ونتعايش معه واقع مر
سوء كان يعجبنه او لا
تبقى الحياة مستمره ودائما تضحك
للي لاعبها فاهمها صح ..
بهاء : صباح الخير
لجين : صباح النور
بهاء : جاهزه اني اوصلج بطريقي
لجين : لا اني اروح بسياره ماما الله يرحمها
بهاء : يمعوده بعدج جديده بالسياقه لاسويلنه مصيبه والله لسا كلبي يوجعني من الي صار يرحمه الموتاج عوفي سالفه السياره
لجين وهي مدنكه تربط بقيطان حذائها : لعد صارلك.شكد المن اتعلمني وبعدين ترا اتعلمت والله صرت مااخاف من امشي بشارع
بهاء : اني علمتج على سياقه بس لحتى تطلعي من الحاله الي انتي بيه ردت اشغلج بشي حتى اتبطلي بجي وحزن
لجين رفعت راسها مبتسمه : كوتلك لاتخاف واذا متت عادي هذا يوم انتظره بفارغ الصبر
بهاء : لجين وتالي شنو هالضعف الي انتي بي ترا اني عرفتج قويه واجهتي كومه ظروف صعبه وماكو شي اثر بيج
لجين : تعرف شنو اصعب شي بالحياة
من انت تركض وتركض واجلك الله كلاب تركض وراك اذا لزمتك تنهش لحمك ومتعوفك اله وانت منتهي
وفجئه تلكه حايط حاجز عنهم وتروح تكعد وتستند عليه وتحس بالامان بسده وبين لحظه ولثانيه ينهدم هذا الحياط وترجع انت على نفس مخاوفك
هذا الحايط هو ماما اني حسيت بالامان والحنان الي مالكيته عند غيرها صعبه ارجع قويه
بهاء : بس الحياة مستمره لا تبقين واكعه من اول عثره لسا كدامج الطريق طويل وان شاءالله ربي رح يعوضج لان الله مستحيل يظلم لو يترك احد
لجين اخذت نفس وتنهدد : ونعم بالله يلا اتأخرنه
بهاء : هسه مابيه مجال اني اوصلج
لجين : لا ابد اني اروح
بهاء : لعد رح امشي وياج بسياره خاف لاسامح الله يضير شي
لجين : ماشي ابراحتك
رحت للكراج طلعت السياره وبهاء كدامها صعد بسيارته ومنتظرها اتمشي كدامه
جابر : شوفي يوم هاي لجين الصاعده بهاي السياره السوده تمشي بسرعه انلحك عليه قبل لاتطلع
سناء : يااااا دهر فرهه هاي الخرسه هنا ساكنه وهيج سياره عدها واحنه كاعدين بتجاوز وأيجار امدني ومدامك يالغبر
جابر : هسه غميتي روحج اني شكو اتغمين
سناء : انجب وسكت وصلناله
لجين واني كاعده بالسياره احجي وي مفيد دا اوصي على نواقص احتاجهن بالمطبخ ماحسه اله وايد دكت جامه السياره اليمي انداريت عليه وجان اتفاجئه بسناء لابسه عبايه وحجاب اسود كولش متغيره احسها كبرت خمس سنوات ويمها جابر لحيته وكفشتها شكبرها دكول داعشي مجرد ماشفتهم ماعرف ليش الخوف والرعب الي جنت احس بي يمهم نفسه حسيت بي بلحظات ذكرت الماضي ذكرت جابر من يلزمني بالحزام ويضرب الحد مايتعب من الضرب اباوع على سناء اذكر من جانت بعز الحر تخليني انام بالبيتونه واهانته الي
نزلت الجامه واني عيني عليهم بس ذاكرتي ابماضيهم
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
