#اناالبكماء
#الكاتبه_دلال
ناصر كاعد خال رجل على رجل ويدخن : اتفضلي استرحي مراح ناخذ من وقتج هواي
اميره هياني كعدت : اكو كلمه بحقي بعد ناسيها غير انو ماعرف الاصول
طيبيه : ماما احنه مسؤلين عليج يعني ضروري نعرف وين طالعه ويامن تلتقين
اميره اندرات على امها : ضروري اتعرفون اذا جنت مراهقه مو من اني عمري 25 سنه ومخطوبه جاين اسمعوني هذا الكلام الي ابد مو وقته
هذا وقته واني بالمتوسطه او العداديه
(رجعت اندرت بعيونها على ابوها ) موصح بابا لو اني غلطانه .....
ناصر نزل رجله طفى الجكاره : اني دخلت شفت امج معصبه وتحجي عليج واني هم رجع تعبان فصار الموقف كدامي طلعت هاي الكلمه مني بالغلط
واني لو احاسب
ومثاق بيج مجان سلمتج شركه
ثلث اربعها رياجيل بس
بس كوتلج حجيته موبقصد انتي اميرتي الي مربيها على اديه واعرف اخلاقا كلش زين
اميره ابتسامه مصتنعه وكف : عادي عادي ولايهمكم انجرح انقهر اشوي وانسى تسمحولي اروح انام اشوي
طيبيه : لاتنقهرين ماماتي والله من خوفنه عليج يعني قابل احنه انكرهج لو نريد نقهرج ومنشوفج سعيده
اميره : ماما لاتهتمي كوتلج عادي عااااااااادي
ناصر وكف تقرب منه حوط كتفها بايده وباسها من راسها : اميرتي باباتي لاتزعلي مني
اميره ابتسمت : اني لو ازعل من الدنيا كوله منكم ابد مازعل
طيبه : حبيبتي الله يهنيج ويوفقج .
ناصر : بابا شلونه عصام خو ماكو اي خلاف او وووو
اي شي ممتراهمين عليه
اميره دنكت عينها بالكاع وهزت راسها بمعنى لا
ناصر : زين بابا روحي اخذي راحتج ولازعلين مني
اميره : لاما ازعل عافتهم وراحت بتجاهه غرفت الحجيه
طيبيه وتأشر على جهه الدرج : منا منا غرفتج وين رايحه مو على اساس تردين اتنامين
اميره ضحكت : هو اشوف بيبي واروح انام
ناصر : ضحك هالايام علاقتج بالحجيه قويه صايره
الحجيه طلعت من غرفتها : اي وشتريد انت
ناصر : ضحك لاشريد الله بس مستغرب بالعاده انتي واميره دوم عرك ولايوم اجيت وشفتجن متراضيات
اميره : بابا هسه الوضع اختلاف
ناصر : شلون يعني
اميره : مو هسه بيبي كبرت واخاف عليها اتموت وضحكت
الحجيه : ها يالمكموعه المعصيه ردتي عليه وعلى الموت
ناصر ضحك من كل كلبه : والله هيج احلى العيشه
أنت تقرأ
أنا البكماء
Chick-Litما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
