#اناالبكماء
#الكاتبه_دلال
بهاء من بعد ما انحل الخلاف وي جابر وسحب الشكوه
رجع لشركه ولاول مره من بعد وفات ابو
يدخل مكتبه لحتى يفتح خزتنه
ليتفاجئه بوصية ومانصت عليه .....
لاااا ابد مو معقول ماما اذا تعرف تتخبل والله
ليش بابا بهسوله تنطي تعبنه لهدرجه صاير حقني كلشي بنص حتى الشركه التابعه الماما هم ناطي نصها اليليان ليش يعني ليش
من يوم الي ازوجت واني ناطيك الحق واكول حقه ماما اكبر منه وهاملته وكسرت كلبها وازوجت وماحجيت شي بس توصل بيك تنطي نص املاكنه اله لاهاي ابد ماارضها ولارح اسامح وابريلك الذمه احنه نتعب وانت تنطي تعبنه ليش مافكرت بماما من تسمع منطي شركه ابوها نصها المرتك شنو موقفها رح تبقى تترحملك لو تبقى اسب وتلعن بس والله ماالومها
((طلع تلفونه من جيبه واتصل اباميره ))
اميره الي جانت فاصله عن العالم ولازمه ايد عصام وتمشي
عصام : مو كأنو اسمع صوت تلفونج
اميره : ضحكت هزازوسمعته ماشاءالله مو اذان لاقط
عصام : لاقط لو فار ه ه ه
اميره : فار لو انهزم هههه
عصام : ضحك صايره حشاشه دشوفي منو جاوبي
بهاء الله ياخذها هاي الثانيه مدري وين اموليه وماترد
((بثناء مديحاول يتصل عليه رجعت هي اتصلت ))
(بعصبيه وصوت عالي )
انتي مدكليلي وين جنتي ليش ماتردين عليه
اميره توقفت عن المشي والبتسامه اختفت من على وجها وملامح الرتباك والقلق بانت عليه : ترا ماتأخرت عليك هي مكالمه وحده بس طلعت تلفوني من لجنطه فصل رجعت اتصلت ماكو دعي لهل عصبيه
بهاء : انتي تعاي وشوفي هاي البلوه وبعدين كولي ماكوو داعي لهلعصبيه
اميره : خير بهاء شكو صاير شي ترا خوفتني طمني شنو الموضوع
بهاء : تعاي وشوفي ابنفسج الي صاير وشوفيلنه حل
اميره : ماشي جايه وين انت هسه
بهاء : بمكنتب المرحوم ابوج الله لايرح... استغفرالله دتعاي بسرعه ولاتحجين الأي احد تعاي وحدج
(وانهى الاتصال)
عصام : خير اميرتي صاير شي
اميره : ماعرف شنو الي صاير بس بهاء منهاره اعصابه معنها اكو مصيبه ميتعصب هيج بدون سبب
عصام لزم ايدها : طيب حبيبتي اهدئي ان شاءالله ماكو شي
اميره : فدوه وصلني ل****** بسرعه بها منتظرني هناك بمكتب بابا الله يرحمه
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
