أنا البكماء

الحلقه الرابعه والعشرون

#اناالبكماء

#الكاتبه_دلال

بهاء : شتحبين اسمعين اي اغنيه

لجين :  امممم اني احب اسمع اغاني اليسا

بهاء : ماعندي اي شي االيسا ؛غيرها عراقي تسمعي

لجين :  اي عادي  شغل اي شي على ذوقك

بهاء  : شغل اغنيه  علي جاسم ومحمود التركي
اريد اكلك اني قافل عليك واريد اشرد بيك
تعال اشبعك حب اشبعك دلال  تعال يابن الحلال

ويغني وياها

لجين  اتباوعله وتضحكت 

بهاء بتسم  : ها شرأيج بصوتي

لجين : اوووماكو هيج القيصغ (القيصر) ميلحكك وضحكت

بهاء : هاااا يعني ابطل مااغني

لجين : اي بطل يعني شنو ذنب اليسمعون

بهاء : ضحك  اكول لجين من ينتهي الدوام اتصل لاتستحين ماشي

لجين :  ماشي  انت هم اتحملني هالكم يوم لبين مااشوف شلون اكدغ (اكدر )
  اجي اصعد نفغات  (نفرات)  او شوفلي خط

بهاء رفع حاجبه :  نعم شنو  اصعدين نفرات وي ناس غربه شتعرفين انتي من هالعالم بله واحد خطفج او اتعرضلج بهاي الحله شنسوي شنكول

لجين : ضحكت خيالك واسع 
عاد مو الهدرجه وين عايشين احنه وبعدين يعني
ماكو بنات يصعدن كيات 

بهاء : الحذر واجب هسه اني اوصلج وارجع  وعتبريني خط  لو سايق عندج

لجين ضحكت : والحساب شهغري (شهري) لو يومي تريده

بهاء وصل باب الجامعه وكف : لا اريده يومي

لجين : وشكد اتريد

بهاء وصافن بعيونه  : نظره وحده

لجين اتغير ملامح وجها : شنووووو

بهاء ويحول يغير الموضوع : يلا وصلنه
(فتح الباب السياره ونزل )

لجين : شو نزلت مغاح اتغوح (مراح اتروح ) لدومك 

بهاء قغل السياره : خلي ادخلج جوه  اعرفج بالساتذه
لحتى محد يحجي وياج لان تعرفي من زمان داومو

لجين دخلنه للجامعه واني كلبي يركص من الفرحه البتسامه مفارقتني اباوع على الجهتين وامشي مثل المضيع شي   اباوع على بنات كل ثنين ثلاثه  مجماعات يضحكن  والشباب كذالك واكو بنات ولد سوه مجمعين  حسيت  وكأنو داخله بغير عالم

بهاء تمشي لجين وتباوع على جهتين مثل الطفل الي يدخل محل العاب مبتسمه والفرحه باينه عليه : اسمعيني  لجين  شايف ذولي الشباب  ابد لا توكفين وي واحد منهم ولا اصادقين احد اتعرفي على بنات وبس