يوميات زوجه مفروسه
الحلقه الثانيه
طفل برئ الجزء الثانى
نروح بقى عند سمسمه نشوف الدنيا فيها ايه كفايه دومى و اللى عمله في ماما و بابا
سمسمه يا سمسمه انت يا بنت
ايوه يا ماما فى ايه
يلا جهزى نفسك عشان الميس جيه تديكى الدرس و جيبه معاها ولد جرنا كمان
سمسمه اتضيقة مين الواد الرخم اللى هيجى ياخد معاها الدرس
سمسمه كشرة جامد و قالت لمامتها مين الوالد ده
والد جرنا اسمه دومى تعرفيه فجئه لقت بنتها عنيها بطلع قلوب
راحت سمسمه قلتلها هيححححح يا ماما اعرفو طبعا بشوفو وانا بلعب فى الشارع
الام تنحت و حست ان بؤها بداء يتعوج من الصدمه هيحححح يا سمسمه
دنتى عندك اربع سنين ده انا معرفتش ان فى كائن اسمه ولاد غير فى الجامعه وكانت فكره كائن من الفضاء
راحت متكلمه وقيله اه يانى يا فرستى منك
كل ده وكانت سمسمه سرحانه فى اول لقاء ليها مع دومى
كانت بتلعب مع اصحبها فى الشارع و فجئه لقة بنوته جميله شيلها اخوها الكبير راحت جريت عاليها و قلتلو ممكن العبها قلها اه ممكن و هى بتلاعب البيبي الجميل ده ظهر فاجئه ام و اب و معاهم بنت و لاد تنين اول مشفهم اخو البيبي قلها معلش يا سمسمه عشان انا ماشى مع ماما و بابا بتوص ورها شافت ولاد قدها فى السن شعره بنى و جميل لفت نظرها لانها اول مره تشوف ولد شعره بنى طبعا دومى مكنش شفها
نرجع بقى تانى يلا يا بنتى الميس زمنها على الباب عشان الدرس
وبعد كام حصه من الدرس والتسبيل بين دومى و سمسمه العيال بتحب على نفسها
دومى سمسمه بعد اذنك متنزليش الشارع تانى عشان متبقيش نوتى
دومى كان بيتكلم و مخدش بالو ان مامة سمسمه كانت سمعه
راحة سمسمه قلتلو و هى الدموع فى عنيها 😢😢😢
ليه كده يا دومى انا بحب انزل الشارع
دومى بشخط جامد انا راجل ولازم تسمعى كلامى
الام بصوت واطى ايوان يا ولاد لازم يكون عندك شخصية سنفور غضبان عشان تسمع كلامك امال ايه
راحت سمسمه بصوت واطى حاضر يا دومى
الام صلاة النبي احسن البت بنتى ام صوات قد قده بقة رقيقه زى سنووايت امتى
الام مصدومه وحسه ان عنيها بترعش لوحدها ولسه هاتتدخل بقى مهو ميش معقول كده
لقيته بيقولها انت معزومه على فرح ابله سوسو قلتلو اه قلها حسك عينك تلبسى حاجه عريانه
الام من ورا الباب و حياة امك هالبسها مايوه قطعتين يابن الورمه 😠😠😠
الواد ده شكله هايقهر البنت و دى يعنى اخر قهره ليها لما كنت بعلمها الحمام على البوتى ماكنتش مستحملها بنتى ميش بتاعت مرمته
اه يادومى يا بن ام دومى اه يانى يا فرستى
وجه يوم الفرح اللى سمسمه معزومه عاليه مع دومى
الام جبتلها فستان كت سمسمه رافضت و قلتلها يا مامى عاوزه بنطلون و تيشرت ميش فستان
لا هاتلبسى ده سمسمه قلتلها كده هابقى نوتى يرضيكى ابقى نوتى البنت قذفة جبهة امها
راحت سمسمه الفرح و لعبت مع دومى و الاولاد وهى بتلعب البنطلون اتزحلق راحت رفعتو
تصرف بديهى عادى راح دومى اتغاظ منها و ادلها حتت قلم من اللى بيطلع صوت ده 😳😳😳
سمسمه انهارة وجريت على مامتها منهاره امها بتسالها فى ايه راحت قلتلها دومى ضربنى بالقلم
مامة دومى اتكسفت و جريت ندهت عاليه وكانت نويه تعقبه جامد
جه دومى و سمسمه بتعيط مامتها ينفع كده يا دومى راح راد عاليه ينفع يا طنط بنتك ترفع البنطلون قدام الاولاد عادى
ام دومى و ام سمسمه تنحو للحظات ميش مستوعبين مامت سمسمه لا يادومى ما ينفعش بس بلاش تتحول على البنت كده يا دومى راح دومى بصلها جامد كده و مستغرب الكلمه وقلها ليه يا طنط فكرانى بن تن ( لكل اللى ميعرفش بن تن دى شخصيه كرتونيه )
الام 😲😲😲
ولما روح دومى و مامته من الفرح قررة تكلم دومى
ينفع يادومى ولاد محترم يضرب بنت قلها و ينفع بنت تعمل كده
الام مينفعش بس نقول برحه كل الناس بتغلط
دومى بكل شموخ و كبرياء سوبر مان وانا ميش بسامح فى الغلط
نعم يا دومى ميش بتسامح فى الغلط
اه فهمت ده ابوك عمره مقال كده تقولها انت
دومى ميش مشكلتى ان بابا شخصيته ميش قويه معاكى هاااارسود امشى يا كلب البحر من هنا
الواد هايقوم ابوه عاليه بعد كل سنين الجواز دى الطم ولا اجيب لطامه بالكهرباء احسن
اللى لازم كلنا نعرفه ان الاطفال ما بيبقوش و خدين الموضوع زى الكبار خالص هما بيحبو حاجه فى شكل بعض او بيحبو يلعبو مع بعض مفيش حاجه من اللى فى دماغ الكبار دى خالص ولا انتم ايه رائيكم
احب اعرف رائيكم فى الحالقه و نكمل يوميات زوجه مفروسه ولا لا الحالقه اللى جايه ان شاء الله بعنوان
# الزوج الحنين رزق
#ايناس حسن😍😍😘😘
# نوسه
