يوميات زوجة مفروسة
الحالقة السابعة و العشرون
انا حامل😉😉😉
شيماء قامت من النوم مفزوعة من الكابوس بتبوص جنبها لقت عماد بيضحك على الآخر
• شيماء انت بتضحك على ايه انا ميش فهمه
• عماد عاليكى انت بتحلمى ان هاطلقك و مفزوعة
• شيماء لا وانت الصادق ده عشان هارتاح منك و من طلباتك
• عماد طبطب عاليها لا متخفيش يا قلبى انا ميش هاطلقك انت قدري يا شيماء انا ها تجوز عاليكى على طول هههههه
• شيماء محدش قالك انك بايخ و هو في حد عبيط زي يرضى بيك
• عماد لا انا مطمئن العبط كتير بس النفس
• شيماء جاتك سد نفسك يا بعيد
• عماد نامي بقى طيرتى النوم من عيني
• شيماء نام هو انا جيت جنبك
شيماء و نجلاء قاعدين في المكتب
• شيماء بس يا بت يا نجلاء أعصابي سابت وهو بيرمى عاليه اليمين وهى تقولو طلقها ورميها هي و ابنها اللى بسعدها والواد يعيط و انا اعيط
• نجلاء و كنت بتعيطي ليه
• شيماء عشان الجزمة في الحلم كانت ضيقه على رجلي
انت عبيطة يا نجلاء بطلق معيطش انبسط و ابل الشربات يعنى ولا ايه
• نجلاء الحمد الله انه حلم
• شيماء اه الحمد الله
• نجلاء اسكتى يا شوشو ميش في واحد معجب بيه
• شيماء بفرحه بجد طب كويس قوليلو يتقدملك
• نجلاء هو انا اعرفه عشان اقولو
• شيماء انت هاتجنني يا نجلاء ميش بتقولي معجب
• نجلاء اه معجب بس معرفوش بعتلي رساله على المسنجر بيقولى انت جميله اوى و رقيقه اوى و انا معجب بيكي
• شيماء وهو عرف منين انك جميلة اوى و لطيفه اوى و مستحميه اوى وكل الاوى ده
• نجلاء و هي مسبله عينها من لا كونت بتاعى
• شيماء يا حلاوة هو لما يدخل الأكاونت يبقى خلاص كده عرفك بطلى هبل يا نجلاء ده بيشتغلك
• نجلاء ليه بتقولي كده ميش يمكن حبني
• شيماء انت عاوزه تجبلي حاجه هو عارفك منين يا بنتي
هو الفيس بوك ده حد يعرف مين بتاع ايه مهو كله سايح على بعضه تبقى بتكلمي حد على انه بنت هوب تكتشف انه ولد و داخل يشقط من الفيس و عامل اكونت باسم بنت عادى
• نجلاء انت تحبطيني ليه يا شيماء ده أنا كنت مبسوطة
• شيماء تبقى مبسوطة لما يبقى في حد بن حلال يجي البيت من بابه ميش واحد على الفيس متعرفيش هو ولد من بنت
• نجلاء خلاص يا محبطه
• شيماء انا محبطه الله يسمحك انا هاقوم و اسيبك بقى مع احلامك الوردية
• نجلاء على فين ده ليه بدرى
• شيماء ريحه معمل التحليل و اروح عشان انا تعبانة
• نجلاء الف سلامه عاليكى خير
• شيماء لما أتأكد هاقولك
• شيماء راحت المعمل و روحت على البيت
• عماد ايه اتاخرتى كده ليه ومفيش اكل في البيت وكل متصل بيكي تقولي جايه
• شيماء هاقولك على حاجه حلوة ها تفرحك
• عماد قولي عاملة حالة محشى صح
• شيماء لا
• عماد اه يا اروبه مدام حاجة حلوة تبقى كيكة الشكولاتة اللى بحبها بس انت محبيها فين
• شيماء هو انا عملتها عشان تخبيها يا عماد
• عماد بيهرش في دماغه امال خبر ايه
• شيماء بابتسامه انا حامل يا عماد
• عماد بفرحه بجد يا حببتى اخيرا ها نجيب اخ او اخت للواد هيثم
• شيماء انا مبسوطة اوى الحمد الله
• عماد وانا كمان مبسوط اوى الخبر جميل جدا يلا بقى قومي اعملنا الغدا و اعملى كمان حاجه حلوه بالمناسبة دي
• شيماء مبرقة بدل ما تشلني و تلف بيه وتقولي مبروك يا حياتي ولا تقولي متعمليش حاجه التسع شهور اللى جين دول
• عماد ولما حضرتك متعمليش حاجه مين اللى هايعمل الاكل و الغسيل و شغل البيت كله
• شيماء هو ده اللى همك بس 😠😠😠
• عماد شوفتي انا ميش بحبك تتفرجي على مهند و اللى زي ليه عشان بيسمم افكركم بكلام فاضي
• شيماء لا ما تخفش انا عارفه نصيبي كويس محصلش حتى اللمبي اه يا نا ياوكستى
• عماد مصدوم وكستك انا وكسه
• شيماء عيب عاليك يا عماد انت نكسة
بعد مرور شهرين على الحوار الجميل ده
• شيماء واقفه في المطبخ ميش قدره حسه ان روحها ها تطلع من ريحة الاكل ميش طيقاها
• عماد دخل عاليها المطبخ شوشو حببتى عامله اكل ايه انهارده لحسن هاموت من الجوع
• شيماء بقرف لحمه و خضار
• عماد انت قرفانه كده ليه هو الوحم ده ميش ها يخلص بقى
• شيماء انت كمان ميش عجبك ده انا ببقي هاموت وانا بعمل الاكل
• عماد يعنى انت عوزانى تكلميني بقرف و كمان ميش عجبك
• شيماء يعنى عازوني اعمل ايه وانا روحى ها تطلع من الريحة
• عماد بقولك ايه اسكتى احسن انا قلبى معبى منك
• شيماء انت كمان اللى قلبك معبى الرحمة يارب
• عماد ده اللى انت فالحه فيه وسبها و مشى
• شيماء وهى على اخرها يارب اشوفك يا عماد حامل و بتتوحم وانا ميش معبراك
شيماء وهى بتتخيل 🤗🤗🤗
• عماد وهو فرحان بركيلي يا شيماء
• شيماء وهى قرفانه على ايه يا اخرة صبري
• عماد انا حامل يا شوشو
• شيماء حامل بس انا ميش عاوزه عيال دلوقتى
• عماد ماسك بطنه لا ابنى انت بتقولي ايه انا لا يمكن افرط في ابنى
• شيماء خلاص برحتك بس انت اللى مسؤول ميش انا
• عماد موافق بس ابنى حبيبي يفضل معايا
• شيماء بتنده على عماد عمااااااااد يا عماااااااااااد
• عماد و هو ميش قادر و وشو مصفر عاوزه ايه يا شيماء ايدى ميش فاضيه
• شيماء تعالى اقعد جنبي كده و سيبك من اللى في ايدك ده
• عماد نعم خير عاوزه ايه
• شيماء ده اسمه كلام يا جميل تعالى نلعب شويه نضحك شويه
• عماد بزمتك ده وقته انت ميش بتحسى انا تعبان و بتوحيم و عندي شغل بخلصه وانت عاوزه تضحكي و تهزري
• شيماء بقرف قوم يا عماد قوم جاتك القرف قفلتنى
انت من ساعة ما بقيت حامل وانت مبقتش تطاق
• عماد واقف و بطنه قدامه قد كده و ايدو في ضهور
شيماء قومي ننزل نتمشى عشان الولادة تبقى سأهله
• شيماء ميش فاضيه ورايه شغل بيت قد كده انزل انت
• عماد انت ليه برده كده هو اللى جى ده ميش ابنك زي ما هو ابني
• شيماء ايه المطلوب يعنى انا مهدوده و ميش فاضيه ورايه حاجات بعملها
• عماد انا هانزل لوحدي جاتك القرف اه يانا يا موكوس
• شيماء رجاله خرعه صحيح ميش عارف يبقى حامل
جه ميعاد الولادة
• عماد بتوجع شيماااااااء الحقينى يا شيماء ااااااااه ااااااااااه
• شيماء ايه في ايه يا عماد
• عماد بيعيط ميش قادر بولد واجع ااااااااه اااااااااااه
• شيماء مخضوضة طب يلا على الدكتور
• الدكتور لسه بدرى يا استاذ عماد قدامك شويه
• عماد يالهوى ده انا ميش مستحمل ولدنى وخلاص
• الدكتور ده اللى هو ازى كله بأوانه
• شيماء ما تجمد بقى يا عماد ايه مكنتش ولاده
• عماد ياني ياني ياني ميش هاعمل كده تانى
ياني ياني ياني ميش هاعمل كده تانى
• شيماء رجعت من تخيلها ☺☺☺
• عماد خير ايه الابتسامه الكبيرة دي
• شيماء ها ابدا كنت بتخيل حاجه لو حصلت تبقى وجون وجون وجون
• عماد ربنا يشفيكى يا شيماء
• شيماء يارب اشوفك زي ما انا عاوزه يا عماد
عماد و شيماء عند الدكتور بيشوفو نوع الجنين
• هيثم اول ما شاف امه و ابوه رجعين من عند الدكتور ايه يا ماما هاتجيبي ولد العب معه
• شيماء و هي سعيدة لا يا حبيبي بنوته زي العسل شبهي
• هيثم بقرف ميش عاوزها رجعيها
• شيماء اللى هو أزاي يعنى
• هيثم زي مجبتيها رجعيها انا عاوز ولد لو جبتي بنت هاخنوقها
• شيماء هيثم اتلم احسنلك دي ها تبقى اختك حببتك
• هيثم شوفي بقى زي مارحتى عند الراجل بتاع النونات و بلعتي بنت تروحي ترجعيها و تبلعي ولد
• شيماء مصدومة ابلع اللى هو ازى
• هيثم هي تيته تفيده اللى قلتلى كده لما سالتها ماما ها نجيب النونة منين
• شيماء و هي تيته ملقتش رد مقنع غير ان اكون بلاعة بتبلع العيال
• هيثم هاتعملى اللى بقولك عاليه ولا لا
• شيماء بوص يا حبيبي المرة دي مشيها بنت والمرة اللى جيه هابلعلك ولد
• هيثم انت ميش عاوزه ترجعيها
• شيماء سياسية الراجل اللى بيدينى النونة ممنوع الترجيع يا حبيبي
• عماد بيضحك ماترجعى البنت للراجل بتاع النونات هههههه
• شيماء وهى امك ملقتش تشبيه احسن من ان ببلع العيال
• عماد طو والله فكره حلوة امى دي دماغ
• شيماء ده انا اللى نفسى اكسر دماغك انت و امك
جرس الباب بيرن
• شيماء قوم يلا افتح الباب
• عماد ازيك يا ماما اتفضلى
• تفيده انا عرفت انكم ريحين عند الدكتور جيت اطمن على شيماء
• عماد كويسه الحمد الله هاتجيب بنوته زي العسل
• تفيده بفرحه يا ما شاء الله هاتجيبو تفيده صغيره
• شيماء تفيده هو ده اللى ناقص اجيب تفيده صغيره
اه يانا يا وكستي بالقوى
# يوميات زوجه مفروسه
# ايناس حسن
# نوسه
• باي باي بقى دي كانت اخر حالقه من يوميات زوجه مفروسة و اشوفكم ان شاء الله قريب مع رويتي الجديدة
• دمتم لي متابعين
• أستودعكم الله
