يوميات زوجه مفروسه
الحالقه الخامسة
الزوج الحنين رزق الجزء الثالث
شيماء قعده على مكتبها و قدمها شغل قد كده بتخلصه و لقت التليفون بيرن برقم عماد
• شيماء يا فتاح يا عليم يا رزاق ياكريم اكيد عاوز يعرف الغدا ايه انهارده ولا فى وصلة نكد نسى يسمعهالى
• السلام عليكم ورحمة لله وبركاته ايوان يا عماد
• عماد و هو ميش عارف يطلع صوتو ايوا يا شيماء انت فين يا شيماء
• فى الشغل يا عماد هاكون فين يعنى فى مولد السيده
بس صوتك مالو يا عماد فيك ايه
• بقى انا بطلع فى الروح و انت بتهزرى منك لله
• شيماء بخضه مالك فيك ايه ياعماد انت فين دلوقتى
• عماد و هو صوتو ميش طالع كان و احد بيطلع فىي الروح فعلاانا فى البيت روحت و تعبت اوى عقبال مرجعت البيت الحقينى يا شيماء بموت
• شيماء بخضه طب خاليك عندك هجبلك دكتور و اجى حالا
شيماء قامت تجرى من على المكتب و هى مخضوضه و شها اصفر قبلت نجلاء صحبتها مالك يا شوشو عامله كده ليه
• شيماء و هى على وشك العياط عماد بيموت ادعيلى و سبتها و جريت
• نجلاء بسط عاليها و هى ماشيه و دعاة لها اسال الله العظيم رب العرش العظيم أن يشفيه
• شيماء ركبت تكسى و عدت على المستوصف اللى جنبهم تجيب دكتور و جريت على البيت فتحت الباب وقعدة تنده على عماد لقيت صوت ضعيف جى من اوضة النوم انا هنا يا شيماء
• شيماء اتفضل يا دكتور اتفضل
• الدكتور دخل و بداء يكشف على عماد
• الدكتور استاذ عماد قول اه
• عماد بصوت ميت خالص اه
• الدكتور لا معلش نتعبك معانا قول اه بس طويله شويه
• عماد اه طويله شويه
• الدكتور بداء عينيه تحمر و بشخط جامد استاذ عماد قول اااااأااااااه بعد إذنك
• شيماء صعب عاليها عماد اوى و قالت لدكتور براحه عاليه انت ميش شايف عامل ازاى و عنيها رغرغت بالدموع
• الدكتور خالص كشف و لم ادواته فى الشنطه و بداء يكتب الروجته بتاعة الادويه شيماء خدته بره الاوضه عشان عماد مايسمعش حاجة
شيماء بتاثر شديد خير يا دكتور ماله
• الدكتور بصلها وهى صعبانه عاليه وقبل مايتكلم قطعته
• شيماء اكيد الحاله خطيره عشان كده حضرتك ميش عارف تقول ايه ارجوك متخبيش عاليه فضلو قد ايه
• الدكتور بصلها جامد و قلها ربنا يقويكى يا بنتى
• شيماء يالهوى هو خلاص بيودع
• الدكتور سكتها بشارة من ايديه و قلها ربنا يقويكى على ما بلاكى يا بنتى جوزك معندوش حاجه
• شيماء و هى مصدومه معندوش حاجه ازاى امال الحاله دى ايه يا دكتور ده صوتو ميش طالع
• الدكتور قالها ده دور برد يا مدام
• شيماء مبرقه يا عين امها و ميش مستوعبه و بتردد كلام الدكتور دور برد
• اه دور برد عادى جدا كمان بس اظاهر جوز حضرتك بيحيب يدلع شويه
• شيماء اللهى يدلع على نار البوتجاز البعيد
شكرا يا دكتور تعبناك
• داخلة شيماء الاوضه على عماد
• عماد و هو عينه ميتانه خالص و تعبان قلك ايه يا شيماء متخبيش عاليه فضلى قد ايه
• شيماء يومين
• عماد خلاص هايعيط يومين بس و اسيبك انت و العيال
• شيماء يومين ليه انا واسيبك انت و عيالك و اطفش يا عماد و ميش هاتعرفولى طريق جره
• عماد بصلها بستغراب ليه يا شيماء ده انا بموت
• بتموت من دور برد يا اخى ارحم
• بستغراب شديد برد انا عندى برد
• اه يا بختى المايل دور برد و عادى كمان شوية ليمون هايخلوك زى الحصان
• وخروجة شيماء من الاوضه و هى على اخرها و الدموع سبقها من كتر الخضه اللى كانت فيها
• عماد رايحه فين و سيبانى تعبان كده
• رايحه اعملك ليمون
• شيماء حطته المياه في الكتل عشان تغلى و سرحة لما كانت هى اللى تعبانه عامل معاها ايه عماد
فلاش باك
شيماء وهى و اقفه فى المطبخ من غير متقصد كوبايه الشاى ادلقت على اديها و هى سخنه بتغلى صوتت بصوتها كله من الوجع جرى عاليها عماد و هو مخضوض مالك يا شيماء فى ايه
• الشاى ادلق عاليه الحقنى بمياه ساقعه
• عماد جرى و جاب التلج و حطه و شيماء يا عينى ميش قدره وقعده تحط تلج و مراهم
بعدها بساعتين جالها عماد ها يا شيماء ايه الاخبار
• شيماء الحمد لله احسن
• طيب الحمدالله الغدا ايه انهارده غدا ايه و انا ايدى كده
• مالها مهى زى الفل اهى بس انت بتحبى تشوفى غلوتك عندى
• شيماء بصتلو و هى رافعه حجبها اليمين غلاوة ايه دى انت شايف قدامك حرق ولا تاتو يا عماد ارحم ارحم وسبتو و قامت و هى هاطق من جنبها منه و من كرشو اللى مبيبطلش سؤال عاليه
باك الواقت الحاضر
• شيماء اتفضل يا عماد اشرب يا حبيبي
• شيماء اتفضل يا عماد اشرب يا حبيبي مطرح مايسري
• عماد ميش قادر ارفع ايدى يا شوشو شربينى انت ميش شيفه انا متكلفت ازاى بالبطنيه
• شيماء بصتلو وضيقة عنيها و كان هاين عاليها تدلق عاليه اليمون المغلى
منك لله يا طنط اعتماد انت و عماد
تانى يوم من معانات عماد مع دور البرد
• شيماء بتلبس عشان تروح شغلها مهو ملهاش لازمه القعده فى البيت عماد قرب يجبلها كساح من كتر الطلبات
• عماد انت بتلبسى و رايحه فين يا هانم
• رايحه الشغل يا عماد هاروح فين يعنى المرجيح
• انت ليكى نفس تهزرى و انا بموت قدمك
• تموت ايه ياعماد انت زى الفل يا بابا هو الوهم اللى ركبك
• اللهى يركبك عفريت احول يا شيخه انا تعبان انا بموت
• انت عاوز ايه دلوقتى عشان نخلص الموشح ده
• عماد ابتسم تقعدى معايا مهو انا ميش هاقعد لوحدى و انا تعبان كده
• شيماء فى سرها تعبان يلوشك يا بعيد
شيماء ببتسامه سخيفه حاضر يا عماد
• طب تعالى اعدلينى
• حاضر
• حضريلى فطار يرم عضمى
• حاضر
• ميش جبنه و مربه و كده
• امال ايه يا عماد
• فرخايه حلوه زيك كده و معاها شوية شوربه عشان الدمويه ترد فيه
• شيماء و هى بتعض على شفيفها من الغيظ ها تفطر فراخ يا مفترى
• ميش عيان و صحب مرض ولا انت ميش عوزانى اخف
• لا ازاى تقول كده انا هاروح اعملك الفطار قبل مطقع منى
اه يانى يا وكستى
على راى طنط اعتماد تاكول بقرب ...... و تقول هات ابنها ورها
وبعد يومين من معانات شيماء طبعا و طلبات عماد اللى مبتنهيش
• عماد شيماء يا شيماء
• جيه شيماء وهى بتنشيف ايديها بفوطة المطبخ ايواه يا عماد عاوز ايه خير لسه مخلصتش الكوارع اللى هاترم عضمك اللى ميش بيترم ده عشان تخف و نخلص من الحجر الصحى اللى انت عامله ده
• انا بندهلك عشان اقولك جهزى شوية حلويات على عصير و حاجه ساقعه
• شيماء ده تبع رم العضم برده
• لا يا ام العريف زميلى جين يطمنو عاليه و انا معرفتش اوزعهم
• و دول هايشرفونا امتى
• بعد الضهر يا حبى
• ماشى يا قدرى
وبعد الضهر جرس الباب رن راحت شيماء تفتح الباب و تستقبل اصحاب جوزها
شيماء بتسلم عاليهم و بترحب ليهم لقت صروخ ارض جو يلوح داخل عاليها
عرفين المشهد اللى هو البطله و اقفه و الهوا بيطير شعرها هو الصروخ كان داخل الدخله دى على شيماء و هى يعينى متنحه
اهلا اهلا اتفضلو فى الصالون عماد حالا جى
• عماد داخل و بيسلم على الكل و شيماء مسحوله شاى حاجه ساقعه كيكه و الذى منه ساعتين لما اتهدت
• وجه وقت الافراج قصدى رحيل الاصحاب
• عماد معلش يا شيماء و صلى جماعه للباب لحسن ميش قادر
• حاضر اتفضلو يا جماعه اتفضلو بس شيماء لحظة حاجه الصروخ اللى كان معاهم مخرجش
• يوه هى راحت فين ديه
رجعت تانى الصلون لقتها واقفه بتسلم على عماد و بتقول باى باى يا عمده
ومشيت الصروخ من قدام شيماء كانها شفافه
• شيماء و عفريت الدنيا كلها بتنطت قدامها و مضيقه عنيها مين دى يا عماد
• عماد دى سوسن
• سوسن مين يا عمده
• دى زميله جديده عندنا فى المكتب
وتانى يوم الصبح شيماء اتفجئة بعماد بيلبس و مهندم فى نفسه و نازل
رايح فين يا عماد انت ميش قلت اجازه الاسبوع كله
عماد و هو بيتلجلج فى الكلام اصل اصل زميلى قلولى فى شغل مهم لازم يخلص
وبعدها بكام يوم شيماء قعده فى مكتبها سرحانه على الاخر
• نجلاء زميلة شيماء فى المكتب
• شيماء يا شوشو هاااااااي نحن هنا
• ها بتقولى حاجه يا نجلاء
• بنده عاليكى بقالى ساعه سرحانه في ايه
• مفيش عادى مشاكل كل يوم
• لا دى شكلها حاجه جامده اللى تخالى شوشو مكشرة كده و سرحانه قولى ياشوشو سرك فى بير
• مفيش يا نجلاء بالى مشغول على عماد شويه
• ليه ميش هو الحمدلله رجع الشغل و بقى كويس
• مهو ده اللى مجنني انه رجع الشغل بسرعه ميش بعاده ده غير احوالو مبش عجبانى خالص من ساعة البت المفقعه اللى اسمها سوسن دى جت و اشتغلت معاه فى المكتب
• إيه اللى بيخاليكى تقولى كده
• ظاهر عاليه اعراض غريبه
• نجلاء و هى مبرقه و ودنها طولة عشان تسمع كويس و ايه هى الاعراض دى
• بيسمع اغانى عاطفيه
• قديم ولا جديد
• هى تفرق
• طبعا تفرق
• قديم و جديد
• وايه كمان
• وسرحان على طول وبقى مهتم بنفسه ميرضاش يلبس الطقم إلا لازم يكون لايق على بعضه ميش زى الاول اى حاجه و سلام ولاهم و اللى مخالى الفار يلعب فى عبي من نحيته
• نجلاء و هى مبرقه جامد ايه ها ايه
• مبقاش يسأل على كرشه يا نجلاء لا بيقول فين الأكل و لا اتأخرتى عاليه فى الأكل ولا حاجه من دى خالص انا قلقانه يا نجلاء
تخيلى يا نجلاء عماد بطيخه بيتقلو باى باى ياعمده
انا عاوزه اتاكد هو بيلعب بديلو ولا لأ اعمل ايه يا نجلاء......
# يوميات زوجه مفروسه
# ايناس حسن
# نوسه
