يوميات زوجه مفروسه

الحلقة الخامسة عشر

يوميات زوجة مفروسه

الحالقة الخامسة عشر

حماتي قنبلة زرية الجزء السابع

عماد و شيماء قاعدين قدام التلفزيون

• شيماء صحيح يا عماد عاوزه اسالك على حاجه

• عماد متساليش

• شيماء بطل بواخه انا بتكلم جد

• عماد خير يا شيماء قولي

• شيماء هو خالتك اخدة بنتها و جرية على شقتها

هي امك مجريتش ليه يا عماد زيهم

• عماد هاااا اصل اااااااااا

• شيماء ضيقة عينها اصل ايه يا عماد قولي على طول ايه المصيبة اللى مخبيها

• عماد انا ميش مخبى حاجه هي امى ماقلتشى

• شيماء قلقة لا يا عماد ماقلتشى

• عماد امى اجرة الشقة بتعتها و هاتقعد عندنا و سبها و جرى من قدمها

• شيماء اه يا عماد بطيخه انت و امك تخه اشوف فيكم يوم لا هو اسود ولا هو كحلى يكون اغمق من اللى تنين يا بعده

منك لله يا اعتماد دبستينى فى عماد و امه

التليفون رن برقم اعتماد

اهلا بجلبة الخير كله 😡😡😡

• اعتماد السلام عاليكم و رحمة الله و بركاته انا

• شيماء وعاليكم السلام

• اعتماد عاملة ايه يا شوشو مالك يا بت صوتك ميش عجبني ليه

• شيماء مفيش انا الحمد الله كويسه

• اعتماد لا ميش كويسه

• شيماء ليه كده بس

• اعتماد لا لأنك لو كويسه مكنتيش جبتينى هو انت فكره ان مفهمتش الفولة من اول مداخلة

• شيماء فى سرها اه يا عتماد يا اروبه

• اتريكى كنت مركزه مع سهام 🤔🤔

• اعتماد بس انت فاكره ان تفيده ها تمشى كده تبقى عبيطة

• شيماء لا ما انا عرفة ان انا عبيطة و انها ميش ها تمشى لا كده ولا مكداش دي طلعت ماجره شقتها 😭😭😭😭

• اعتماد بنت الايمه بس هو انت متغاظه منها كده ليه اهى قعده وخلاص

• شيماء انت ميش عارفه حاجه دي بتنام جنب عماد و سيباني انا ازاز لب يا اعتماد

• اعتماد يالهوى ايه الجبروت ده

يا بت يا شيماء تفيده دي ميش محتجانى انا عشان اكشحها من عندك انا هاقولك تعملي ايه .......