يوميات زوجه مفروسه
الحلقه السادسه
الزوج الحنين رزق الجزء الرابع
رواحة شيماء من الشغل و داخلة البيت شافة اخر حاجه ممكن تتخيل ان عماد يعملها لدرجة انها فضلة واقفه مكانها خمس دقايق و محستش من كتر الصدمه 😲😲😲
عماد بطيخه ماسك بوكيه ورد احمر و بيسمع اليسا اجمل احساس فى الكون و بيرقص سلو مع البوكيه
• بترقص سلو مع البوكيه يا عماد ده انت معملتهاش معايا
• وعماد بيرقص و مندمج اوى مع الاغنيه
اجمل احساس فى الكون انك تعشق بجنون و ده حالى معاك
• شيماء دخالة عاليه و هى مشمره كم الشميز اللى لبسها
وبصوت عالي اجمل احساس فى الكون انك تقتل جوزك و ده احساسى معاك
• عماد اتخض لانه مكانش واخد باله منها
اعوذ بالله من الشيطان الرجيم ايه يا شيماء ميش تعملى حس ولا اى حاجه
• مهو انا واقفه بقالى ساعة بس حضرتك كنت مركز مع اليسا يا ملك الاحساس
• عماد ايه الهوليله اللى انت عاملها دى كل ده عشان بسمع اليسا
• لا يا نحنوح عشان بوكيه الورد اللى فى ايدك
ده انت عمرك مداخلة عاليه بحزمة جرجير
• عماد هو انت تعرفى عنى ان بجيب الحاجات دى
• شيماء امال ايه يا ملك الاحساس
• بطلى تريقه دول زميلى كانو جيبينو ليه حلوة الشفاء
• شيماء وهى مطلعه حاجب و منزله حاجب زميلك مين ياعماد اللى يجيبو ورد دول مقشفين بيخافو يخشو الحمام يجوعو يا عماد
• عماد و هو عنيه زيغه يمين وشمال و حاسس ان شيماء زنقتو فى الكلام
اااااااااا دى سوسن عشان لسه جديده ماعرفش ان مفيش بنا مجاملات
عماد لقه شيماء عنيها احمرة و حس بالخطر راح لاحق نفسه بس انا فهمتها و قلتلها متعملش كده تانى وهوب جري عماد على اوضة النوم قبل ماتصيبو لعنة من شيماء 😠😠😠
شيماء افتكرت ايام الخطوبه
فلاش باك
• شيماء نيمه على السرير و بتمرجح رجليها و بتكلم عماد فى التليفون
• عماد وحشانى يا حبى اوى
• شيماء انت اكتر يا عمده ميش هاتيجى بقى ده انت بقالك عشر ايام مسافر
• عماد اعمل ايه فى امي عجبتها القعده عند خالتى و ميش عارف اجى خالص عارفه يا شوشو ايه اكتر حاجه مصبرانى على بعادك
• شيماء افتكرة هايقولها صورتك اللى معايا
ايه يا حبيبي
• ان عارف انك هاتعمليلي صنية كيكة الشوكولاته اللى بحبها بمناسبة رجوعى
• شيماء وهى متغاظه منه و انت هاتجبلى ايه بمناسبة رجوعك
• عماد هارش فى راسو و حس انه زنق نفسه
قالها هاجبلك الاغنيه اللى كل ما أسمعها افتكرك
شيماء فرحة جدا انه ها يهديها اغنية روم رومانسيه
اغنية ايه يا عماد قولى
• عماد لا دى موفجئه ليكي
• شيمايء قعدة اسبوع تسمع كل لاغانى و تقول انهى فيهم اللى بيفتكرنى بيها عماد وتسرح مره مع سرة الحب لام كلثوم لا هو بيحب مياده الحناوى يبقى اغنية انا انا بعشقك اه اكيد هى دى ومن اغنيه لاغنية تانيه لحد ماتصل عماد ب شيماء عشان يقولها انه جى بكره
وطبعا شوشو عمالة كيكة الشوكولاته اللى بيحبها عمده ده ها يهديها اغنيه
وجيه عماد و سلام على ام شيماء و ابو شيماء وجة الحظه اللى مستنيها شيماء انهم يسبهم لوحدهم
• شيماء و هى متحمسه بقى ها يا عمده ايه الاغنيه اللى انت هاتسمعهالى عارف انا بفكر نرقص عاليها سلو فى الفرح و اختلى الدى جى يقول انك بتهدينى الاغنيه دى جه يتكلم راحة مقطعه بحماس ولا احسن انت تغنيهالى فى الميكرفون ايه رايك
• عماد متنح لانه مكنش فى اغنيه اصلا لما قلها كده هو كان بيخلع منها بس هو افتكر ان فى اغانى رومانسيه كتير على التليفون يطلع اى وحده و يقولها هى دى
عماد جه يطلع التليفون عشان يسمع شيماء الاغنيه اللى هو ميش مجهزها قالتلو استنى اجبلك الكيك عشان ناكول و احنى بنسمع وجريت شيماء على المطبخ جابت طبق كيك مليان على اخره لعماد ورجعت
كان عماد لسه بيدور على اغنيه بس هى اول مادخالة داس على اغنيه مكتوب عاليه احلى الأغانى
شيماء و هى متشوقه جدا
هم النم يا روحى يلا جيبالك مم
كل واكبر لى يا روحى يلا هم النم
مرة سئل الاستاذ ارنب
لية منتاش لابس نضارة ؟
انا طول عمرى ظريف ومؤدب
واكل من غير ما اعمل غغااااااارة
علشان باكل اقدر العب واجرى اسرع من الطيارة
وزمان قالو الجزر اكلو يقوى النظررررر
رحت انا واكل هم المم
شيماء وهى مصدومه و مبرقه و بتبوص نظرة شر لعماد اللى اتفجئ زيها بالاغنيه
وبتردد هم النم هم النم يا عماد و راحة ملابسة طبق الكيك فى وشو و راحت غرسة السكينه فى بطنه عشان تهم و تنم حلو اوى
شيماء فاقة من تخيلها ده على عماد و هو بيضحك ضحكة سخيفه عجبتك
هم النم يا روحى يلا جيبالك مم
كل واكبر لى يا روحى يلا هم النم
والست زرافة قولتلها جايبة الظرف دة كلو منين
هزت راسها وهزت ديلها وقالت بعونها الحلوييين
اية خضرا بشوفها باكلها
وامضغها بين الفكيين
وزمااااان قالو الخضار بيخلينا كباااااار
ويخلينا خفاف الدم
باك الوقت الحاضر
بقى انا يابن المبقعه هم النم و الشحروره اجمل احساس فى الكون ده انا هاخليك متنفعش ببصله يا عماد اعمل فيك ايه عشان انتقم منك احطلك سم و اخلص منك خالص هاتسجن و العيال تشرد
طب احطلك زيت كافور فى الاكل و اخاليك اختى فى الرضاعه عشان متعش الدور مع حد
ولا احطلك دوا أسهل اخليك مقيم فى الحمام اربع ايام عشان تعرف ان الله حق يا بطيخه
مهى الحمارة دى لو تعرف انه الاخدته الهانم تخدو مسحة السلالم مكنتش جريت واراك يا بطيخه
جريت وراه يا عماد يا عمده يا ملك الاحساس استنى
شيماء دخلة الاوضه لقية نايم او عامل نفسه نايم راحت ماسكه التليفون عشان تفتش فيه زى اى زوجة مصرية اصيله لقيتو عامل باسورد زى اى راجل مصرى اصيل بردو عارف انه مرته هاتعمل مسح ذرى للموبيل
من كتر ما شيماء مخنوقه كلمة نجلاء اهى تفضفض معاها بكلمتين
• السلام عليكم ورحمة لله وبركاته ازيك يا نجلاء
• وعاليكم السلام ازيك انت يا شوشو اخبارك ايه
• زفت يا نجلاء و عاوزه افرقع فى وشو زى مبوية الغاز من غيظى
• ليه ايه اللى حصل لده كله ما انت كنت كويسه
• شيماء حكة لنجلاء كل اللى حصل
• نجلاء رجاله ملهاش امان
• شيماء نفسى اعرف بيبوص بره ليه طب مايبوص جوه ولا هو جوه وبره فرشتلك و انت مايل وايه يعدلك على راى طنط اعتماد
كانت بتقول كل الرجاله خينه بس فيهم اللى نكشف و فيهم اللى لسه 😭😭😭
• نجلاء هدى نفسك يا شوشو ميش مستهله هما الرجاله كده حتى لو مراته كامله متكمله من كل حاجه و شيفه طلباته من كله هايبوص بره برده هايقولك الست دى طلع لها ديل و انا مراتى من غير ديل
و بيني و بينك هو فى حد اعمى غيرك يبوص لعماد بطيخه
• مهو ده اللى مجننى يا نجلاء
رضية بالهم اه يانا يا وكستى
# يوميات زوجه مفروسه
# ايناس حسن
# نوسه
