يوميات زوجة مفروسة
الحالقة الخامسة و العشرون
المزاد
شيماء و تفيده قاعدين مع بعض في غرفة المعيشة
• شيماء بس يا توفى البت صعبت عاليه اوى
• تفيده ليكي حق ايه الامهات دي حد يعمل كده في ضناه
• شيماء الكلام بيدبح و محدش بيحس يا توفى و محدش بيحس
• تفيده انا ميش عارفه يا شيماء ايه لازمة بنبقي قاعدين في فرح و تيجى واحده تقولك ميش ها نفرح بيكي يا حببتى
ببقي عاوزه ارد عن البنت و قولها افرحى بنفسك انت يا حببتى ملكيش دعوه بحد
ولا واحده تانية تقولك سنك كبير ميش هاتلحقى تجيبي حتت عيل
• شيماء ستات معندهاش دم ستات عاوزه الحرق عشان بيحرقو اعصاب البنات دول
• تفيده المهم عاوزاكى تيجى فرح منال
• شيماء باستغراب منال مين
• تفيده منال بنت رقيه
• شيماء اااه هو انا كنت عرفت منال لما اعرف رقيه
• تفيده شيماء فتحي مخك رقيه بنت عم عمك هيثم
• شيماء ااااه اذا كان انا مشوفتش عمى هيثم هاعرف بنت عمه منين
• تفيده بطلى رغى انا عاوزاكى معايا في الفرش
• شيماء وانا مالي انا ميش عاوزه
• تفيده لا دول موصينى تيجى انت تفرشي النيش
• شيماء وليه انا يعنى ده محدش يعرفني
• تفيده لا اصل هما جم بركولك بعد الفرح و شافوا رص النيش بتاعك
• شيماء وهما فكرين من ساعة جوازي يا نهار ابيض وامتى بقى ده
• تفيده يوم الجمعة ان شاء الله و هاتيجى معايا عشان تونسينى
• شيماء امرى الى الله لما اشوف اخرة قرايب عمى هيثم دول ايه
جه يوم الجمعة وراحم شيماء و تفيده الفرش بتاع منال
• تفيدة مبروك يا رقيه عقبال متفرحى بعوضها
• رقيه ميش لما تتجوز لأول يا تفيدة
• تفيده هي بتتقال كده على بعضها المهم سلمى على شيماء
• رقيه زيك يا شيماء اخبارك انت وعماد ايه ياحببتى
• شيماء الحمد الله بخير يا طنط
• رقيه اتفضلى اتفضلى شرفتونى
• تفيده امال فين العروسة يا رقيه
• رقيه ثواني و جيه
• منال داخله عاليهم و ميش شيفه قدمها من النرفزه عجبك كده يا ماما
• رقيه في ايه يا منال بس يا بنتي
• منال ميش لقيه كاسات
• تفيده أزاي يا رقيه متجيش للبت الكاسات دي حاجه مهمه في النيش
• رقيه ده انا جايبه قد كده أزاي ميش موجود
• منال انا ميش لقيه غيرى ١١ طقم بس
• شيماء هاااااااارسود ١١ طقم تعملي بيهم ايه
• تفيده امال عاوزه ايه يا منال اكتر من كده
• منال بقرف مين دول يا ماما
• رقيه دي تفيده مرات ابن عمى و دي شيماء مرات ابنها
• منال بجليطه و رخامه اهلا 😏😏😏
• تفيده اهلا بيكي يا منال مجوبتيش امال عاوزه كام طقم
• منال 20 زي نوره ايش معنى انا
• رقيه بس ام نوره قالتلى جايبه ١١ ميش 20
• منال ١١ لنيش و الباقي للمطبخ
• تفيده تنوكسى انت و بنتك يا رقيه مالك مين جاب ايه انت تجيبي الحاجه على قد فلوسك
• رقيه أزاي بقى و الناس تاكول وشى ويقول مجهزتش بنتي
• تفيده على قد لحافك مد رجليك يا رقيه ولا ايه
• رقيه هو انا جبت ايه دي حاجات بسيطة
• منال صحيح يا ماما حماتي اتصلت و بتقولك غيري الغسالة خاليها من اللى بابها من فوق
• تفيده و هي مالها تجيبي الغسالة اللى تحبيها
• رقيه لا منال عندها غسالتين واحد أتوماتيك و الثانية نص أتوماتيك دي الغسالة اللى بتتكلم عنها دي غسالة حماتها عوزها اللى بابها من فوق
• تفيدة هو انت مجهزه مين بظبط يا رقيه البت ولا حماتها
• رقيه يعنى انا بعمل زي مين انت عارفه ام نوره جايبه غسالتين لحماة بنتها
• شيماء لا قليل كانت جابت تلاته و نوره بقى جابت ايه تانى يا طنط
• تفيده انت بتسالى ليه
• شيماء عشان اكمل حرقة دم يا توفى ارحمه من عندك يارب
• رقيه يا حببتى نوره مجبتش حاجات كتير ولا حاجه ده كل جهزها ب كام الف عمى
• تفيده اللى هما كام يعنى يا رقيه
• رقيه مفيش دول 250 عمى مافيش غيرهم
• شيماء اى اى اى وركي وركي ميش قدره
• تفيده مالك يا شيماء في ايه
• شيماء هايجيلى سكته وركيه من الكلام اللى يجيب نقطه ده انت مين قالك تجيبيني معاكي بس هو انا ناقصه وكسة
• تفيده عشان تتفرجي على الفرش اللى يفرح
• شيماء ده يفرح ده يجيب جلطه يا تفيدة
• تفيده بنت
• شيماء بلا بنت بلا نيله بقى
• رقيه باستغراب في حاجه يا تفيدة
• تفيده لا يا حببتى مفيش حاجه دي شيماء عاوزه تعرف جببتي ايه لحمات بنتك
• رقيه شوية رفايع غسالة و تلاجه و بتوجاز و طقم طاسات و خمس أطقم كاسات و زيهم كوبيات و خمستاشر دستة مجات عاديه و طقم صوانى تقديم و غير بقى مشابك و احبال غسيل و شوية اطقم بيتي و خروج
• شيماء بداء بؤها يتعوج بس و مجبتلهاش مفارش سرير ليه بس ينفع كده
• رقيه لا جبنا 10 اطقم سرير من النوع الفاخر ده غير الفوط
• شيماء هو حما منال عايش
• رقيه لا ليه متوفى من فترة
• شيماء بس انا عرفت كده انت بتجهزي منال و حمتها صح كده
• رقية ميش فاهمة شيماء بتقول ايه كأنها جيه من كوكب فضائي انت بتقولي ايه
• شيماء بقول الله يكون فعونكم بعقلكم ده
• تفيده شيفه يا موكوسه جايبه ايه لحمات بنتها انت بقى جبتيلى إيه
• شيماء بتضحك هو مين اللى بيجيب لمين يا توفى ولا ان كنتم نسيتو اللى جرا هاتوا الدفاتر تنقرا يا توفى
• تفيده ضيقت عينها جرا و تنقرا كمان طب هاتى الدفاتر يا اخرة صبري
• شيماء من العين دي قبل العين دي
فلاش باك
• تفيده بقولك ايه يا عين امك انا هانزل معاكم و انتم بتنقو الفرش
• عماد ليه بس يا ماما انا عاوز ابقى انا وهى وبس
• تفيده اه يا خبتك يا تفيده
• عماد ليه ده كله يا ماما بس
• تفيده عشان خلفة عيل متخلف عاوز تروح لوحدك عشان تضحك عاليك و تخليك تجيب حاجات غاليه
• عماد لا انا متفق مع شيماء
• تفيده بس يا خايب انت هاجى يعنى هاجى
عماد كان مستني شيماء عشان يرحو مع بعض يشتروا الفرش
• شيماء متفاجئة ايه ده يا عماد
• تفيده ايه شوفتي عفريت ولا ايه
• شيماء لا ابدا يا طنط بس انا و عماد متفقين نروح لوحدينا
• تفيده برخامه ابنى حبيبي مابيعرفش يروح حته من غيري ميش كده يا مودى
• عماد بابتسامه صفرا طبعا
• شيماء عينها بطلع شرارة ممكن تحرق عماد و امه و الكل كليله طب يلا يااااا
• عماد برق كانه شايف شتمته في عين شيماء يا ايه هاا
• شيماء بابتسامة صفرا حبيبي هاقول ايه يعنى
• تفيده طب يلا بقى لحسن قدمنا لف كتير
• وقد كان تفيده اخدتهم على المناصرة عشان ينقو الفرش و داخلو اول محل
• عماد ايه رايك يا شيماء في حاجه عجباكى
• شيماء اه اوضة النوم دي حلوة اوى
• تفيده دي وحشه و تقرف ولا لونها اخيييي على ده لون
• عماد بابتسامه و نشكاح ليه بس دي لونها جميل ابيض عشان حياتنا تبقى بيضه
• تفيده يا اخى اتلهى على عينك عشان العيال يوسخوها
• عماد عيال مين دول
• تفيده عيالك ياروح امك ولا ميش ها تخلف
• عماد احنى فين و اللى بتقولي عاليه ده فينها ياشوشو عاوز دي
• شيماء لا ميش عاوزه نفسى قافلت منها خلاص
• تفيده تعالوا نروح محل تانى ده ميش عجبني
• شيماء خلاص ها تفرقع و ميش عجبها طب يلا خالي ليوم ده يعدى
• تفيدة استهزاء هايعدى متخفيش
• عماد حس ان في مصيبه في الطريق طب يلا بينا
• تفيدة داخلة الاول
• شيماء عجبك اللى امك بتعملو ده
• عماد اسمها امك بردوا
• شيماء سيب المهم و امسك في الشكليات ارحمينى انا لو مجبتش اللى انا عوزاه ميش ها يحصل طيب
• تفيده راجت لهم ايه انتم بتقولو ايه ميش هاندخل
• عماد يلا يا ماما انا جى وراكي اهو يلا يا شيماء ربنا يهديكى
• شيماء ربنا يهدك انت و امك يا عماد
• تفيده حلوه الاوضه دي ميش كده
• شيماء ماهي نفس لون التانيه اللى قولتي عاليها لا
• تفيده بس دي اجمد و ارخص
• شيماء اه ارخص قولتلى بقى
• عماد باااس ميش ها نجيب دي كمان خلاص كده
• تفيده بصتلو بصت غيظ و سابتو و مشيت
• شيماء كان فاضلها تاكه و تولع في عماد و امه
• عماد يارب قوينني انت اللى عالم بيه
• شيماء واقفه بتتفرج و عماد جنبها قلها ايه رايك في دي
• شيماء حلوة و لونها جميل حلو الون ده
• تفيده اه حلوة يا مودى
• شيماء ايش معنى بقى دلوقتى حلوة يا مودى
• تفيده ضحكت عشان سعرها ارخص من اللى انا كنت منقيها ههههههههه
• شيماء اه يانا يا وكستي😠😠😠
باك الوقت الحاضر
• شيماء هاااا ايه رايك يا توفى
• تفيده بتضحك ميش انت اللى حبيتى تغظبنى اه جات فيكي انت
• رقيه في ايه يا جماعة
• تفيده مفيش متشغلش بالك انت
• منال ماما اهو عجبك كده
• رقيه في إيه تانى يا منال ميش خلصنا من موضوع الكاسات و بعت ابوكى يجبلك اللى انت عاوزه
• منال زعلانه وخلاص الدموع بداءت تنزل من عينها اخت خطيبي ميش عجبها الحاجات اللى انت جيبها ليه و لحماتي بتقولي جايبه قليل و ميش من مقامنا 😭😭
• شيماء ليه إن شاء الله مقامهم الرفيع بيجيلو ايه
• تفيده خايبه كنت رديتي عاليها و قولتلها هو حد من عيلتكم جاب اللى انا جيبا
• رقيه طب والعمل ها نعمل ايه
• تفيده لا يكلف الله نفسا الا وسعها هو ده اللى انتم جبتو و ان كان عجبهم
• رقيه طب و الجوازه ممكن تتفشكل
• تفيده في دهيه لا دهية واحده قليله في ستين داهيه هي تتصل بخطبها لو عجبه اللى أخته عملته يبقى فوضيها سيرة و لو معجبوش يبقى يكلم امه و أخته يلموا نفسهم
• رقيه لا انا هاستلف من اى حد و اجيب حاجات تانية
• شيماء ليه ده كله هو لو راجل ها يشتريها من غير اى حاجه
• رقيه يعنى انت شيفه البنات بتجوز اوى لما انا ها فشكل جواز بنتي
• تفيده قاعدة الخزانة ولا الجوازه الندامة يا رقيه ده ناقص يقولك اكلينى بعد الحواز
• رقيه انت بتقولي فيها امه شرطه عاليه اودى اكل 15 يوم ده غير الصبحيه
• شيماء وايه بقى اللى عاوز ينو في الصبحيه
• رقيه خمسة كوز لنشون اتنين كرتونة جبنه فيتا النص ده غير كرتونة جبنه نستو و كرتونه مليانه مشروبات قهوه و ينسون شاى حلبه كركديه كوفي ميكس نسكافيه وحاجات تانية غير 5 كرتين شبسى و 2بيبسى كانز و لبان و مولتو
• شيماء باااس كل ده ليه
• رقيه انا لسه مخلصتيش
• تفيده يالهوى اومال ايه كمان
• 40رقيه جوز حمام و 4 بطيات و حلة محشى و.....
• شيماء بس ابوس ايدك ايه ده كله ده مخزون سنه ميش صباحيه
• رقيه الناس كلها كده
• تفيده دي قلة عقل منك و من غيرك انتم بتتسبقو مين اللى ها يعلى على التانى
• شيماء ده ربنا بيقول في كتابه العزيز قوله تعالى: (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاماً) ارحمه نفسكم شويه
• تفيده وآلله عندك حق يا شوشو دي نسوان فاضيه
• رقيه يعانى ازعل بنتي
• شيماء بعد كل اللى قلنا ده و بردوا مصره اقولك يلا جوزيها خاليها تلبس زي غيرها م لبس جاتكم وكسة
اه يا نا وكستي 😤😤
# يوميات زوجه مفروسه
# ايناس حسن
# نوسه
