أنت تقرأ

يوميات زوجه مفروسه

Fanfic

اجتماعى كوميدى حلقات منفصله متصله

#زوجة #مفروسه #يوميات

الفصل الثالث و العشرين

1.2K 51 0 
                                    

                                              
يوميات زوجة مفروسه

الحالقة الثالثة و العشرون 

توفى الفروسة

شيماء بتكلم تفيده فى التليفون

•	شيماء ههههههههه انت ابدعتى يا توفى بصراحه

•	تفيده طبعا دى كانت فقعه مرارتي انت عارفه انا ها تجوز مخصوص عشان حد يدعلني كده زي محسن

•	شيماء هو انت لسه فيكي حيل يا توفى

•	تفيده فشارتي ده انا لسه شباب و هادلع

•	شيماء اه اصل الدهن فى العتائي

•	تفيده انت هاتخلينى اقلب عاليكى ليه يا شيماء

•	شيماء لا وعلى ايه وحياتك ما انت قلبه

•	تفيده خلاص ميش هاقلب بس انت هاتى الواد عماد و تعالوا عشان تشوفوا العريس و تقولي كلمتين حلوين كده خالي الموضوع يمشى

•	شيماء هو انت تعرفيه منين يا توفى

•	تفيده ولا اعرفه دى واحده جارتي يبقى اخوها و هي اللى قالتلى عاليه

•	شيماء يعنى انت كمان اول مره تشوفيه

•	تفيده اسكتي يا بت يا شوشو دى بتوصيف فيه و فى جماله بتقولي ان شبه الممثلين

•	شيماء ممثلين مره واحده يا توفى 

•	تفيده بطلى قر عاليه يا شيماء 

•	شيماء حاضر يا توفى

عماد رجع من الشغل لقه شيماء مستنيه

•	عماد خير يا وجه الخير

•	شيماء انت بتتريقى انا طبعا وجه الخير هو فى خير اكتر من ان تفيده هتتجوز

•	عماد انت بتقولي ايه

•	شيماء مبقولش امك اتصلت و بتقولك مستنياك على الساعة تمانيه كده عشان ميزو جى 

•	عماد نفسى اعرف انت متحمسة اوى للموضوع ده ليه

•	شيماء انا خالص بس هو البنت عاوزه تشوف مستقبلها ميش عيب

•	عماد احترمى نفسك يا شيماء هانبتدى التريقه

•	شيماء انا حاشا و كلا ده لسه التريقه مجتش

•	عماد يارب هو انا هلقيها منين ولا منين امى ولا مراتي ارحمينى يارب 

شيماء و عماد راحوا عند توفى عشان يشوفوا ميزو 

•	تفيده اخيرا حضرتك اتكرمت و جيت 

•	عماد كفايه ضغط عاليه انا ميش مستحمل

•	تفيده ليه بقى ان شاء الله ايه الضغط فى ان امك هتتجوز

•	عماد هو يعنى طبيعي ان اجوز امى عادى كده ايه يا ماما

•	شيماء ايه يا جماعه انتم هاتتخانقو 

جرس الباب رن 

•	تفيده ده اكيد ميزو افتح يا عماد و انا هادخل جوه وانت يا شيماء ابقى تعالى بعد شويه عشان تشيلي الصينية و انا داخله

•	عماد خلاص تعليمات 

•	تفيده دى اصول يا جلنف جاتك القرف 😡😡

•	عماد شايفه امى بتعمل ايه

•	شيماء خلاص يا عماد هو ده وقته بذمتك اخلص الجرس بيرن

•	عماد فتح الباب بترحاب جامد اهلا و سهلا ازيك يا طنط

•	شيماء بتشوف مين لقة طنط اعتماد فى وشها ايه ده ازيك يا طنط هو مين اللى قلك

•	اعتماد قالي ايه يا شوشو دى تفيده مابتسالش قولت امشى رجلي لحد عندها اطول عاليها

•	عماد نشنتى و نشانك رشق يا اعتماد

•	اعتماد بتقول حاجه يا حبيبي 

•	عماد  لا ابدا اتفضلى

•	تفيده مين اللى جه يا أولاد

•	شيماء دى طنط اعتماد

•	تفيده يادي النيلة ايه جبها دلوقتى

•	اعتماد حسه ان فى حاجه هو فى ايه يا عماد

•	عماد ابدا مفيش

•	شيماء اصله مكسوف يقولك ان فى عريس جى ل ماما تفيده

•	اعتماد يالهوى هو بعد ما شاب ودو الكتاب ولا ايه

•	تفيده جت من جوه هو مين ده اللى شاب يا اعتماد اتكلمى عن نفسك انا لسه شباب 

•	اعتماد سلامات يا شباب 

•	تفيده لسه هاتتكم جرس الباب رن 

•	عماد خلاص يا ماما ادخلى جوه انت بقى

•	اعتماد ايواه ادخلى يا عروسه ادخلى هههههه شكلك مكسوفه

•	عماد خلاص بقى يلا يا ماما

•	تفيده ماشى يا اعتماد اما وريتك بس الناس تمشى

•	عماد فتح الباب اتفضل اتفضل استاذ ميزو 

•	ميزو تشكر يا زوق يزوق الزوق

•	عماد هاااا اتفضل اتفضل 

•	شيماء مين ده يا عماد 

•	عماد ده استاذ معتز 

•	شيماء لا يمكن اكيد حد تانى

•	معتز لا انا معتز يا ست الحسن

•	شيماء ايواه انا كده عرفتك انت عبدالفتاح القصرى نفس الشكل و طريقة الكلام

•	اعتماد 😕😕😕 منور يا استاذ عبد الفتاح

•	معتز لا ياستى الكل معتز محوسبك معتز ميش حضرتك بردو اللى عاليها العين و النية الست تفيده 

•	اعتماد لا يا خويا انا اعتماد صحبتها

•	معتز انعم و اكرم

•	شيماء قامت عشان تجيب تفيده

•	تفيده ها يبت يا شيماء ايه الاخبار 

•	شيماء اااااااااا كويس

•	تفيده انت بتقطعي كده ليه 

•	شيماء مفيش كله زي الفل يلا بينا و انت هاتشوفى بنفسك

شيماء منك لله يا عماد تحلم ب مصطفى فهمى يطلع فى الحقيقة عبد الفتاح القصرى ده انت خطر على البشرية

•	اعتماد داخله وهى منشكحه متخيله بقى ايه مصطفى فهمى زي ما بشرها عماد فى حلمه

•	معتز يا ارض اتهدى معاليكى ادى ايه الجمال ده يا جودعان

•	تفيده مين الاستاذ 

•	عماد ده ميزو قصدي استاذ معتز

•	تفيده لا يمكن ام محمد مقاليتش كده ميش دى الأوصاف خالص

•	معتز ام محمد دى حببتى و اختى 

•	شيماء القرد فى عين امه 

•	عماد طب نخش فى الموضوع 

•	معتز خش يا حبيبي بس برجلك اليمين عشان ربنا يبارك

•	اعتماد الله يبارك فيك 

•	عماد وهو حضرتك ساكن فين 

•	معتز فى بنسيون كل الحبايب اتنين اتنين

•	عماد امال ها تجوز فين مادام مفيش شقه

•	معتز و اجيب شوقه ليه يا باشا ميش المودام عندها

•	عماد لا ده عندها هو ايه اللى عندها شقه 

•	تفيده انت فاكر ان العروسة  عاليها الشقة هديه

•	اعتماد و ايه يعنى يا جماعه ميضرش

•	عماد لا يضر انا بيت ابويا ميدخلوش راجل غريب

•	اعتماد ده لو أولادي اللى مكانك كان زمنهم وافقه على طول

•	معتز اهو ده الكلام اللى يوزن بلد

•	شيماء طيب نهدى يا جماعه محصلش حاجه

•	عماد طيب حضرتك بتشتغل ايه ولا برده المودام ها تصرف

•	معتز عيب عاليك يا استاذ تقول كده انا راجل كاسيب قد الدنيا

•	اعتماد و سيد الرجالة كمان 

•	معتز تشكري يا ست الكل

•	تفيده يعنى بتشتغل ايه

•	معتز حانوتي قد الدنيا

•	تفيده يالهوى حانوتي 

•	اعتماد مشاء الله يعنى منك للأخرة على طول

•	معتز الميت ما يخدش فى ايدى غالوه و اوصله لمسواه الاخير انا بعون الله أحسن حانوتي فى المنطقة

•	اعتماد انعم و اكرم يا سيد الرجالة

•	معتز تصدقي بالله انا قلبى انفتاحلك 

•	اعتماد تسلم من كل شر يا سيد الرجالة ههههههههه

•	تفيده هو فى ايه ما تركز هنا

•	معتز امرك يا مودام 

•	عماد وانت بقى ناوى تكتب قائمه و متأخر و كده ولا ايه

•	معتز قائمة ايه بس اللى هاكتبها هو احنى لسه عيال ومتأخر ايه هو احنى هانلحق نتجوز دى كلها كام سنه و حد فينا يوصل التانى لمسواه الاخير

•	تفيده فال الله ولا فالك يا اخى الملافظ سعد وانت سعد معداش عاليك خالص

•	اعتماد اخص عاليكى يا تفيده ده الراجل سكر

•	تفيده انت بدفعي عنه ليه هو يقربلك

•	اعتماد ههههههههه هو انا اطول الأستاذ معتز يبقى قريبي

•	شيماء ل عماد بصوت واطى الحق يا عمده

•	عماد ايه عاوزه ايه 

•	شيماء العريس بيتشقط من امك 

•	عماد ياريت يسمع من بؤك ربنا 

•	تفيده ركز هنا يا عماد

•	شيماء بس انت شكلك هادلع عروستك بقى و تروحوا هاني مون

•	معتز هاني مين عدم المؤخدة اللى هايجى يدلع مراتي ده انا ادبحه

•	عماد لا حضرتك فاهم غلط هاني مون ده يعنى شهر العسل 

•	معتز ااااه قولتلى بقى طبعا يا مودام هاويها اجدع حته فيكي يا جمهوريه

•	اعتماد فين يا خويا

•	معتز جمصه احلى مصيف 

•	شيماء لا انت هاتقولى ههههههههه

•	تفيده بقى انا وش جمصه 

•	اعتماد ميش احسن من مفيش

•	معتز هي المودام مرتبطة

•	اعتماد بكسوف لا ارمله

•	معتز انا عاوز انقل العطا على مودام اسم الكريم ايه

•	اعتماد اسمى اعتماد يا سي معتز

•	معتز وعندك شقه يا ست العرايس 

•	اعتماد اربع مطارح و صاله ترد الروح

•	معتز عندك اعتراض على المؤخذه الشغلانه

•	اعتماد كلنا لها يا سيد الرجالة 

•	تفيده انت بتخدى الراجل كده عيني عينك

•	اعتماد يوه مهو ميش عجبك انا اولا من الغريب ولا انت زي القرع تمدى البره

•	تفيده انا قرع يا وليه يا قرعه 

•	اعتماد شايف يا سي معتز تهزقني أزاي

•	معتز عيب ياست الكل احنى فى بيتك

•	تفيده هو انت خاليتو فيها بيتي ولا ميش بيتي انتم خاليتوها بظرميط خالص

•	عماد خلاص يا ماما محصلش نصيب اهدى بقى

•	معتز وعلى رأى المثل يا مودام تبقى فى بؤك و تقسم لغيرك

يلا بينا يا ست الستات نروح نشوف عيالك عشان اتقدم

•	تفيده دى ست الستات دى ست اشهر

•	اعتماد بمسكنه الله يسمحك يا توفى انا ميش هارد عاليكى

•	تفيده انت ميش كنت بتقولي بعد ما شاب ودو الكتاب

•	اعتماد و انا بقى عجبني الكتاب و هاروح ههههههههه يلا يا سيد الرجالة

•	تفيده شايف يا عماد اللى حصل

•	عماد خلاص بقى يا ماما هو انت كنت موفقه ما انت كنت رافضه

•	تفيده يعنى تدخل بيتي و تخطف عريسي

•	شيماء عريس إيه ده بس ده خارج من فيلم ابيض واسواد ده شبه عبد الفتاح القصرى

•	تفيده بس برده متخدوش كده و تنزل انا متغاظه منها اللهى يوقعوا تتكسر رقبتهم

•	سمعو صوات على السلام طلعوا جرى لقو اعتماد و معتز متزحلقين من على السلام

•	شيماء الله اكبر هو شعاع اعتماد اتنقل ليكي ولا ايه يا ست الكل

•	تفيده احسن تستاهل خطفة الرجالة دى 

•	عماد ماما خلاص قفلي بقى على السيرة دى انا ميش ناقص قرف

•	شيماء خلاص يا توفى ملكيش نصيب فيه 

•	تفيده هو شراب وضاع ده راجل راجل دخل بيتي و خرج مع واحده تانيه صحابتي يقولو ايه ميش مليه عينه

•	شيماء صحبات مين و الناس نيمين يا توفى دول ناقص لهم تاكه و يدخلوا المتحف

•	تفيده يعنى ايه كده خلاص مفيش عريس

•	شيماء كان فى ايدك و طار

•	عماد خلاص يا توفى متزعليش ده كان ناقص يقولك انسان الغاب طويل الناب ههههههههه

•	تفيده ليك نفس تضحك و امك واخده الصابونة

•	عماد صابونه غسيل ولا صابونه كاميه

•	تفيده ايه الالش الرخيص ده اخرص هو انا نقصاك

ايه الواكسه دى

•	شيماء ميش بتتقال كده 

•	تفيده امال بتتقال ازى يا اختى

•	شيماء اه يانا يا وكستى

•	# يوميات زوجه مفروسه

•	# ايناس حسن

•	# نوسه
يوميات زوجه مفروسهحيث تعيش القصص. اكتشف الآن