يوميات زوجة مفروسة
الحالقة التاسعة
حماتي قنبلة زريه
شيماء في المطبخ بتعمل الغدا و عماد عمال ينده عاليها
• شيماء يا شيماء
• ايواه يا عماد ايواه ايه في ايه كل الندية ده
• عماد عامله اكل ايه انهارده
• شيماء رافعه حاجبها اليمين و وعينها كلها شر
انت بتنده عاليه عشان تسالني ما تصبر شويه وانت ها تعرف
• عماد اخلصى يا أخرة صبري عامله اكل ايه
• شيماء صنيه بطاطس في الفرن بالفراخ و ارز
• عماد وهو ميش عاجبه بس
• شيماء و هي على اخرها ايواه بس هو ده المنيو انهارده
• خلاص ميش مهم بكره مبقى نعملها اكل حلو
• شيماء باستغراب هي مين دي
• عماد أمي
• شيماء امك مين
• عماد بلاش عبط هو انا عندي ١٠٠ ام هي واحده بس ماما توفى هو في غيرها
• شيماء 🙄🙄🙄 و هي ماما توفى مبش كانت عند اختها سوسو في الإسكندرية و ميش عاوزه تيجى
• عماد و هي القالت انها جيه ايه العمال اقولها لا
• شيماء وهى ماما توفى جيه امتى
• عماد بالكتير ساعه
• شيماء مخضوضة ساعه ها تلحق تيجى في ساعة
• عماد لا هي في الطريق اصل هي عمللنا موفجئه
• شيماء وهى توفى تموت في المفاجئات اسم الله عاليها و بذات ليه طيب ياعماد اروح اكمل الاكل عقبال متيجى ماما توفى
شيماء وهى ريحه المطبخ و بتبرطم عيشنا و شوفنا تفيدة بقت توفى استر من المهالك يارب
• عماد بتقولي ايه ياشيما
• بقول تيجى بسلامه يارب اتكلمت انا
• هيثم جى يجرى على امه
ماما هي تيته تفيدة جيه عندنا
• شيماء اه جيه و بلاش تفيدة قولها توفى لحسن دي بتتقمص و حنا ميش نقصين
• على رايك يا ماما كفاية عالينا مسلسل العشق المفقوع اللى بتعملو مع بابا
• شيماء هو انت يا حبيبي شوفت فقعه دي ياما فعت مرارتي
• هيثم احكيلى يا ماما اتسلا انا وانت
• احكيلك ايه يا هيثم بص انا هاحكيلك على اول مره شوفت فيه تفيدة
فلاش باك
يلا يا شوشو يا حببتي حماتك زمنها على وصول
• شيماء انت اوام عملتيها حماتي ده لسه قعدته تعارف يا ماما
• تعارف ميش تعارف ان شاء لله حماتك و عماد ها يبقى جوزك كفاية انهم جين من طرف طنط اعتماد
• شيماء انا ميش مخوفنى غير موضوع طنط اعتماد ده
شويه و جرس الباب رن و راح ابو شيماء يستقبل الضيوف
اهلا اهلا بالحاجة اعتماد و ضيوفها ازيك يا ابنى
• عماد ازى حضرتك انت يا عمى
• ابو شيماء بخير الحمد لله منورنا يا حاجه
• تفيده بقرف حاجه انا ميش حاجه انا لسه صغيره
• ابو شيماء باستغرابه هو حد يكره يارب كلما نروح نحج و ناخد البركة
• تفيده برخامه وانا لسه ما حجتش
امال فين العروسة و امها
• ابو شيماء حالا هايجم ثانيه واحده
• عماد براحه يا ماما في ايه
• تفيده انت ميش شايف الراجل عمال يقول حاجه حاجه
• عماد امال يقولك ايه يا طنط اهدى يا ماما
• تفيده عوجت بوقها 😏😏يا سم لما اشوف اخرتها
• اعتماد خلاص يا تفيده انتهينا
داخلة ام شيماء تسلم على الضيوف
• ام شيماء اهلا وسهلا ازيك يا اعتماد
• اعتماد بخير الحمد الله يا ام شيماء
• والله يا ام شيماء أول ما تفيده قلتلى انها بدور على عروسه لعماد قلت مفيش غير حببتي بنت حببتي
• ام شيماء ده العشم برده
• تفيده قعده رافعه حاجب و منزله حاجب و ميش عجبها حاجه
داخلة شيماء بصنيه العصير زي اي عروسه
بصتلها تفيده من شعر راسها لحد كعب رجليها
وهى ميش عجبها طبعا
شيماء بتسلم اهلا وسهلا ازيك يا طنط اعتماد
• اعتماد ازيك انت يا شوشو
• شيماء بتسلم باديها على تفيده راحة هوب وخدها بالحض و هاتك ياتفعيص في البيت
• اعتماد ازيك ياحببتى اخبارك
• اه اه كويسه يا طنط
• تفيده مسكتها و قعدتها جنبها بالإكراه
• تفيده بس مكنش له لزوم كل ده يا شيماء
• شيماء دي حاجه بسيطة يا طنط
• تفيده انا ميش قصدي على العصير و الجاتو
• شيماء و امها مستغربين ا
• ام شيماء امال قصدك ايه يا ام عماد
• قصدي على اللى شيماء عمله في وشها ده امال في الخطوبة ها تحط ايه
• الصدمة اترسمة على وشوش الكل واولهم عماد اللى ميش عارف يقول ايه
• ام شيماء قلت لها ده طبيعي يا حببتي
• تفيده لا ميش عاوزاكى تزعلي بس اصل الغش بقى عيني عينك و انت ميرضكيش
• ام شيماء بدأت تتعصب لا ميرضنيش قومي يا شيماء
• عماد تقوم فين ماما متقصدش دي بتهزر
• تفيده بهزر ايه ميش كتر خيري بضمن حقك
• ام شيماء هو انت عاوزه عروسه بالضمان
• تفيده ليه لا ميش ممكن فتره و تبوظ
• ام شيماء و هي ميش مستوعبه تفيده و كلمها تبوظ أزاي ميش فهمه
• عماد ادخل لان امه خلاص بتبوظ الموضوع
عماد بضحكه مفتعله ههههههههه ماما بتهزر يا جماعه هي ديما بتحب الهزار
• تفيده لسه هاتقول لا بتكلم جد عماد بصلها جامد راحت سكتت
• اعتماد هههههه هي تفيده كده تموت في الضحك
• ام شيماء بصت لأبو شيماء بصلها اللى هو خلاص حصل خير
باك الوقت الحاضر
• هيثم كل ده في اول مره تشوفوا بعض
• شيماء هو في زي تفيده
• بس يا ماما قولي يا فوفا خالي اليومين دول يعدو
• اه تفيده قلبظ بقت فوفا
• عارف يا واد يا هيثم تيته فوفه كانت عاوزه تعمل فيه ايه غير الضمان بس ابوك مرضيش
• هيثم ايه يا ماما
• تفتشني ذاتي يا روح امك
• هيثم ميش فاهم
• شيماء سيبك انت روح شوف مذكرتك قبل ما تيجى تيته
شيماء سرحت
فلاش باك
او شيماء و امها وهى كانوا بره الاوضه
• عماد بيميل على امه و بقولها
ميش براحه على الناس شويه انت داخله حامى كده ليه و ايه حكاية العروسة ام ضمان دي
هي عربيه هايكونو رشين دواخل ولا مردوده على البارد
• تفيده بصتلو باستخفاف لا يا خفيف ممكن يغشوك ويلبسوك وحده وحشه
• عماد أزاي ما البت زي القمر اهو
• تفيده انت لو سبتني عاليهم كنت أتأكد بس انت اللى خايب
• تتأكدي ازى يا امى كنت هاخليها تمسح لاحمر و لاخضر ده اللى ملخبطه بيه وشها ميش عرفين حلوه من وحشه
• عماد و هو مبرق و ايه كمان
• تفيده ببراءة و تقلع كده و توريني ده طبيعي ولا سليكون ما كل حاجه بقة سليكون
• عماد حط ايدو على وشوا من الصدمة يالهوى الحمد لله ان لحقنك كنت هاتبوظى لجوازه
• تفيده بصتلو بقرف عيل خايب
• اعتماد اخص عاليكى يا تفيده دي شيماء قمر
• تفيده برخامه و انا طنت هاتاكد القمر طبيعي ولا سليكون
باك الوقت الحاضر
بقى انا سليكون يا تفيده برميل الطرشى انت عملالى فيها عذراء الربيع و هي داخله على الستين
شيماء و هي بتقلد صوت تفيده
محدش يقولى يا تفيده انا فوفا تفيده ده بلدى فوفا هاى كلس
• عماد داخل عاليها ايه شيماء خلاص الابلتين لدع و بتكلمي نفسك يا روحى
• شيماء في سرها دي بشاير زيارة تفيده ولسه
ابدا يا حبيبي انا زي الفل
جرس الباب رن
• عماد بفرحه ماما شكلها جت انا رايح افتحلها
• شيماء بابتسامه سخيفة روح يا حبيبي
عماد سبها و مشى
روح يا حبيبي اللهي ربنا يفتحها في وشكم 20غرزه يا بعده
اه يانا يا وكستي
# يوميات زوجه مفروسه
# ايناس حسن
# نوسه
