يوميات زوجة مفروسه
الحالقة الرابعة و العشرون
عريس الغفلة 🤔🤔🤔
شيماء قعده مع نجلاء فى المكتب
• شيماء بس يا ستي و خدو شقلباظ فى الهوا هوب جبنالهم الاسعاف
• نجلاء ههههههههه ههههههههه يا نهار ابيض يعنى الجوازه قلبت جنازه
• شيماء مين قال كده يا اختى اعتماد أصرت نجيب المأذون وتكتب الكتاب و هي لبسه الجبس الابيض يا اختى
• نجلاء لا انتم عيله ملهاش حال خالص
• شيماء قصدك ملهاش كتالوج يا نجلاء
• نجلاء بس حتى اعتماد اتجوزت وانا قعده كده
• شيماء يعنى اللى اتجوزو اخدوا ايه يا نجلاء
• نجلاء اخدوا ايه يعنى
• شيماء خزوق شفاف ماينشاف يا نجلاء
• نجلاء بتقولي كده عشان متجوزة و عندك بيت و عيال
• شيماء اه تصدقي اصل انا بحب اخد الحلو لنفسي اقولك روحى اتجوزى يمكن ربنا يكرمك بعماد الجزء الثاني اما تفيده ملهاش اجزاء تانيه هو جزء و لبسته انا
• نجلاء انت بتتريقى طبعا عشان مابتسمعيش الكلام زي
• شيماء كلام ايه يا خيبه اللى عاوزه تجوزي عشانه
• نجلاء هاقولك
فلاش باك
نجلاء كانت فى فرح هي و مامتها
• نجلاء انا نفسى اعرف وحده زي تعبانة و جيه من الشغل اجى افراح ليه
• ام نجلاء اخرصى خالص امال هاجوزك أزاي وانت قعده جنبى فى البيت
• نجلاء هو انت زهقتى منى يا ماما و عوزانى اتجوز
• ام نجلاء اه زهقت و قرفت كمان و عاوزه ازحلقك من البيت و بلاش تخشى عاليه بالنغمه دى
• نجلاء قفلتنى وانا قولت هاتدينى جرعة حنان
• ام نجلاء حنان ماتت ياروح امك ااخلاصى
• نجلاء اللى هو انا اعمل ايه ميش فاهمه
• ام نجلاء قومي كده اتمشى قدام الترابيزات كده خالي الناس تشوفك
• نجلاء وعلى ايه انا اقوم اقدم فقرة الساحر احسن ايه رايك
• ام نجلاء قومي ان شاءلله تعملي شقلبظات فى الهوا اى حاجه الفتى نظر الستات ليكي
• نجلاء هاااااارسود ستات هو انا فى لأخر هاتجوز ست
• ام نجلاء بت انت انا ميش ناقصه شلل كفايه عاليه ابوكى انت هاتلفتى نظر الستات ليكي عشان هما اللى ها يقولو ل اولادهم عاليكى يا خيبه
• نجلاء اه فهمت
• ام نجلاء الحمد الله يا اختى دى معجزه
• داخلة عاليهم واحده من الفرح عشان تسلم عاليهم
• ام زينب ازيك يا ام نجلاء عامله ايه
• ام نجلاء ازيك يا ام زينب اخبارك ايه
• ام زينب الحمد الله بخير بقالي كتير ميش بشوفك
• ام نجلاء أهو بقى مشاغل
• ام زينب مين الحلوة
• ام نجلاء دى نجلاء بنتي الكبيرة ايه معرفتهاش
• ام زينب تصدقي اه معرفتهاش شكلها كبر كده ليه
• نجلاء كبرت ازى يا طنط ياعنى ده انا لسه صغيره
• ام زينب بضحكه كلها استهزاء اه ما انا عارفه 😏😏
• ام نجلاء بتحاول تغير الموضوع واخبار عيالك ايه
• ام زينب زينب متجوزة من زمان و عندها عايلين و محاسن الصغيرة اللى عندها ١٨ سنه اتجوزت من شهرين و حامل
• ام نجلاء ما شاء الله ما شاء الله بس ميش ١٨ سنه صغيره يا ام زينب
• ام زينب ميش احسن ما يبقى عندها ٢٨ سنه و تقعد فى اربيزى زي ناس عن اذنكم بقى لحسن ابو زينب بينده عاليه
• ام نجلاء مع السلامة يا اختى
• نجلاء إيه الولية المستفزة دى
• ام نجلاء ميش مجوزه بناتها و بالها مرتاح تعمل بقى اللى هي عوزاه
باك الوقت الحاضر
• شيماء هاااااارسود ايه الست دى
• نجلاء خدى من ده كتير كل صحبات ماما على كده بقى لدرجة ان بخاف ماما توئدنى زي ايام الجاهلية
• شيماء هههههه بس يا فقر
• نجلاء وانت بتقولي فيها انا فعلا فقر الفقر كمان
• شيماء اخص عاليكى متقوليش كده على نفسك
• نجلاء طب انا هاحكيلك و انت احكمى فقر ولا لا
• شيماء قولي يا اخرت صبري
• نجلاء بعد يومين من كارثة الفرح دى ام زينب اتصلت على ماما
فلاش باك
• ام نجلاء الو اهلا اهلا ازيك ام زينب اخبارك حببتى
• ام زينب كويسه حببتى الحمد الله بخير انا متصلة بيكي عشان اقولك ان فى عريس لنجلاء بنتك
• ام نجلاء بفرحه بجد يا ام زينب
• ام زينب يا عنى انا متصلة اهزر هو كان جى عاوز واحده من بناتي اه بس انا خلاص بناتي اتجوزو قولتلو فى بنت واحده حببتى و صحبتي اوريهالك
• ام نجلاء و هو ها يشرفنا امتى
• ام زينب يوم الجمعة أن شاء الله
• ام نجلاء منتظينكم حببتى
• وجه الجمعة و جه العريس بعد المغرب
• ابو نجلاء اتفضل يا ابنى اتفضلى يا ست ام زينب
• ام زينب يزيد فضلك يا استاذ
• ام نجلاء منورين والله هو اسم الكريم ايه
• اسمى رامي
• ابو نجلاء منور يا رامي ده نورك
• رامي شكرا احب نخش فى الموضوع
• ام نجلاء مستعجل ليه استني لما نشرب حاجه
• رامي معلش انا عملي اوى
• ابو نجلاء اتفضل يا ابنى
• رامي انتم عارفين ان انا جى اخطب الأنسة نجلاء
• ابو نجلاء هي بتتقال كده ولا بتقول عاوز اطلب ايد بنتك يا عمى
• رامي اقول ليه ما انت عارف
• ابو نجلاء اللهم طولك يا روح انت بتشتغل ايه يا رامي
• رامي محامى بشتغل محامى
• ام نجلاء ما شاء الله
• رامي نتكلم بقى فى المهم بقى انا عندي الشقة ثلاثة اوض و رسبشن
• ابو نجلاء كويس جدا
• رامي انتم بقى اللى هاتجهزو الشقة
• ابو نجلاء اللى هو أزاي يا بنى هو فى كده
• رامي ايوان انا جبت شقه تمليك ميش ايجار جديد ولا قديم
• ابو نجلاء لنفسك ميش باسمك
• رامي هو ميش بنتك هاتقعد معايا
• ابو نجلاء هاااااارسود انت بتقول ايه ناقص تقولي تصرف على البيت كمان
• رامي ده شيء بديهي ميش محتاج كلام كل واحد فيني يقبض مرتبه و يحطه فى الدرج ونصرف على البت
• ابو نجلاء و احتياجاتها ها تجيبهم أزاي
• رامي حاجات البنات دى الميك اب و خلافه ميش لحبهم ها تجبهم لمين
• ابو نجلاء طب لو نفسها فى حاجه تجبها ازى
• رامي تقولي الشهر اللى قبله و ادرس الموضوع و ارد عاليها
• ابو نجلاء صلاة النبي احسن امشي انجر من هنا يا راجل يا عره
• رامي انا عره عشان بقول الحق
• ابو نجلاء حق ايه جى طمعان فينا و فى البت و تقولي حق
• رامي هو حد لقى جواز عشان تتامر
• ام زينب خاليها بقى قعده جنبك لما تخلل اكتر ماهي مخلله يلا يا رامي انا غلطانه ان جبتك هنا
• رامي يلا يا ام زينب دى ناس ملهاش فى الطيب نصيب
• ابو نجلاء امشى جزمه جاتك الهم
باك الوقت الحاضر
• نجلاء ها ايه رايك ميش فقر
• شيماء لا ميش فقر ده ربنا بيحبك
• نجلاء أزاي
شيماء عشان ظهرك حققته قبل ما تدبسي فى الجوازه دى حببتى النوع ده ميش رجاله دى كلاب بحر يا ماما طب
• نجلاء بلاش رامي خالينا فى ممدوح
• شيماء ممدوح مين 🤔🤔🤔
• نجلاء عريس بردو😏😏
• شيماء و مالو ده كمان
• نجلاء اقولك انا بقى
فلاش باك
• ابو نجلاء منور يا بني والله
• ممدوح ده نورك يا عمى امال فين العروسة
• ام نجلاء هاتيجى تسلم عاليك
• ممدوح تسلم من كل شر
• ابو نجلاء انا قلبى انفتحلك حبيبي
• ممدوح شكرا يا عمى انا ليه الشرف ان اكون واحد من العيلة دى
• ابو نجلاء انت عندك شقه يا ممدوح
• ممدوح اه يعمى طبعا شقه اربع اوض و صاله
• ابو نجلاء وطبعا هاتقولى الفرش عالينا
• ممدوح لا طبعا حضرتك خالص احنى نمشى على الاصول
• ابو نجلاء ولا هاتقولى مرتبها فى البيت
• ممدوح لا طبعا يا عمى ايه الكلام ده انا راجل و اصرف على بيتي
• ابو نجلاء ربنا يكملك بعقلك الست ام محمود جرتنا قلتي انك شغال محاسب
• ممدوح لا هي طنط ام محمود معرفتش الابديت بتاعى
• ابو نجلاء ميش فاهم ابديت ايه
• ممدوح قصدي الجديد بتاعى
• ابو نجلاء و ايه هو الابديت بتاعك
• ممدوح دى جى
• ابو نجلاء نعم 🙄🙄
• ممدوح عندي دى جى لقيت ان شغلة المحاسب دى ميش بتجيب فلوس اجيب بيها عيش اشتغلت دى جى
• ابو نجلاء و دى بقى بتكسب يا بنى
• ممدوح طبعا واكيد الأنسة نجلاء هاتبقى عارفه كل حاجه
• ام نجلاء يا حبيبي طبعا ميش مراتك اكيد ميش ها تخبى عاليها حاجه
• ممدوح لا ميش عشان كده
• ام نجلاء امال عشان ايه
• ممدوح عشان هاتبقى مديرة اعملى
• ابو نجلاء اللى هو أزاي يعنى
• ممدوح تنظم مواعيد الافراح و تقبص الناس اللى تحت ايدى
• ابو نجلاء وهى تعمل كده ليه ما تجيب حد يا بنى
• ممدوح وانا دخل الغريب ليه بس و هايبقى مراتي موجوده
• ابو نجلاء ليه انت ها تشغلها بكام
• ممدوح و هي ها ترضى تقبص من جوزها
• ابو نجلاء يعنى انت هتتجوز عشان يبقى خدامه و مديرة اعمال ببلاش
• ممدوح ده هايبقى لجوزها ميبقاش ببلاش
• ابو نجلاء اطلع بره يا ابن الك......
• ممدوح ليه كده يا عمى ده انت بتشترى راجل
• ابو نجلاء راجل مين ده انت نص راجل يلا غور من هنا يلا
باك الوقت الحالي
• نجلاء هااااااا ايه رايك بقى
• شيماء هو ايه الرجالة خالصت
• نجلاء هو ده النوع الموجود
• شيماء لا قعدي احسن يا نجلاء
قعاد الخزانه ولا الجوازه الندامه يا نجلاء
عماد روح البيت لقه شيماء قعده حزينة
• عماد خير يا شوشو مالك
• شيماء مفيش زعلانه على البت نجلاء ملهاش بخت
• عماد ليه كده بس يا شوشو
• شيماء حاكت لعماد اللى بيحصل مع نجلاء
• عماد بقولك ايه ما تسيبك من السيرة الغم دى
• شيماء و بعد ماسبنى من السيرة الغم نعمل ايه
• عماد افهمى بقى انت ام المفهومية انهارده الخميس
• شيماء اللى هو ايه ميش فاهمه
• عماد عيد ميلاد ابليس يا شوشو
• شيماء يعنى اجبله تورته ولا اعمل ايه
• عماد لا ها نحتفل انا وانت مع بعض يا حبى
• شيماء اه فهمت لا يا حبيبي ميش هاحتفل انا تعبانة و ميش قدره
• عماد بقولك ايه انت هاتقومى يعنى هاتقومى و ها نحتفل انا جعان وعاوز اكول كيكة الشوكولاتة دلوقتى
• شيماء هى طلعت الكيكة اه يانا يا وكستى 🙄🙄🙄🙄
# يوميات زوجة مفروسه
# ايناس حسن
# نوسه
ناس كتير طلبوا منى انهم عوزين يتعرفوا عاليه و يصدقوني
ممكن نتواصل على المسنجر او ابعتولى طلب صداقه او لو فى اى استفسار او سؤال ممكن بردو تقولو فى الكومنتات
احبكم فى الله الذى احببتونى فيه ❤❤❤
