أنت تقرأ

يوميات زوجه مفروسه

Fanfic

اجتماعى كوميدى حلقات منفصله متصله

#زوجة #مفروسه #يوميات

الحلقة الثامنة عشر

1.2K 50 0 
                                    

                                              
يوميات زوجة مفروسه

الحالقة الثامنة عشر

ميزو و توتا

شيماء داخله البيت بسرعه عشان تلحق تعمل الغدا لعماد قبل ما يديها موشح كل يوم انها مقصرة فى تدليع كرشه 

•	شيماء ايه ده انت هنا يا عماد 

•	عماد قاعد و ميش بيرد على شيماء خالص و عينه مدمعه

•	شيماء مالك يا عماد فى ايه خير فى حد جراله حاجه 

•	عماد امى 

•	شيماء يا لهوى توفى 

•	عماد ها تتجوز يا شيماء

•	شيماء هااااااا بتقول ايه

•	عماد بقولك امى ها تتجوز 

•	شيماء هو مكنش كلام و خلاص

•	عماد لا اتصلت بيه انهارده فى الشغل

•	فلاش باك

تليفون عماد بيرن برقم تفيده

•	عماد امى حببتى و حشاني اخبارك ايه

•	تفيده كويسه يا عيون ماما كنت عاوزك في حاجه كده

•	عماد قولي يا حبيبتي عاوزه ايه

•	تفيده مكسوفه يا ميدو 😊😊😊

•	عماد من ايه يا امى عاوزه فلوس

•	تفيده فلوس ايه بس يل عماد فتح مخك كده 

•	عماد🤔🤔🤔قولي يا ماما لان ميش فاهم حاجه

•	تفيده بصراحه كده فى واحد عاوز يتقدملى 

•	عماد نعم 😨😨😨

•	تفيده هو قالي و انا قالتلو لازم يكلم ولى امرى اه مهو لازم يعرف ان انا بنت ناس

•	عماد انت بتهزري صح جواز ايه يا ماما اللى فى السن ده انت بتهزري صح

•	تفيده😠😠😠 بهزر فى عينك يا متخلف انت

•	عماد مهو انا ميش فاهم ايه اللى حصل لده كله

•	تفيده اللى حصل حصل ملكش دعوه انت انت تيجى انهارده عشان تشوفوا و تتفق مع على كل حاجه مفهوم

وهوب قفلت السكة فى وشو 

•	عماد بص على التليفون وده بقى اقولو ايه اهلا يا بنى ولا ياعمى ولا ايه بالظبط ارحمه من عندك يارب

باك الوقت الحاضر

•	عماد بس ورحت جيت على هنا متطقش قعد فى الشغل

•	شيماء انا ميش عارفه اقولك ايه بس انت عاوز الحق ولا بن عمه 

•	عماد قولي يا فيلسوفة زمانك 

•	شيماء من غير هزار انا اه بتخنق من تصرفات مامتك و بني و بنها مصانع الحداد بس لازم اقول كلمة حق

جواز مامتك ميش جواز زي ما انت فاهم 

•	عماد أمال ايه يا ام العريف

•	شيماء ده تلقيه واحد عجوز مكحكح عاوز ونس وامك هي كمان محتاجه ونس فى حياتها ولا هي امك عشان كبرت فى السن خلاص نستخص فيها حقها 

•	عماد يا عنى عوزانى اجوز امى بأيدي

•	شيماء بلاش افوره يا عماد ده تلقيه واحد عنده روماتيزم و أسنانه و قعه يعنى اخرهم ياكول أرز بالبن و ينامو يا عماد 

•	عماد يعنى اعمل ايه

•	شيماء تروح ل امك عشان متزعلش منك

يلا قوم نام شويه عشان تبقى فايق بليل

جه الميعاد و عماد و شيماء راحه عند تفيده عشان يشوفوا العريس

•	تفيده كويس انك جيت بدرى يا عماد عشان اتفق معاك هاتقول ايه

•	عماد ميش لما أشوف هايعجبنى ولا لا

•	تفيده وانت مالك يا بارد انا و ميزو عجبين بعض

•	عماد 😯😯😯 ميزو مين يا ماما

•	تفيده ميزو عريسي

•	شيماء و عمو ميزو ده هايجى امتى

•	تفيده متقولش عمو قولي ميزو على طول

انا هاقوم اوضب نفسى عشان لما يجي 

•	عماد ما انت زي الفل اهو هاتعملى ايه 

•	تفيده انت عاوزو يجي يلقني بجلبيه البيت انت اهبل 

•	شيماء اتفضلى يا طنط

•	عماد شيفه العمايل السودة 

•	شيماء اهدى بقى يا عماد احنى قولنا ايه ده هتلاقى واحد طالع من كتاب التاريخ كبر دماغك وابقى سلم عاليه براحه لحسن يطلع عنده هشاشة العظام و يتكسر فى ايدك  تودينا فى داهيه

•	عماد احسن عشان يحرم و ميبوصش ل امى

جرس الباب رن راح عماد يفتح

•	عماد رجع لشيماء متنح 

•	شيماء مالك يا عماد عامل كده ليه فى حاجه

شيماء لقة واحد داخل عاليها نسخه من مصطفى فهمى تقول طالع من تحت ايد المكوجى غير طول بعرض بعضلات ميش عند عماد نفسه

•	شيماء مين الأستاذ يا عماد 

•	عماد وهو متنح لسه استاذ ميزو 

•	شيماء هاااا مين

•	ميزو اهلا يا ولاد امال فين توتا

•	شيماء توتا مين حضرتك

•	ميزو توتا توفى 

•	شيماء الهى تفيده بقية توتا 😏😏😏 موجوده اتفضل 

•	عماد ميش طايق نفسه 

•	ميزو ازيك يا ميدو عامل ايه

•	عماد ميدو مين انا مبحبش الدلع

•	ميزو راح خابط عماد على رجله ليه كده يا ميدو هو احلى من الدلع 

•	عماد اى اى ما برحه

•	ميزو انت خرع كده ليه اجمد كده انت لازم تيجى عندي فى الجيم عشان اقوى عضلاتك شويه 

•	شيماء هو حضرتك عندك جيم

•	ميزو ايوان و بدرب فيه كمان

•	تفيده داخلة عاليهم فستان سوريه و ميك اب كامل 

وهى مكسوفه اهلا يا ميزو اخبارك ايه

•	عماد ايه اللى انت عمله ده يا ماما

•	ميزو مالها مهى قمريه اهى منوره يا قمر

•	تفيده و هي مكسوفه ده نورك يا ميزو

•	ميزو طلع من جيبه وارده حمره

•	تفيده الله ايه الوردة الجميلة دى

•	ميزو و دى تيجى ايه جنب جمالك يا قمري 

•	عماد 😮😮😮 شجره وتنين لمون هنا ولا ايه

•	ميزو وهو هيمان يا ريت عشان أعصابي تهدى

•	عماد الله مطولك يا روح احترم نفسك دى امى

•	تفيده فى ايه يا عماد هو ميزو اتكلم 

•	ميزو وهو احنى هانعمل الفرح امتى يا توتا

•	تفيده مكسوفه و وشها فى الارض 

•	عماد هو احنى اتكلمنا لسه عشان تقول امتى ها نتجوز

•	ميزو وهو هيمان خالص فى تفيده إللى انت عاوز هاعمله يا ميدو بس متحرمنيش من توتا

•	عماد هايقولى توتا

•	شيماء اهدى يا عماد ميش كده 

•	عماد انت ميش شيفه حرقة الدم و الاعصاب هو ده يا هانم اللى عنده روماتيزم و هشاشة عظام 

•	شيماء هو انا كنت عارفه ان امك يوم ماتجوز ها تتجوز مصطفى فهمى 

•	تفيده بصوت هادى قوى بتقولو ايه يا ولاد

•	ميزو كروان ده صوت كروان ميش بنى ادمه هي حواء قعده جنبى 

•	تفيده انت على طول مبالغ كده يا ميزو

•	عماد هو انا هافضل رافع الاريل كده كتير

•	تفيده برقت لعماد اتلم مفهوم 

•	ميزو هو احنى هانقضى شهر العسل فين يا توتا 

•	تفيده اللى انت عاوزو يا ميزو 

•	ميزو لا قولي انت 

•	تفيده ممكن الغردقة او شرم

•	ميزو مكشر لا طبعا توتا لازم تروح حته بره مصر باريس مثلا او تركيا ها ايه رايك

•	تفيده هي مكسوفه  اللى تشوفوا يا ميزو

•	شيماء عماد انا ميش قدره مررتى الحقنى

•	عماد امال انا اعمل ايه انا ها يجبولى جلطه 

•	تفيده آمال احنى ها نعيش فين يا ميزو ايه رايك هنا فى شقتي عشان قريبه من شغلك

•	عماد لا طبعا بيت بابا لا يعنى لا

•	تفيده عماد عيب كده

•	ميزو سبيه يا توتا يا عماد يا حبيبي من غير متقول انا ميش ها وافق انا ميرضنيش 

دى توتا اللى تستاهل الدنيا بلى فيها 

•	تفيدة تسلميلى يا ميزو من كل شر 

•	ميزو احنى اتفقنا على كل حاجه و لسه اهم حاجه

•	تفيده ايه يا ميزو

•	الفرح يا قلب ميزو هانعمله فين 

•	عماد هاااااارسود انت عوزين تعملوا فرح 

•	تفيده وليه لا واحلى فرح كمان ميش كده يا ميزو

•	ميزو طبعا يا روح ميزو

•	شيماء بس فى حاجه كمان ماتفقناش عاليها عشان نضمن حق البنت

•	ميزوقولى يا شيمو يا حببتى

•	عماد اااايه هو انت هتاخد حريم العيلة كلها مقوله

•	ميزو  براحه يا ميدو انا مقصودش حاجه 

•	تفيده خالينا فى المهم قولي يا شيماء 

•	شيماء القيمة و المؤخر متفقناش عاليهم

•	ميزو اللى عاوزه توتا اعمله المهم نتجوز بسرعة 

•	توتا قصدي تفيده و ميزو اتفقه على كل حاجه و جه يوم الفرح

•	تفيده لبسه فستان فرح ابيض زي العرايس بالظبط

•	عماد هاااااارسود ايه اللى انت عامله ده يا ماما

•	تفيده عامله ايه يا نين عين امك فستان هايكون ايه يعنى

•	عماد فستان فرح يا ماما حرام عاليكى انا كده هانجلط 

•	تفيده بطل عبط يا عماد و سبني اعيش حياتي 

•	عماد حياتك بعد الخمسين 

•	تفيده اه و ان كان عجبك 

•	بيب بيبيب بيبيب 

•	تفيده عريسه جه انا جيه اهو ميزو جه يا عماد  

•	الله يخرب بيت عماد على سنين عماد 

•	ميزو جه ومسك ايد تفيده

توتا حبيبي انا اخيرا هانبقى مع بعض 

•	عماد سيب امى يارجل انت سيب يا راجل انت

•	شيماء قامت لقة عماد نايم سيب ايد امى سيب ايد امى

•	شيماء قوم يا عماد قوم ده كابوس

•	عماد هاااا امى امى

•	شيماء مالها امك يا عماد 

•	ايه ده هو احنى مرحناش عند امى 

•	شيماء انت نسيت انها اتصلت و لغة الميعاد ولا ايه فوق كده

•	عماد الحمد الله يعنى كله ده حلم انا قلبى كان هايقف 

•	شيماء ليه يعنى

•	عماد ما انت مشوفتيش ميزو ده طلع مصطفى فهمى يا هانم 

•	شيماء بقى تفيده ها يتقدم لها مصطفى فهمى انت اول ما شوفت كده كان لازم تعرف انه حلم يا عماد

•	اه يانا يا وكسيتي مصطفى فهمى يا تفيده كرومبه

# يوميات زوجه مفروسه

# ايناس حسن

#نوسه
يوميات زوجه مفروسهحيث تعيش القصص. اكتشف الآن