عشق القاسي
الفصل الاول
الشخصيات
العائلة الاولي
مختار الشريف متوفي وزوجته منال
الاولاد
ياسين 34 سنة ضابط وبيحب مامته جدا ومبيكسرش كلمتها طوله 187 س وعصبي جدا.
يوسف 30 سنة متجوز بنت عمه مريم وله طفله اسمها ملاك
العائلة الثانية
عبدالله الشريف متوفي وزوجته عائشة تركية الاصل وكلمتها لازم تتنفذ
الاولاد
مريم 27 زوجة يوسف بنت طيبة جدا منقبة من اعدادي وجوزها بيموت فيها
مراد 25 سنة ضابط مع ياسين
مرام 23 سنة دكتورة اطفال ودلوعة جدا ودمعتها قريبة ومنقبة من 3 اعدادي زي اختها بامر من والدهم جميلة بعيون رمادية وشعر اشقر مموج لنهاية ظهرهاا 168 س وجهها بيبي فيس
العائلتين يكسو عليهم الطابع الصعيدي في التشدد وعدم الاختلاط غير بكلام بسيط بين الابناء
منال: يا ابني حرام عليك عاوزة اشوف ولادك قبل ما اموت
ياسين : بعيد الشر عنك يا امي اخلص بس القضية ال شغال عليها وابقي تحت امرك يا ست الكل
منال: طيب ايه رايك اكلم اهل العروسة من دلوقتي علي ما تخلص انت براحتك
ياسين: ههههههههههههههه كمان العروسة مجهزاها طيب مليش رايي يعني اتجوز وانا ساكت
منال: العروسة معروفة من زمان يا حضرة الضابط انت بتنسي ولا ايه .
ياسين: تغير وجهه عروسة مين ال معروفة يا امي انا مفتكرش اني خطبت قبل كده .
لسه منال هتتكلم رن تليفون ياسين طالبينه في الشغل ضروري
منال : روح يا ابني لشغلك وبعدين نكمل كلامنا .
ياسين : اوك مع السلامة
منال: مع السلامة يا ابني.
///////////////////////////////////////////
داليا : هههههههههههههههه حرام عليكي كسفتيه
مرام : ههههههه يستاهل حد قاله يعاكس منقبه ده اهبل
داليا: منقبه اه بس عينك عذاب يا ماما ماشاء الله
مرام : طيب ودي اعمل فيها ايه بقي اداريها ازاي
داليا: هاهاها ظريفة اوي يا اختي يلا بقي همشي عشان الشيفت بتاعي بدا يلا سلام
مرام:سالااااااااااام.
نزلت مرام اخدت عربيتها وروحت ولقيت مامتها مجهزة الاكل اتغدو ودخلت تنام شوية عشان اختها هتجيلهم المغرب
#ملحوظة# بيت العائلتين في نفس المنطقةجنب بعض .
رن تليفون عائشة وهي بتتفرج علي التلفزيون
عائشة : الو
منال: ازيك يا عائشة عاملة ايه
عائشة : الحمد لله يا حبيبتي انتي عاملة ايه واوياسين عامل ايه
منال : الحمد لله تمام ايه فاضية اجيلك شوية
عائشة : تشرفي يا حبيبتي هعمل الشاي علي ما تيجي
منال : خلاص هدخل البس واجيلك
عائشة : ماشي مع السلامة
منال: مع السلامة.
وبعد نصف ساعة بصالة بيت عائشة
منال: امال فين مرام مش شايفاها يعني
عائشة : جت من الشغل نامت عشان مريم جاية المغرب.
منال: اممم طيب مش حان الوقت ننفذ وصية ابو ياسين وابو مراد ونفرح بقي .
//////////////////////////////////$/$$$$$$$$$$$$$$$$///////////////////////////
عائشة: والله ما عارفة اقولك ايه يا منال بس فعلا مرام كبرت وخلصت الجامعة هنستني ليه
بس برده هاجي فجاة اقولها هتتجوزي ياسين دي من سنتين كانت بتقوله يا ابيه
منال: هههههههههههههه ماهو مش من كبره برده عشان تقوله يا اببه
عائشة : خلاص ربنا يسهل يومين كده وافتح معاها الموضوع
منال: خلاص ماشي يلا هقوم انا عشان اجهز الاكل ياسين زمانه جاي
عائشة : ماشي يا حبيبتي في رعاية الله
منال : مع السلامة
عائشة : مع السلامة
////////////////
في مركز الشرطة
ياسين : بس ده ال حصل ومش عارف ازاي اقنع امي انها متنفعنيش ابدا
سليم : طيب بنت عمك ليه مش عجباك ليه معترض عليها
ياسين: يا ابني صغيرة جدا عليا دي من سنتين كانت بتقولي يا ابيه ودلوعة ومش حمل مسؤولية وانا الشخصيات دي بتعصبني انت عارف
سليم : هههههههههههههه انت بتهزي يا ابني هي دي الاسباب؟
ياسين: يا ابني افهم انا مش شايفها غير اختي الصغيرة وبسسسس متنفعنيش
سليم : يا سيدي ربنا يقدملك الخير وتقدر تقنع والدتك
ياسين : يارب يلا اسيبك زمان امي مستنياني علي الغداء سلااام
سليم : مع السلامة
//////////////////////////
في بيت عائشة
عائشة : يا بنتي قومي بقي تعبتيني اختك زمانها جاية
مرام: خلاص يا ماما هقوم اهو
عائشة : والله لو ما قمتي لارمي عليكي ماية
مرام : لا يا ست الكل وعلي ايه خلاص قمت
عائشة : يلا قومي صلي وانزليلي
مرام: حاضر
///////////////////////
في بيت منال
ياسين : تسلم ايدك يا ست الكل
منال: بالف هنا يا حبيبي
ياسين : الله يهنيكي يا ست الكل
منال: المهم هنطلب العروسة رسمي امتي بقي
ياسين : عروسة ايه بس يا ست الكل احنا مش اتفقنا الصبح لما اخلص الشغل ال في ايدي نبقي نشوف الحكاية دي
منال: يا ابني البنت خلاص كبرت والخطاب كل يوم داقيين بابهم
ياسين: يبقي الله يسهل لها يا امي انا مرام متنفعنيش
منال: انت هتستهبل يا ياسين بتقول كده وانت عارف وصية ابوك وعمك ليك وبعدين هو انت هتلاقي احسن منها يا ابني دي جمالها ملوش زي واخلاقها كلنا عارفينها يعني مفيش فيها عيب واحد تقدر تقولي ايه مش عاجبك فيها
ياسين بطولة بال : يا امي يا حبيبتي ده كله علي عيني وراسي بس اولا انا وهي بينا فرق كبير جدا في العمر البنت كانت بتقولي يا ابيه وبعدين دلوعة جدا وانتي عرفاني مبطقش الدلع ومتنفعنيش
منال : بذمتك انت مقتنع بكلامك ده ياسين انا قلتلك وصية ابوك تتنفذ متزعلنيش منك يا ابني يلا تصبح علي خير
ياسين : وانتي من اهله يا ست الكل
/////////////////////////
في بيت عائشة
مريم : يا ماما انتي كده كده هتكلميها مرام كبرت وياسين كمان مبقاش ينفع نستني وكل يوم يتقدملها ناس وبترفض بدون سبب مقنع
عائشة : والله يا بنتي ده اللي انا بفكر فيه برده خايفة عليها من كلام الناس
مرام: يا هلا والله شفتي بقي اختك ست بيت شاطرة ازاي وعملتلك شاي بنفسي
مريم : ههههههههههه ست بيت عشان عملتي شاي
مرام : امال ايه وبعدين انا عجباني وعاجبة ماما صح يا ماما
عائشة : هههههههههه صح
مرام: ما تسكتي بنتك دي شوية صدعتني ايه مبتتعبش من الصريخ البت دي
مريم : الله اكبر عليكي يا شيخة
مراد: متجمعين عند النبي
عائشة : جمعا ان شاء الله يا حبيبي احطلك تاكل دلوقتي
مراد: لا يا ست الكل انا جعان نوم
مرام : لا لازم تاكل
مراد : هو عرق الدكاترة نقح ولا ايه
مريم : لا يا حبيبي كلام اختك صح انا هقوم احطلك الاكل علي ما تغير هدومك
مراد : ماشي يا عسل
مرام طلعت وري مراد
مرام : مراد معلش ثواني
مراد: خير يا مرام
مرام :بص هو بقالي بتاع اسبوع كده رقم بيتصل كتير جدا عليا ولما زهقت قلت اكيد حد غلطان افتح اقوله فتحت واشتغل معاكسات
مراد: اسبوع ولسه فاكر علي سيادتك تعرفيني
مرام: ماهو والله الاول مردتش اصلا
مراد : ماشي يا مرام هاتي الرقم
مرام : اوك اتفضل
مراد بيتصل : مقفول هو كده جايبه مخصوص للمعاكسة بس اكيد مسجل هشوف انا الموضوع ده
مرام: اوك يا حبيبي روح غير بقي
مراد : اوك
///////////////////////////////////////
في غرفة ياسين
ياسين وايده تحت راسه وبيكلم نفسه " استغفر الله العظيم طيب افهمك ازاي بس يا امي والله مرام ما تنفعني دي لسه من شهرين كانت بتقولي ازيك يا ابيه اووووووف يارب ارحمني .
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
