عشق القاسي
الفصل التاسع والعشرون
في بيت كريم
عليا في الاوضة بتعيط ونفسها تتطمن علي مني وتعرف حصلها ايه وبتفتكر الست الطيبة ومعاملتها ليها
فلاش بااااك
كريم رن علي والدته وقالها اللي حصل وطلب منها تجهز لعليا اوضة وهو هيبات مع سليم ومامته معترضتش خالص فاخد عليا وراح علي البيت
زينب قابلتهم بإبتسامة : اهلا يا حبيبتي اتفضلي
عليا بخجل : شكرا
كريم : يا امي انسة عليا امانة عندنا
زينب : متقلقش يا حبيببي محدش هيعرف خالص انها هنا ومش هتخرج قدام اي حد لو حد زارنا زي ما قلتلي
كريم : تسلمي يا ست الكل واتي يا انسة عليا اي حاجة تحتاجيها قولي لوالدتي وهي تقلي وياريت متحاوليش تكلمي اختك خالص ده في مصلحتك
عليا : ان شاء الله حاضر
كريم : انا خارج يا امي واليومين دول هبقي عند سليم ماشي
زينب : ماشي يا حبيبي ربنا يحميك وانا جهزتلك شنطة صغيرة اهي فيها غيارين زي ما قلتلي
كريم : شكرا يا ست الكل يلا انا خارج سلام
زينب : مع السلامة
زينب : خدي راحتك يا حبيبتي البيت بيتك ابو كريم لسه خارج ومش هيرجع غير متاخر
عليا : انا اسفة لخبطكم وقلقتكم معايا
زينب بطيبة : لا يا بنتي ولا قلق ولا حاجة ربنا يكرمك ويحميكي يارب
عليا : الله يخليكي
الحاضر
عليا" الست طيبة اوي حتي حضرة الظابط خرج من البيت كله ربنا يبارك فيهم شكلهم ناس طيبين
يارب عقبال ما اطمن علي مني يارب
يارب تحميها وتحرسها وتخليهالي يارب"
/////////////////////////
في فيلا سمير
مني سابكة الدور مظبوط جدا ومنهارة
مني : يا تري حصلك ايه يا عليا دورلي علي اختي يا سمير
سمير بحزن علي انهيارها : والله هرجعهالك متقلقيش ان شاء الله هي بخير
مني ببكاء شديد : امال راحت فين بس يا سمير خارجة من صباحية ربنا وتليفونها مقفول ومش في البيت
سمير : يا ستي اهدي هترجع يعني هتروح فين بس هو انتو اتخانقتوا ولا حاجة
مني : لا ابدا والله هو انا هقدر ازعلها احنا مبقاش لينا غير بعض
سمير: هيبان متقلقيش هتروح فين يعني
مني : ما ده اللي هيجنني
سمير : طيب هي يعني متعرفيش اذا كانت مرتبطة مع حد ولا لا
مني بعصبية: قصدك ايه يعني يا سمير وهي دي اخلاق عليا برده
سمير : يا مني مقصدش بس مجرد سؤال
مني : لا هي متعرفش حد ولا لها علاقة بحد
سمير: خلاص هنلاقيها ان شاء الله والله متقلقيش
مني: يارب
//////////////////////////////////
في اوضة ياسين ومرام
مرام مش قادرة تنام نهائي من القلق من كلام ياسين
ياسين جوة مش جايله نوم وصاحي ومش راضي يطلع عاوز يسيبها براحتها وفجأة سمع تكة الباب فعمل نفسه نايم عشان متخرجش
مرام دخلت عشان تغير هدومها طلعت لها بيجامة موف غامق وخرجت لبست " انا ادخل انام طالما انه نام"
رجعت تاني ونامت
///////////////////////////////
في بيت كريم
محسن : كلي يا بنتي البيت بيتك خدي راحتك
عليا: باكل اهو حضرتك
زينب : اعتبرينا زي اهلك يا بنتي
عليا : اكيد والله
التليفون بيرن
محسن : الو
كريم : ازيك يا سيادة اللواء
محسن : الحمد لله يا ابني انت اخبارك ايه
كريم : تمام الحمد لله اخبار الضيفة ايه
محسن : لا تمام
كريم : ماشي المهم يا بابا متظهرش خالص قدام حد
محسن : اه والدتك قالتلي كل ده ربنا ييسر طريقكم
كريم : اللهم امين يلا مع السلامة
محسن : مع السلامة
///////////////////////////////////
في اوضة ياسين ومرام
مرام صحيت ملقيتش ياسين
مرام : الحمد لله اريح
مرام تليفونها رن
مرام : الو ازيك يا ماما
عائشة: الحمد لله يا حبيبتي ازيك عاملة ايه
مرام : الحمد لله والله وحشتوني اوي انتي والواد مراد والله
عائشة: والله يا حبيبتي والبيت وحش اوي من غيرك
مرام : طيب ما تيجي شوية يا ماما
عائشة: انا ومريم هنجيلك العصر ان شاء الله
مرام بفرحة : والله طيب ما تيجوا دلوقتي ونقضي اليوم سوا
عائشة : لا يا حبيبتي هنيجي العصر ان شاء الله
مرام : خلاص ماشي زي ما تحبي امال فين مراد
عائشة: نزل من بدري
مرام : خلاص هرن عليه اصله وحشني اوي
عائشة: ماشي يا حبيبتي خلاص اشوفك العصر ان شاء الله
مرام : ان شاء الله
عائشة: مع السلامة
مرام: مع السلامة
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
