عشق القاسي
الفصل الرابع عشر
مرام ساكتة وبتفكر في كلام داليا انهم ممكن يسيبوهم يتكلموا لوحدهم" يا نهار اسود ده هيقتلني ويطلع عيني علي الكلام اللي قولتهوله لالالا مستحيل اقعد معاه هو انا هبلة"
مرام: طيب عن اذنكم يا جماعة تعبانة جدا ومحتاجة ارتاح
منال بإستغراب من طلبها: اه طبعا يا حبيبتي خدي راحتك احنا مش غرب
عائشة بصرامة: اقعدي يا بنتي مع خطيبك شوية ايه قلة الزوق دي
مرام بإبتسامة : الله يسامحك يا ماما هو انا يعني هبقي للدرجادي قليلة زوق طبعا استأذنت منه الاول وقلتله هطلع ومعندوش مانع وبتبص لياسين : صح ؟
ياسين يإبتسامة : اكيييييييييد طبعا " ماشي يا بنت عمي اتاريكي مش سهلة"
منال: خلاص يا حبيبتي اتفضلي الايام جاية كتير
يوسف: خلاص يبقي يلا بينا بقي كلنا محتاجين نرتاح
مراد: ما تقعدوا يا ابني شوية بطل رخامة
مريم: معلش يا مراد والله هلكانة عاوزة ارتاح
ياسين: وانا كمان يدوب مش متعود علي البدل دي خالص الواحد مش واخد راحته
وهما خارجين ياسين نادي مراد في جنب
ياسين: معلش يا مراد اديني رقم مرام قلتلها وطلعت ونسيت اخده
مراد : اوك اتفضل 01.........
ياسين: تسلم يابو نسب
مراد : العفو يا باشا
ياسين" ماشي يا بنت عمي ان ما عدلتك من اول وجديد مبقاش ابيه ياسين عشان تبقي تتكلمي بلساني كويس حلو هلاقي حاجة تسليني الايام الجاية دي "
////////////////////
في اوضة مرام
مرام اول ما دخلت قلعت الدبلة كانها بتقرصها والخاتم قلعته وهي بتحاول تمسح اللي حصل من دماغها ودخلت غيرت هدومها ونامت عشان تهرب من الواقع "
////////////////////
في بيت منال
منال بتحضن ياسين : الف الف مبروك يا حبيبي
ياسين: الله يبارك فيكي يا ست الكل بس مش ملاحظة انها لغاية دلوقتي اصلا مش قابلاني معملتوش فينا خير ابدا
منال : هات عينك في عيني كده وقولي انك مش مبسوط
ياسين بتوتر: مبسوط طالما انتي مبسوطة يا امي
منال: يعني انت مش مبسوط
ياسين: والله ما اعرف هو تقريبا حاسس بالفرح لانه موضوع جديد عليا وانتي حاباه فده مخليني سعيد
منال: علي العموم يا حبيبي مرام بنت مفيش زيها ابدا في الدنيا لا من ناحية الجمال ولا من ناحية الاخلاق وبكرة تشكرني وتدعي لعمك الله يرحمه علي وصيته دي
ياسين: ربنا يخليكي ليا يا ست الكل ويرحمهم ويجعل مثواهم الجنة يارب
منال: اللهم امين يلا يا حبيبي تصبح علي خير وصحيح عاوزة اقولك حاجة خف من حدة اسلوبك شوية مع مرام يا حبيبي هي مش عسكري تحت ايدك وهي اصلا دلوعة مش متعودة علي الزعيق ةاخواتها ومامتها بيتمنولها الرضي ترضي
ياسين بإبتسامة: حاضر يا ست الكل
منال: يحضرلك الخير يا حبيبي يلا تصبح علي خير
ياسين : وانتي من اهله
في اوضة ياسين
قلع الجاكيت والكرافيت ونام وايده تحت راسه وغمض عيونه وصورة مرام في باله وكل مدي تتوسع ابتسامته من تذكره لشكلها ونظرتها ورجفتها وحتي بحة صوتها المميزة وفجاة فتح عيونه والشرار يتطاير منها كانه مش الشخص اللي من شوية كان بيبتسم " انا عاوز اعرف دي مجنونة تطلع قدام الناس بالمنظر ده واللبس ده وانتفض واقف: البت دي هتطلع عفاريتي لا وايه انا حرة حتي لو هقلع النقاب انا حرة لاااااا ده كان زمان يا ست الحرة ماشي يا مرام ماشي ان ما كنت اطلع عنادك ده من عيونك مبقاش ياسين لا وايه بتكدب في وشي وبتقول استأذنت مني ماااااشي ماشي"
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
