عشق القاسي
الفصل الثامن عشر
في فيلا سمير
سمير : حلو اوي كده هنحتاج المعلومات دي شاطر يا علي
علي: تلميذك يا باشا وعلفكرة هو لسه خاطب يا باشا وخاطب اخت مراد ابن عمه
سعيد : ههههههههههه حلو حلو ولا ايه رايك انت يا سعيد
سعيد ساكت مش معاه خالص
سمير بصراخ : سعيد
سعيد : ها ايوا
سمير باستغراب: ايه اللي واخد عقلك
سعيد : ولا حاجة مفيش حاجة واخدة عقلي يلا سلام
سمير: تعالي هنا انت رايح فين
سعيد باستعجال: ورايا شغل مش فاضي
وخرج سعيد باقصي سرعة الي المطعم ودخل مكتبه ووراه مدير المطعم
سعيد : قولي يا مسعد هما البنتين اياهم مجوش تاني من اخر مرة
مسعد: لا يا فندم مجوش وانا مركز من ساعة ما سعادتك قولتلي ومجوش
سعيد : خلاص ماشي روح انت
مسعد: عن اذنك
سعيد في نفسه" يارب تيجي تاني يارب يا تري انتي مين ولا اسمك ايه "
/////////////////////
في المستشفي
داليا ومرام في غرفة الاستراحة ومرام تعبانة
مرام: انا هقوم بقي اتطمن علي مراد زمانه فاق
داليا : اصبري بس شوية كمان
مرام : لا لا يا داليا الساعة فاتت وزمانه فاق وانا عاوزة اتطمن عليه
داليا: يا بنتي زمان الدنيا مقلوبة برة فعشان متروحيش هناك وتتخانقوا تاني وانتو مبتركزوش لما بتشدوا انتو الاتنين فاقعدي دلوقتي
مرام: لا مش هكلمه تاني ومليش دخل بيه وبعدين كل اللي هناك واقفين اداء واجب عكسي انا ده اخويا وخايفة عليه وقلبي واجعني وعاوزة اتطمن عليه
//////////////
قدام اوضة مراد ياسين وسليم وخالد وقاسم وحمزة
ياسين: طمنا يا دكتور اخباره ايه
د.فريد: الحمد لله هو تمام اوي وكلها يومين وهيبقي زي الفل متقلقوش
ياسين: تسلم يا دكتور شكرا
د.فريد : العفو ده واجبي
ياسين: طيب نقدر ندخل نتطمن عليه
د.فريد: اه طبعا اتفضلو
دخلوا كلهم علي مراد وسلموا عليه واتحمدو له السلامة
مراد بتعب: الله يسلمكم هي الساعة كام دلوقتي
ياسين: 4.5
مراد : طيب الحمد لله ملحقتش ماما تقلق عليا
ياسين: لا اتطمن محدش بلغها اي حاجة ومحدش هيبلغها
مراد: الحمد لله
فجاة خبط الباب وفتحت مرام ودخلت وانخضت من هيئتهم في وشها وكمية الميري اللي في الغرفة" يا رتني سمعت كلامك يا داليا ومجتش الخوف هليه في الاول خلاني محسش بدول كلهم يا خرابي علي الاحراج"
وبهدؤ متوتر وبحة مميزة: السلام عليكم
الجميع : وعليكم السلام
حمزة بهمس : يا ريتني انا العيان
قاسم بنفس الهمس ولا يسمع الا كلاهم وسليم: لا يا رتني انا والاه
رمقهم سليم بنظرة اخرستهم لانه اشفق عليهم ان سمعهم ياسين
مرام وبتبوس راسه وماسكة ايده : الف سلامة عليك يا حبيبي
مراد بإبتسامة: الله يسلمك يا رب ايه اللي عرفك
مرام : الدنيا كانت مقلوبة جدا هنا ففكرت انه وزير الداخلية طلع حضرتك وعرفت بالصدفة البحتة لما شفت ياسين داخل
الجميع ابتسم
خالد بإبتسامة: لا ما هو مراد مهم برده واهم من الوزير برده
مراد : هههه اه الله يجبر بخاطرك
مرام : ربنا يقومك بالسلامة يارب يا حبيبي انا هروح دلوقتي عشان انا معاد خروجي جه من زمان وماما كلمتني قلتلها طوارئ وخايفة تقلق عليا وانت لما تحس نفسك كويس كلمها بس صوتك ميبقاش تعبان عشان متاخدش بالها وانا هقولها احنا اتكلمنا وانت طالع مؤمورية ماشي
مراد: خلاص ماشي وانا شوية كده وهكلمها
مرام: اوك همشي بقي وهرجعلك تاني
مراد : لا مترجعيش تاني لوحدك سامعة
مرام باعتراض: بس يا مراد
مراد: خلاص بقي يا مرام اسمعي الكلام حتي وانا في حالتي دي هتقاوحي
مرام : خلاص ماشي هروح ولما ياسين يجي هاجي معاه
ياسين وماسك اعصابه من وقفتها وكلامها الكتير: لا انا مش ماشي من هنا انتي روحي عشان مامتك متقلقش وهو قاعد مش هيروح في حته تعالي بدري الصبح وشوفيه
مرام لمراد: ماشي مع السلامة عاوز حاجة
مراد : سلامتك خدي بالك من نفسك
مرام : ان شاء الله وانا وصيت عليك الممرض اللي هيبقي موجود بالليل انت بس دوس علي الجرس وهو هيجيلك وهيجبلك الغداء دلوقتي وكل ماشي
مراد وهو واخد باله من وش ياسين وعصبيته وهو اكتر واحد عارف تفكيره وعارف ان وقفة مرام دي مش عجباه : انتي قلبتي ماما كده ليه يلا روحي في رعاية الله
مرام: مع السلامة
خرجت مرام وخرج وراها ياسين يدور عليها ملقهاش
ياسين للممرضة: لو سمحتي دكتور مرام الاقيها فين
الممرضة وهيمانة علي نفسها من هيبته: في اوضة الاستراحة حضرتك
ياسين: واوصلها ازاي من فضلك
الممرضة وصفتله الطريق: شكرا جزيلا
الممرضة: العفو يا فندم
////////////////////
عند مراد صحابه سلموا عليه وخرجوا وهو استغرق وجود خالد وخالد شرحله ازاي جه هنا
قدام الغرفة خالد استاذن ومشي ووقفوا سليم بيتكلم في التليفون وقاسم وحمزة يستنوا ياسين
قاسم : ماشاء الله دي اخته متوقعتهاش كده ابدا بصراحة
حمزة: ولا انا برده فكرت اخت مراد دي ممكن تكون قريبة لشخصيته بالاستهتار ده مش منتقبة وكده طلعوا صعايدة صعايده
قاسم : بس مرتبطة دي او متجوزة
جه سليم علي السؤال ده : هي مين دي
قاسم : اخت مراد
سليم بعصبية بسيطة: اه مخطوبة وقفلوا علي السيرة دي خالص
قاسم وحمزة في نفس الوقت بهزار: خساااارة
سليم بعصبية ليس غيرة وانما غيرة علي اخت وخطيبة اعز اصدقائه: وبعدين معاكم ما تكبروا بقي وتسبوكم من شغل المراهقين ده وبإبتسامة شماتة: علفكرة تبقي خطيبة ياسين
حمزة بصدمة : يا نهار اسود ومنيل انت بتهزر اكيد
قاسم : لا قول كلام غير ده الله يكرمك
سليم بإستغراب: ليه يعني
قاسم : لا مش ماشيبن مع بعض خالص شتان
سليم: وانتو مالكم انتو مين طلب رايكم عيب عليكوا بجد
قاسم بتوتر: انا مقصدش حاجة والله بس ردة فعل من المفاجئة مش اكتر
حمزة بخجل: اه والله وانا كمان
سليم : حصل خير يلا بينا
//////////////////
قدام الاستراحة
ياسين" ايه اللي انا بهببه ده جاي اعمل ايه هنا"
هرجت داليا: مساء الخير
ياسين : مساء النور ازيك
داليا: الحمد لله كويسة ثواني ومرام خارجة
خرجت مرام : داليا عن اذنكم اشوفك بكرة ان شاء الله
مرام : اوك يا حبيبتي مع السلامة
مشيت داليا
مرام كتفت ايدها وبصتله : خير
ياسين : نعم!!!!
مرام: خير يعني جاي ليا ليه
ياسين: يارب صبرني انتي متعرفيش حاجة اسمها زوق ابدا
مرام: من بعض ما عندكم يا فندم
ياسين بتهديد: انتي عارفة لو في مكان عام كنت هعرف ازاي اخرسك
مرام بضحكة مستفزة: ههههههههههه تعرف انك متقدرش وبعدين مش ملاحظ انك بتهدد كتير كاني مجرم عند حضرتك في القسم يا ابيه
ياسين وبيحط ايده في جيوبه وبيركز في عينها وبصوت هادي وواطي : تعرفي انك مستفزة اوي يا مرام
مرام وبتهرب من عيونه وباستفزاز : اه اعرف يا ابيه
ياسين بضحكة شديد: ههههههههههههههههههههههه
مرام بابتسامة من ضحكته بالطبع لم يراها : تعرف انك مش طبيعي
ياسين بإبتسامة: لا معرفش
مرام : طيب اديني كسبت فيك ثواب وقولتلك
ياسين: ماشي يا ستي جزاكي الله خيرا بس اكسبي فيا ثواب اكبر وقوليلي ليه مش طبيعي
مرام : لانك بتضحك وانا بقلك يا ابيه وامبارح مهددني تهديد قد كده عشان قلتها فقلي بقي تبقي طبيعي انت كده؟
ياسين بغمزة : تصدقي صح مش طبيعي طلع عندي انفصام شخصية
مرام في نفسها" ده ماله ده " : عن اذنك
ياسين : اتفضلي
والد طفل مريض: دكتورة
مرام : خير يا فندم
الراجل: حضرتك الدواء ده ملقتوش في الصيدليه ممكن تكتبي بديل
مرام: حاضر
طلعت القلم وكتبت له الدواء وياسين مركز معاها ولفت نظره انها لابسة الدبلة واحساس تملكه بابسرور كونها تخصه وحده ولا احد غيره واعطت الدبلة الفخمة ليدها ناصعة البياض جمال علي جمالها
الراجل شكرها ومشي
ياسين: انتي ليه مش لابسة الجوانتي
مرام : وهكشف بيه واكتب علاج ازاي بقي
ياسين: اها
مرام : يلا عن اذنك
ياسين : مع السلامة
/////////////////////
في بيت منال بتتكلم في التليفون
عائشة : لا لا يا منال حكاية فرح علطول كده مش هيرضوا ابدا احنا ممكن نخليها كتب كتاب بس واهو فرصة ياخدوا علي بعض شوية
منال: فكرة برده والله ايه رايك يبقي الاسبوع الجاي
عائشة: لا لازم ناخد رايهم برده ونقنعهم كده بالراحة
منال : خلاص علي خيرة الله
/////////////////////////
عرفت عائشة بموضوع مراد وزعلت وكان عندهم حق لما اغمي عليها وتعبت
بعد يومين في بيت عائشة وخالد بيزور مراد وياسين موجود
عائشة داخلة بالعصير قام ياسين اخده منها
عائشة: ازيك يا خالد عامل ايه وازي والدتك
خالد : بخير الحمد لله وبتسلم علي حضرتك كتير جدا
عائشة: الله يسلمها يارب
خالد: تسلمي يارب والله انا كنت رايح لمراد يوم الحادثة عشان الموضوع اللي ماما كلمت حضرتك فيه عشان هو الراجل وكده بس لما حضرتك جيتي قلت افاتحكم انتو الاتنين خاصة ان والدتي هتتاخر لان اختي ولدت وهي سافرت لها وصممت اجي اعرف بنفسي ردكم ايه لانها مستعجلة وبجرئة : وكان عندها حق بصراحة انا لما شفت الدكتورة مرام عرفت ليه ماما صممت عليها وليه خطبتها مرة واتنين
عائشة ومراد انخرسوا من جرئته والموقف خاصة قدام ياسين اللي هما عارفينه كويس
ياسين بابتسامة مخنوقة وجاهد ان تظهر : بس مرام مخطوبة دلوقتي
خالد بصدمة كبيرة وخيبة امل: مخطوبة بالسرعة دي لمين
ياسين وبيرفع ايده بالدبلة وبإبتسامة شماتة : ليا
خالد بصدمة : الف مبروك
ياسين : الله يبارك فيك
خالد : عن اذنكم
عائشة: اتفضل يا ابني
خرج خالد وسايب وراه بركان ثاير
أنت تقرأ
عشق القاسي بقلم Fatma Ahmed "قطرة حياه"
Roman d'amourنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
