عشق القاسي
الفصل الخامس
في مكتب ياسين التليفون بيرن
ياسين: الو ايوا يا عادي عرفته
عادل: معلش يا ياسين طولت عليك
ياسين: لا ابدا ولا يهمك المهم عرفته؟
عادل: اه هو مسجل باسم محمد متولي والعنوان..........
ياسين بهدؤ يسبق العاصفة: اها تسلم يا عادل
عادل: العفو ياباشا اي خدمة
ياسين : تسلم يارب مع السلامة
عادل: سلام
ياسين بعصبية شديدة وبيرمي فنجال القهوة علي الارض : اه يا كلب يا حيوان ورحمة ابويا ما هسيبك
سليم يدخل علي الصوت: ايه يا ابني مالك ايه اللي حصل
ياسين: مفيش حاجة يا سليم
سليم : ازاي يعني مفيش حاجة امال ايه ده
ياسين بنرفزة: اووه ما قلتلك مفيش حاجة يا سليم
سليم : خلاص يا عم براحتك
ياسين بهدؤ : متزعلش مني حقك عليا في حاجة عصبتني كده
سليم : يا ابني ده انا اخوك انطق في ايه
ياسين حكاله موضوع محمد واكتشافه ان هو ال بيعاكس مرام
سليم : ده واد واطي يعني لما ملقاش منها استجابة قال اخطب مش هخسر حاجة
ياسين: بالظبط كده
سليم : وهو ده بس ال منرفزك
ياسين باستغراب: هي دي حاجة بسيطة
سليم : لا مش بسيطة بس برده متخلكش بالعصبية دي كلها
ياسين: قصدك ايه
سليم : يعني بصراحة كده دي غيرة مش ضيق من الواطي ده
ياسين: ههههههههههههههههههههههههه والله العظيم انت اهبل ياد امال لو مكنتش انت الوحيد ال انا حاكيله الحكاية كلها
يا سليم مرام دي اختي انا مبشوفهاش غير كده مرام دي مولودة علي ايدي وفضلت في نظري البت ام ضفاير ال بتعيط لو مشترتلهاش شوكلاتة اجي دلوقتي انت تقولي بتغير
سليم براحة : يعني مش هتتجوزوا
ياسين برفعة حاجب : الله اعلم بحاول اقنع امي لسه
سليم بابتسامة: ربنا يقويك يلا انا قايم اخلص شغلي
ياسين: ماشي
ياسين في نفسه " ده ماله ده اكيد انا مش اللي انا فهمته ميعملهاش ويبصلها وهو عارف اني ممكن اتجوزها"
////////////////////////////////////
في بيت عائشة
مراد: خير يا امي ليه اجتماع الامم ده
مرام : ههههههههههههههه طيب والنبي الخطاب بسرعة عشان هموت وانام
عائشة: خلاص يا ظريف انت وهي
مراد: طيب ايه؟
عائشة بتوتر: بصراحة مرام جايلها عريس
مرام: ما حضرتك قلتيلي
عائشة: لا مش خالد
مراد: ههههههههههههههههههه لا ده يوم الخطوبة العالمي بقي يا بت زي ما قلتي
مرام : عشان تعرف اختك بس والنبي انا عسل واجنن
مراد: امشي كده وانتي شبه البطة قال عسل قال
مرام :بطة في عين..
عائشة مقاطعة: ما تتكتموا انتو الاتنين شوية
مراد : اه صح نسينا الموضوع الرئيسي مين العريس
عائشة: وبتبص لمرام ياسين
مراد: انا اعرفه ؟
عائشة : انت هتستهبل يا مراد ياسين ابن عمك
مرام فطت زي الملسوعة : نعم؟ مستحيييييبل اكيد بتهزري
عائشة بهدؤ: هو ده موضوع ينفع فيه هزار منال كلمتني من يومين وانا موافقة وشايفة ان ياسين اكتر انسان مناسب ليكي
مرام: لا طبعا مستحييييييل مستحيل اوافق ده لسه قايلاله يا ابيه ده اخويا الكبير يا ماما عارفة يعني ايه اخويا مستحيل
عائشة : لا يا بنت بطني مش اخوكي ابن عمك
مرام: ماما حضرتك بتقولي ايه ياسين اخويا وبعدين سبيكي من اخويا ده اكبر مني ب 11 سنة انتي متخيلة
مراد: اقعدي واهدي بس يا مريم
عائشة : 11 سنة فرق مش كبير يا مرام انا ابوكي كان اكبر مني ب 16 سنة
مرام:ه كان زمان مش دلوقتي انا مستحيل مستحيل اوافق
مراد : بس ياسين مقاليش اي حاجة يا امي
عائشة: منال كلمتني وقلتلها انا اللي هفاتحكم في الموضوع
المهم فكري وردي عليا
مرام : انا قلت لحضرتك رايي ومش محتاجة افكر
عائشة: ليه عاوزة اسباب ومقنعة
مرام : ولو اني مش مضطرة لكل ده
بس حاضر وبدات تعد علي صوابعها 1- كبير جدا عليا و2- بيشرب سجاير ومبطقش الراجل ال بيشرب وانتي عارفة كده كويس 3- عصبي وخنيق جداااا4- مخه صعيدي مش متفاهم
والاهم من كل ده يا امي وبدموع انا بخاف منه اوي مبحبوش
عائشة بتجميد قلب: انتي طلعتي تافهة اوي يا بنت بطني انا طالعة ارتاح ولما تبقي تلاقي اسباب تقنعني ابقي قوليلي
مرام بدموع: عاجبك كده يا مراد طريقة ماما دي
مراد: والله ما عارف اقولك ايه يا مرام انا متفاجئ جدا يعني بعد ما كانت مبتقولكيش ليه بترفضي كل العرسان دي فجأة كده وافقت علي ياسين لا ومش مهتمة ولا مقتنعة برفضك
أنت تقرأ
عشق القاسي بقلم Fatma Ahmed "قطرة حياه"
Storie d'amoreنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
