عشق القاسي
الفصل الثاني عشر
جعيالهم
منال: يارب
عائشة: قلت لمرام عشان ننزل نشتري الشبكة وقالت اي وقت عادي ايه رايك بكرة ننزل تشوفي ياسين وظروفه وتردي عليا
منال : خلاص ان شاء الله اشوف كده وربنا ييسر
عائشة : خلاص علي خيرة الله
منال: هي مرام شافت الحاجة
عائشة: لا والله جت اتغدت وطلعت اوضتها ومن ساعتها مدتنيش فرصة اقولها
منال: ربنا يهدي سرهم يارب
عائشة : يارب
بعد ساعة
ياسين : مساء الفل يا ست الكل
منال: مساء الخير يا حبيبي اجهزلك العشاء
ياسين: ماشي يا امي تسلميلي يارب هغير هدومي واجي
منال: ماشي يا حبيبي
علي العشاء
منال : انا اتفقت انا وعائشة علي بكرة ننزل نشتري الشبكة
ياسين: طيب تمام علي خيرة الله هجبلك الفيزا ان شاء الله
منال بإستغراب: وتديهالي ليه ما تحاسب انت
ياسين بإستغراب: هو انا هروح اصلا
منال: انت هتهزر يا ياسين ان مكنتش انت تروح مين هيروح ان شاء الله
ياسين بإبتسامة: خلاص خلاص يا امي رايحيين امتي ان شاء الله
منال: بكرة ان شاء الله
ياسين: خلاص ان شاء الله ارتب اموري علي كده وافضي نفسي
منال: ربنا يفرحني بيك يا حبيبي واشيل ولادك يارب
ياسين: ربنا يخليكي ليا يا ست الكل
///////////////////////
تاني يوم الصبح في المستشفي
مرام : علفكرة انا رايحة اشتري الشبكة النهاردة
داليا : لا والله
مرام: اه والله
داليا: ربنا يتمملك علي خير يارب يا حبيبتي ويسعدك
مرام: تسلمي يا داليا عقبالك
داليا: امين ياااااااااارب
مرام: هههههههههههه بالراحة علي نفسك يا بنتي
داليا: ملكيش دعوة ادعيلي وانتي ساكتة
مرام : هههههههههههه حاضر
/////////////////////
في بيت عائشة بعد المغرب
عائشة: يا بنتي اطلعي شوفيها مينفعش يجوا ونوقفهم برة
مرام : انا جيت اهو " تطل بفستان من اللون الزهري وحجاب والنقاب من اللون الرصاصي "
عائشة: يا بنتي انتي ناوية تشليني ايه ده لابسة كوتش علي الفستان انتي هبلة يا بنتي
مرام: الله يا ماما ما هو حلو اهو
عائشة: روحي يا مريم هاتيلها جزمة حلوة بعد اذنك واظن لو مكنتش حلفت عليكي تلبسي الطقم ده كنتي رحتي بعباية سوداء
مرام بصوت واطي : والله ما بعيد كنت اعملها
مريم : خدي يا مرام البسي
عائشة: يلا اهم جم
في العربية
منال جنب ياسين وعائشة ومرام ورا والسكوت سيد الموقف
تليفون مرام رن
مرام : الو ............الحمد لله يا دكتور ................لا حضرتك الفايل بتاع اوضة 9 اديته لدكتور محمد امبارح لاني سيبت الحالة بناء علي طلبه هو قالي هيتابعها ..................خلاص تمام يا فندم هقولها بكرة ان شاء الله ...............شكرا يا فندم ………. مع السلامة
ياسين عند سماع اسم محمد رفع عيونه وركز معاها اكيد هو لانه قال انه رئيسها في الشغل
////////////////////////
في واحد من ارقي محلات المجوهرات
منال: عاوزين بقي لعروستنا اجمل واجدد الدبل
البائع: بتؤمري امر هلا بجيبلك اجدد تشكيلة نزلت
منال: تسلم يا ابني
البائع : اتفضلوا هي اجدد تشكيلة دبل نزلت لهلا
عائشة : جميلة ايه رايك يا مرام
مرام بهدؤ: حلوين يا ماما
ياسين مركز معاها ومع ردات فعلها
منال : طيب قيسي دي كده يا حبيبتي
مرام قلعت الجوانتي وقاستها
عائشة جميلة اوي يا حبيبتي ايه رايك يا ياسين
ياسين : انا مبفهمش في الحجات دي صراحة بس شكلها حلو
منال : خدي جربي دي كمان كده
مرام بتجربها : عادي يا جماعة مش هتفرق اللي انتو عاوزينه
عائشة : ازاي يعني يا حبيبتي لازم تحبيها وقبل ما تتكلم
البائع السوري بلهجته المحببة : بصراحة يا فندم الاتنين في ايدها بعقدوا بياخدوا العقل والله
ياسين بعصبية وبيضرب علي الترابيزة: ما تحترم نفسك يا جدع انت بتعاكس واحدة وهي بتشتري شبكتها وقدام خطيبها كمان
البائع بصدمة: شو عاكسها يا فندم انا ما بقصد هيك شي
منال بتهدئة لياسين : يا ابني الراجل ميقصدش طبعا
البائع : بعتذر كتير لحضرتك
عائشة : حصل خير يا ابني
بعد ساعة في العربية مروحين
منال وعائشة الفرحة مش سايعاهم وبيتكلموا ومرام غير مستوعبة اللي عمال بيحصل والدموع ملازمة عيونها وياسين ملتزم بمراقبتها
عائشة: ما تنزلوا معانا نتعشي سوا
منال بإبتسامة : الايام جاية كتير يا عائشة يوم تاني ان شاء الله
عائشة: ماشي زي ما تحبوا الف مبروك يا ياسين
ياسين: الله يبارك فيكي يا طنط
عائشة : مع السلامة
////////////////////////////
ليلة الخطوبة
عائشة: علفكرة انا ومريم نزلنا وجبنا الفستان وكل لوازمه
مرام: يا سلام طيب مانا عندي فساتين كتير كنت هلبس اي واحد ماهي الحكاية بسيطة مفيش دوشة
عائشة : انتي هتستهبلي يا مرام ما عشان كده برده عارفة ان ده هيبقي ردك نزلنا ومقلناش ليكي ومتاكده انه هيعجبك انا خليت عزة تطلعه اوضتك دلوقتي اطلعي شوفيه
مرام : اوك
////////////////////////////
يوم الخطوبة
عائشة: شوفي اختك يا مريم خلصت حمام ولا لسه
مريم : حاضر يا ماما
في اوضة مرام
مريم : ايه يا حبيبتي لسه مقمتيش الحمام
مرام بحزن : هقوم اهو يا مريم لسه بدري
مريم : بصي يا حبيبتي عشان هتكون اخر مرة نتكلم في الموضوع ده والله ياسين جدع وابن حلال بس عشان انتي مكنش في دماغك ان ممكن تتجوزيه فحاسة ان الحكاية صعبة وغلط في غلط لاننا كنا بنخاف منه واحنا صغيرين بس يعني اكيد انتي واعية وعارفة انه عمره ما هيعاملك زي ما كان بيعاملنا زمان ولا زي ما بيعامل اي حد
مرام: عارفة يا مريم بس انا مش متقبلاه كشخص ارتبط بيه انا اقبله كاخويا عادي ابن عمي اوك انما ارتباط وكمان مش بارادتي كده الموضوع اصعب بكتير
مريم: طيب يا حبيبتي جربي وادي نفسك فرصة وانا واثقة انك في يوم هتيجي تقولي انا بحبه اووي يا مريم وهتضحكي علي المواقف دي
مرام : ههههههههههههه يا واثق انت
مريم : يا ستي جربي
مرام : ماشي يا مريم
مريم: يلا قومي خدي دوش والبسي يدوب كده تجهزي
مرام : اوك
////////////////////////
في اوضة ياسين
منال : خد يا حبيبي الجراف اهي
ياسين : تسلمي يا ست الكل وبإستغراب: بس ايه اللون الغريب ده
منال: اصل مريم قالت لازم تبقي نفس لون الفستان فجبنهالك معانا واحنا بنجيب الفستان
ياسين : هههههههههههه والله مريم دي عليها حجات
منال: يلا يا حبيبي البس بقي
ياسين : حاضر يا ست الكل هو سليم جه
منال: لا لسه يلا انا نازلة
ياسين : ماشي
///////////////////////////
في اوضة مرام
مرام بتنادي علي مريم
مرام بصوت عالي : يا مريم
مريم جاية جري : ايه يا بنتي مالك
مرام بعصبية : ايه ده يا مريم اخرج بيه ازاي ده ضيق جدا مستحيل اخرج بالمنظر ده
مريم : والله جايبه مقاسك انتي اللي تخنتي اكيد الفترة دي بس والله نفس مقاس الفستان الازرق
مرام: لا مستحيل اخرج كده يا مريم
مريم: يا حبيبتي الحكاية اصلا بسيطة الموضوع كله ساعة ومفيش وقت نتصرف لو كنت قستيه امبارح زي ماما ما قالتلك كنا لحقنا نتصرف
مرام : والحل بقي
مريم : عديها عشان خاطري مفيش وقت وحياتي عندك يا مرام بلاش مشاكل
مرام: طيب يا مريم هلبسه بس ايه بقي كل ده كعب
مريم : يا بنتي انتي عاوزة تتخانقي وخلاص ماله كمان مانتي بتلبسي زيه واعلي كمان في المناسبات وياسين ما شاء الله طويل فلازم كعب عالي مش اقل من ده
مرام: يا سلام وعشانه طويل البس انا كعب ورجلي تورم وامشي اعرج واضحك عليا الناس هيبقي شكلي حلو
مريم : متعقديهاش بقي يا مرام الله يكرمك وخلي اليوم يعدي علي خير رجلك مش هتورم وتعرجي من ساعة وهتبقي قاعدة يعني مش واقفة
مرام : خلاص يا مريم انتي فتحتيلي تحقيق
مريم: ما اصل ده مش وقت نقاش وشده يعني خلصي لبس بقي انا نازلة
مرام : ماشي
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
