عشق القاسي بقلم Fatma Ahmed "قطرة حياه"

الجزء العشرون

عشق القاسي
الفصل العشرون
بعد اسبوع في بيت عائشة 
لم  تستطيع  مرام ان ترفض راي ياسين وتحكمه بموضوع كتب الكتاب ونفذ تهديده لها
وحلفت ما هتشتري فستان ولا هتقابله وفعلا صممت علي كده وحتي مريم ومامتها مقدروش يقنعوها
ومتعرفش ان ياسين اصلا مش طايق يبص في وشها ومش عاوز يشوفها وصمم علي كلامه عشان يكسرها مش اكتر من كده
/////////////////
في اوضة ياسين" لبس بدلة من اللون الرمادي تعكس نفسيته المتقلبة ووجهه القاسي واللي يحب نفسه يبعد عنه الايام دي لان روحه في منخيره "
منال: والله يا ابني ما اعرف في ايه فجأة كده قالي كتب الكتاب الاسبوع الجاي  والفرح بعد شهر  وبس ومن ساعتها مش راضي يفتح الموضوع ابدا
يوسف: غريبة اوي بس اكيد مرام قالت حاجة ضايقته وياسين انتي اكتر واحدة عرفاه تلاقيه اتعصب واخد القرار ومش حب يبان انه مش قد كلمته ويرجع فيها قدامها هي بالخصوص
منال: والله يا ابني انا تعبت انا عاوزة افرح بيه مش يفضل كده في مشاكل وشد مع خطيبته علطول كده يا ابني
يوسف : ربنا يهديه يا ماما ده حتي مرضيش يعزم حد وبيقول لا مش مهم في الفرح اعزم اللي انا عاوزه
منال: ربنا يهدي سرهم ويالف بين قلوبهم يارب
يوسف: امين يارب
ياسين : يلا بينا
منال: يا ابني فك وشك ده الله يرضي عليك
ياسين: حاضر  يا ست الكل
يوسف: يلا بينا
///////////////////////
في بيت عائشة
مريم: يا حبيبتي والله ما ينفع البسي طقم حلو كده وافردي شعرك
مرام بعصبية: مريم والله ان ما خرجت كده ما انا خارجة خالص ينفع ولا اقعد.
مريم: خلاص براحتك اعوذ بالله عليكي
////////////////
المأذون جه وقعد مراد وياسين ومنال وعائشة  ومريم ويوسف وسليم
نزلت مرام وداليا وياسين مش طايقها ولا بص ناحيتها
وتم كتب الكتاب  علي خير وخرج المأذون ووغرطت منال وعائشة  ومريم  واستأذن ياسين  من الجميع ومعرفتش منال تقوله حاجة لان الكلام علي الملأ لشئ مستعجل وده وعل منه والدته جدا لانه احرجها قدام عائشة ومرام
///////////////
في بيت اهل مني
سهام" والدتها " بدموع: مني وحشتتي اوي يا عليا
عليا: حسبي الله  ونعم الوكيل فيه ربنا ينتقم منه
سهام: ربنا علي الظالم  انا نفسي اشوفها عشان اوصيكم علي بعض وملكوش غير بعض يا بنتي
عليا: والنبي  يا  ماما ما تقولي كده ربنا يخليكي لينا  يارب ويبارك لنا فيكي
سهام: ربنا يكفيكوا شر النفوس الوحشة يا بنتي ويستر طريقكم ولا يفضحكم ابدا
عليا سابتها وخرجت تتصل علي مني وكالعادة مردتش وفضلت ترن لغاية ما رد سمير
سمير: خير
عليا: فين اختي
سمير: اختك مش جنبي لما ابقي افضي هخليها تكلمك
عليا بقهر: ماما تعبانة وعاوزة تشوفها
سمير : مليش فيه
عليا : خلي ليك زكري حلوة عند مني عشان لما ربنا ياخدك تفتكرك بحاجة حلوة بدل السواد اللي معيشها فيه ده
سمير : وحياة ماما يا روح ماما انا كنت ناوي اخليها تكلم الحجة النهاردة بس انسي وقفل في وشها
عليا" الله ينتقم منك حسبي الله ونعم الوكيل فيك"
////////////////
سمير: بت نكد الله ينكد عليها 
سعيد ما هو برده بصراحة بقالها كتير مني ما زارتهمش ولا شافتهم
سمير: خايف تبيعني يا سعيد
سعيد: يا ابني بتحبك والله
سمير : ههههههههههه نكتة الموسم
سعيد: ليه انت ناسي اللي انت قولتهولي
سمير : منستش بس ده كلام اندفن وقريت عليه الفاتحة مظنش بعد كل ده تبقي لسه بتحبني
سعيد : الله اعلم
سمير: قفل علي السيرة دي يا سعيد خلينا في شغلنا
سعيد : حاضر بس خليك فاكر لو امها جرالها حاجة ومشافتهاش هتقلب عليك بجد وهتخسرها للابد المرة دي يا سمير
سعيد : خسرتها وخلاص  المهم تقوم بالسلامة وابني اشيله هموت واليوم ده يجي
سعيد : ربنا يوقومها بالف سلامة
سمير : يارب
////////////////////
في الكافيه
ياسين سرحان  في اللي عمله هو عارف انه اللي عمله غلط بس كرامته ناقحة عليه من اسلوبها وطعنتها له
سليم: يعني انت كده لما انت متدايق ليه عملت كده
ياسين: عملت ايه
سليم: يعني مش عارف انت عملت ايه
ياسين: سليم متعصبنيش
سليم: لانك غلط في غلط يا ابني انت فيك عقل ينفع تمشي يوم كتب كتابك حتي متقوليهلهاش مبروك
ياسين: اه عادي
سليم: انت هتشلني يا ابني
ياسين : لا سلامتك  من  الشلل
التليفون بيرن
ياسين: ايوا يا يوسف
يوسف  بعصبية: انت فين
ياسين: برة مع سليم
يوسف: انت هتجنني يا ياسين ايه اللي انت عملته ده انت في وعيك
ياسين: اه في وعيي والله ولو سمحت يا يوسف سيبني دلوقتي
يوسف: امك مقهورة لو شفتها دلوقتي ومش عاوزة تكلمك اصلا
ياسين: انا لما اجي هصالحها
يوسف بسخرية: مظنش هينفع المرادي يا باشا
ياسين: يا سيدي هصالحها انا انت مالك
يوسف : مع السلامة  يا  ياسين  قبل ما تشلني
سليم هز راسه باسف من اسلوبه
//////////////
بعد اسبوع
في بيت عائشة  علي الغداء
عائشة  : يا بنتي حرام عليكي  انا عندي الضغط هتموتيني
مريم : بعيد الشر عنك يا ماما
مرام: هو انا عملت ايه بقي
مريم: انزلي يا بنتي نقي فرشك وفستانك وكل ده هو احنا هنقي كل ده من غيرك ده انتي العروسة
مرام: اه عادي انا معنديش مانع
عائشة: استغفر الله العظيم يارب  ايه يا بنتي البرود اللي انتي فيه ده
مرام: ماما لو سمحتي الحكاية كلها علي بعضها  مش بلعاها  فسبيني اتناسي الموضوع خالص دلوقتي لو سمحتي
عائشة: تتناسي ايه يا بنتي هو  لعب عيال ده جواز ايه اللي اتنساه ده الحقيني يا مريم 
مريم  بتغمز لمرام تسكت: يا ماما تقصد من التوتر يعني مش عاوزة تفكر في الموضوع عاوزة تتلهي بالشغل بس
مرام: اه ده اللي اقصده
////////////////////
عليا بتجرب ترن تاني علي مني
سمير: نعم
عليا: فين اختي حرام عليك انا كل يوم اتصل وماما صحتها في النازل عاوزة تتطمن علي مني
سمير: اوووووف وبعدين معاكي يعني قرفتيني في  عيشتي قلتلك  لما افضي هخليها تكلمك
دخلت عليه مني : دي عليا
سمير بتنهيدة: اه  عليا
مني راحت جري واخدت منه التليفون : عليا
عليا بدموع : انتي فين يا مني ماما تعبانة اوي وعاوزة تشوفك واتصلت بيكي كتير ومبيرضاش يخليني اكلمك
مني بانكسار ونظرة عتاب لسمير: معلش يا حبيبتي هاجيلكم متخافيش النهاردة او بكرة وهجيلكم ان شاء الله
سمير رفع حاجبه من الثقة اللي بتتكلم بيها
عليا بفرحة : صحيح والنبي  يا مني
مني بدموع : اه يا حبيبتي ان شاء الله
عليا : خلاص انا هروح اقول لماما بقي عشان افرحها دي هيجرالها حاجة وتشوفك
مني بدموع : ماشي يا حبيبتي 
عليا : اه صح  البيبي عامل ايه
مني  : ههههههههه لسه فاكر عليكي  تسالي عليه لا  هو زعلان
عليا: لما يجي بالسلامة هصالحه ملكيش دعوة
مني: ماشي هسيبك دلوقتي يا حبيبتي
عليا : ماشي مع السلامة
مني: في رعاية الله يا حبيبتي
سمير بسخرية: ماشاء الله قررتي كده من نفسك انك انتي هتروحي ملكيش راجل  تساليه
مني بانكسار: لو لسه ليا شوية خاطر عندك خليني اروح اشوفها
سمير بتردد : ماشي بكرة المغرب انا هوديكي نص سااعة وهستناكي واجيبك
مني بإبتسامة  وحضنته: شكرا يا سمير شكرا والله ما هنسي  موقفك ده ابدا وخرجت بسرعة
سمير بتنهيدة: شكل عندك حق يا سعيد
/////////////////////
في بيت منال
منال: ايه يا حبيبي مش ناوي تشتري الفرش بقي
ياسين : البركة فيكي يا ست الكل
منال: ازاي يعني يا ابني المفروض تنزل انت وعروستك سوا تشتروا الفرش وكل الحجات دي
ياسين : يا امي انا مش فاضي للكلام ده كله انا ورايا قضية مش سهلة واخدة كل وقتي
منال: يا ابني مستقبلك وحياتك اهم من ستين قضية العمر بيجري والقضايا مش هتخلص يا ابني
ياسين  : معلش يا امي والله دي قضية صعبة مستحيل افرط فيها انزلوا انتو شوفوا اللي انتو عاوزينه
منال: ربنا يهديك يا ابني
ياسين: يلا عن اذنك يا ست الكل انا ماشي
منال: في رعاية  الله  يا  حبيبي
منال بتتصل بعائشة
عائشة: الو ازيك يا منال
منال بكسوف: الحمد لله بخير لسه بكلم ياسين  عشان  ينزل هو ومرام ينقوا الفرش بس قال مشغول شوية الايام دي  فناخد مرام وننزل نختار اللي هي عوزاه
عائشة  بنفس الكسوف : مرام كمان شادين عليهم  في المستشفي اليومين دول مش هتعرف تاخد اجازة خلاص ننزل انا وانتي ومريم ماشي
منال: خلاص علي خيرة الله
///////////////////////////////
في المستشفي
مرام: انا تعبت اوي النهاردة الاطفال بتتعب مع بعض ولا  ايه 
داليا: عشان تغيير الجو يا بنتي
مرام: طيب هطلع بقي البريك خلص
داليا: سلام
مرام: سلام
طلعت لاوضتها
مرام للممرضة: دخليلي اللي عليه الدور
دخلت المرام ودخل مسعد ومراته وابنه
مرام: اهلا وسهلا بيشكي من ايه النونو
مسعد في نفسه" هي والله هي"
خلصت مرام كشف عليه وخرجوا
مسعد لزوجته : روحوا العربية استنوني هجيب الدواء واجي
مراته: اوك
مسعد طلع  تليفونه
مسعد: ايوا يا سعيد باشا
سعيد بزهق: ايوا يا مسعد
مسعد : يا باشا لاقيت البنت  المنقبة اللي كنت عاوز تعرفعا
سعيد فط اتعدل : اخلص  انت فين وشوفتها فين
مسعد: انا ابني كان تعبان وجاي اكشف عليه
سعيد بإستعجال: انا مالي بكل ده انجز
مسعد : يا باشا ما هي الدكتورة
سعيد بابتسامة: دكتورة حلو زوقي حلو طيب عرفت عنها كل حاجة
مسعد : لا يا باشا  كل اللي اعرفه ان اسمها مرام وبس
سعيد بابتسامة: جميل مرام اوي طيب اعرف عنها كل حاجة وبلغني وليك مكافئة حلوة علي الخبر ده
مسعد بفرحة : تحت امر حضرتك يا فندم
بعد نص ساعة
سعيد بفرحة : ها يا مسعد
مسعد بتوتر : يا باشا هي اسمها مرام الشريف ومخطوبة لظابط شرطة اسمه ياسين الشريف ويبقي ابن عمها
سعيد بصدمة شديدة: مخطوبة ولياسين الشريف
مسعد: وفرحهم قرب يا باشا
سعيد قفل السكة في وشه من الصدمة
" يعني ياربي متبقاش غير لده لياسين الشريف بالذات ضربة تقتل ياربي"
////////////////////
مني بتجهز نفسها لزيارة اهلها
ووالدتها حاسة بتعب شديد وبتتحمل عشان خاطر مني
سهام: هي قالت هتيجي امتي يا عليا
عليا وهي منهمكة في لف ورق العنب : قالت بعد المغرب يا ست الكل
سهام : وحشتني اوي يا بنتي مش معشمة اشوفها
عليا : هتشوفيها ان شاء الله يا  ماما متقوليش  كده
سهام: طيب هدخل ارتاح  شوية يا بنتي وابقي صحيني اصلي لما المغرب يادن
عليا : حاضر يا ماما
////////////////
في بيت عائشة
منال: ربنا يفرحنا بيهم  يارب
عائشة: اللهم امين يارب
مريم: احنا كده تقريبا قربنا نخلص كل حاجة باقي بس الفستان واحجز كوافيير واستديوا وواحدة تصور وشوية حجات بسيطة المفارش وشوية هدوم
منال: والله يا بنتي الحجات بيبقي بتهيالك انها بسيطة بس عاوزة وقت كبير
عائشة: اه والله يا بنتي عاوزين نخلص كل ده عشان اسبوع الفرح نبقي فاضيين
مريم : ان شاء الله
مرام نازلة علي السلم ولما سمعت موضوع الحوار عن الفرح اتدايقت ولفت ترجع سمعت كلمة منال
منال: علفكرة يا مريم عاوزين وانتي بتختاري الفستان تنقيه ملموم ومحتشم برده مش عاوزين ناخد راحتنا عشان الموضوع  هيبقي ستات بس عشان ياسين برده ميتدايقش
مريم: اكيد طبعا ان  شاء الله

مرام فارت من كلامهم حتي في لبسي هيتحكم اه وماله طيب اما نشوف ان ما ركبتك عفاريت مبقاش مرام انا هدور علي اللي بينرفزك وهعمله
فوتت ربع ساعة ونزلت لهم
مرام: مساء الخير وبتسلم علي منال
منال : مساء النور يا حبيبتي ازيك
مرام بإبتسامة: الحمد لله يا طنط ازي حضرتك
منال: الحمد لله يا بنتي تمام
مرام  : يارب دايما
منال: تسلمي يا حبيبتي
مرام : تسلمي يا طنط علفكرة يا ماما انا هبقي انزل انا وداليا ونشتري الفستان عاوزة انا انقيه
عائشة  بفرحة: ماشي يا حبيبتي وماله كده احسن عشان تنقي علي زوقك برده
منال: ربنا يسعدك يا بنتي
مريم: واشمعني داليا يعني وانا لا
مرام: كده انتي جبتي كله انا عاوزة اجيب حاجة
مريم بابتسامة: ماشي يا ستي
وكلهم طبعا محزروش مرام علي الفستان لانهم عارفينها خجولة ومستحيل تلبس مكشوف
//////////////////
في بيت سهام
دخلت عليا تصحيها للمغرب قبل ما تيجي مني
عليا : ماما يلا  يا  حبيبتي قومي للصلاة
مردتش سهام
عليا: ماما مني زمانها جاية يلا
مردتش
عليا بخوف : ماما والنبي قومي  وبرده مفيش رد الله يخليكي قومي وحياة مني وحياتي قومي يا ماما
الباب خبط ومني برة وفضلت عليا تصرخ وصوتها وصل لمني ال رنت طلعت سمير يطلع وفضلوا يخبطوا ومبيسمعوش الا صوت عليا
مني : ماما يا سمير والله ماما
سمير كسر الباب وجريت مني علي الاوضة لقيت عليا بتهز في  مامتها وبتصرخ ووقعت مني  من طولها ودخل سمير جري واتصل برجالته
وتم دفن سهام وزادت احقاد عليا ومني علي سمير اللي حرمها تشوف امها قبل ما تموت
//////////////
في بيت منال
منال: ياسين انا كل  يوم  بروح لعائشة  وبنجهز تعبت يا ابني من الروحة والجية والكروت جت روح وديهم لها دلوقتي هي  المفروض مستنياني
ياسين: حاضر يا ست الكل وركب عربيته وحرك لبيت عمه
///////////
في بيت عائشة 
مرام في انتظار داليا يقعدوا سوا شوية فلبست مرام لاجين برمودا من اللون البمبي  وتيشرت واسع وقصير من اللون الرصاصي بكتابات بمبي بكتف واحد والكتف التاني حمالة  وشعرها المموج الاشقر اللي بيغطي ظهرها بالكامل ويتمرد علي وجهها
وجت داليا وطلعوا فوق لاوضة مرام