عشق القاسي
الفصل السادس والعشرون
ياسين اتصل علي سليم وقاله يجيه
ياسين بيكلم سليم : عاوز اجيبه يا سليم ورحمة ابويا ما هسيبه
سليم : طيب اهدي بس شوية اهدي
ياسين: اهدي ايه يا سليم واحد بالعربي كده بيقلي عاوز مراتك وتقولي اهدي جري ايه يا سليم
سليم: يا ابني طول ما انت متعصب كده مش هتلاقي حل لازم تهدي وتركز وخصوصا لما يكلمك
منال: ايه يا ابني مالك في ايه يا سليم
سليم: لا ولا حاجة يا طنط مشكلة في الشغل
منال: شغل يوم صباحيتك يا ابني حرام عليك
ياسين: خلاص يا امي كان حاجة مستعجلة وخلصت
منال: ربنا يصلحلك الحال يا ابني
ياسين بتنهيدة: اللهم امين
////////////////////////////
في فيلا سمير
عليا: طيب اتي عارفة باسوورد الخزنة
مني: اه من اول جوازنا كنت فاكرة اني عارفة عنه كل حاجة وقالي باسوورد الخزن كلها
عليا : خلاص شوفيه وربنا يسترها معانا يارب
مني: هيسترها ان شاء الله
مني: بس ليه مخرجوش لغاية دلوقتي كل يوم بيطلعوا المغرب
عليا : وقت ما يخرجوا بقي ربنا يسهل
مني: يارب
/////////////////////////
في اوضة ياسين ومرام
مرام اضطرت تطلع لما سليم جه فغيرت هدومها ولبست لاجين كحلي وفيست رصاصي طويل وفتحت التلفزيون علي mbc2 لبراد بيت وبتكلم داليا
داليا: ههههههههههههه والله هبلة اول مرة اسمع ان في عروسة تفضل ترغي مع صاحبها تاني يوم جواز
مرام بتضحك: ههههههههههههه نحن نختلف عن الاخرون
داليا: طيب غوري بقي اصل ماما بتنادي
مرام : وهو انا ماسكة فيكي اروح اشوف براد بيت احسن واجمل
علي كلمتها دي دخل ياسين وعفاريت الدنيا بتتنطط في وشه وكلمتها جننته اكتر
مرام: سلام يا داليا
داليا بإستغراب: مع السلامة
ياسين راح وشد فيشة التلفزيون : والله ان شفت افلام اجنبي شغالة هنا لالغيه خالص
مرام بعصبية: يا سلام ليه ان شاء الله قاعدة في معتقل
ياسين: لا يا محترمة مش معتقل بس مش عيب يا متربية تقولي علي راجل جميل وتمدحيه
مرام : يا سلام هو انا كدبت وبعدين كلمة عابرة يعني مقصدش بيها حاجة
ياسين : تقصدي متقصديش مفيش افلام اجنبي تشتغل هنا فهمتي
مرام: والله لو اتكلمت وطلبت باسلوب احسن من كده شوية اوك مش هعترض لكن اسلوبك وحش
ياسين بعصبية : يا ستي انا حر انا حررر انتي مالك
مرام بعصبية: في ايه يا ياسين مالك جاي تقول خناق للبيع
ياسين سابها ودخل الاوضة ورزع الباب وراه
مرام بصراخ: انت قليل زوق علفكرة
ياسين بصوت عالي من جوة: اقصري الشر وبطلي طولة لسان
///////////////
في بيت عائشة
عائشة: البيت فضي اوي بعد مرام
مراد : اه والله يا ماما كانت بتعمل حركة في البيت يلا ربنا يسعدها يارب
عائشة: اللهم امين انت بقي البركة فيك
مراد بإستغراب: البركة فيا ازاي يعني
عائشة: تتجوز يا حبيبي وتملي البيت كده فرحة وعيال وافرح بيك
مراد: ههههههههههههههه ايه يا ست الكل انتي واخدانا بالدور ولا ايه
عائشة: وماله مستكتر عليا الفرح يا واد انت احنا تعبنا كتير
مراد: ربنا يخليكي لينا يا ماما يارب بس اصبري عليا شوية
عائشة: ماشي يا سي مراد نصبر شهر كده وبعد كده تفرج
مراد : ههههههههههه شهر ومالك جاية علي نفسك ليه كده يا ماما
عائشة: اهو ده اللي عندي اخرك معايا شهر
مراد: ربنا يسهل
/////////////////////
في بيت منال
قبل المغرب زهقت مرام من القعدة لوحدها ونزلت تقعد مع منال وياسين لسه في الاوضة مخرجش
مرام: مساء الخير يا طنط
منال: مساء الفل يا حبيبتي امال فين ياسين
مرام: نايم وانا مجانيش نوم قلت اقعد معاكي شوية
منال: يسلملي اللي عنده زوق
مرام: تسلميلي يا طنط
منال: مريم لسه قافلة معايا وكانت عاوزة تكلمك وبتسلم عليكي
مرام : الله يسلمها يارب خلاص بقي زمان ابيه يوسف روح هكلمها بكرة مش مشكلة
منال: براحتك يا حبيبتي هقوم اتوضي واصلي بقي المغرب ادن اطلعي انتي صحي ياسين عشان الصلاة المغرب وقته ضيق
مرام : حاضر عن اذنك
منال: اتفضلي يا حبيبتي
//////////////////////////
مرام طلعت فوق " وده اصحيه ازاي ده لا انا ادخل اجيب الاسدال وهو يصحي من الصوت بقي"
دخلت الليفنج وراحت علي الاوضة وفتحت بالراحة لقيته قاعد في وشها ساند ضهره علي السرير وفارد رجله وبيدخن والريحة كتمتها لان الاوضة مقفولة
مرام : كح كح كح كح حرام عليك ايه ده انت عاوز تموتني
مردش عليا
مرام: لو سمحت بعد اذنك متدخنش هنا بتعب جدا من الريحة
ياسين بيشاور بمعنش اش بصباعه ومتكلمش
مرام: ايه اش دي بتكلم بيبي صغير
ياسين بهدؤ: يا بنت الناس صوتك عالي وراسي مصدعة مش قادر اتخانق
مرام رحمته واتكلمت بهدؤ: انا بس كنت جاية اخد هدومي عشان اصلي واصحيك تصلي زي ما طنط قالتلي
هز راسه بالراحة
خرجت مرام وصلت وفضلت قاعدة
خرج ياسين راح الحمام وصلي
ياسين: لو سمحتي يا مرام اعمليلي قهوة بس متبقاش تقيلة زي الصبح وزودي السكر شوية
مرام بإستغراب من هدؤه: حاضر بس هتنزل ولا اطلعها هنا
ياسين: لا هنزل تحت مقعدتش مع امي النهاردة
مرام : اوك هنزل اعملها علي ما تنزل
ياسين بهدؤ: مراااااام
مرام: نعم
ياسين: انتي هتنزلي كده
مرام : كده ازي
ياسين: بلبسك ده
مرام : ايوا ايه المشكلة مانا قاعدة بيه اهو
ياسين :انتي غاوية تدايقيني طب انا جوزك انما تنزلي بيه كده ازاي يعني
مرام بتوتر من كلمة جوزك: طيب ما انا نزلت كده اصلا وانت نايم وبعدين انا بقعد كده اصلا قدام طنط
ياسين: يا بنت الناس بالراحة كده هو مش ممكن يوسف يجي
مرام: بس ابيه يوسف عمره ما هيفتح ويدخل زي الاول وانت عارف كده وانا بصراحة مبعرفش اقعد غير كده ومبرتحش غير كده والله بليز متقفلهاش اوي عشان انا متعودتش علي كده
ياسين بابتسامة : روحي يا مرام اعملي قهوة دلوقتي ونتناقش بعدين انتي شكلك مخك صعيدي
مرام بخفقان من ابتسامته الخالية من السخرية ومقدرتش غير انها ترد الابتسامة وبلهجة فخر: يمكن صعيدية
ياسين بضحكة شديدة: هههههههههههههههههههههه ماشي يا صعيدي روحي اعمليلي قهوة بقي
مرام : اوك ونزلت جري
ياسين بابتسامة" وبعدين بقي معاكي يا بت انتي " وبتنهيدة: اما نشوف اخرتها ايه معاكي يا دكتورة
///////////////////////
في فيلا سمير
مني وعليا في الجنينة
عليا : اهم خارجين اهم يا مني
مني: اهدي اهدي
سمير جاي عليهم: مني ان احتجتي اي حاجة كلمي اي حد من الرجالة هنا وهو يجبلك اللي انتي عوزاه
مني بإبتسامة مخنوقة: حاضر
سمير : يلا سلام
مني : مع السلامة
عليا : اموت واعرف ليه بتعامليه بحنيه كده
مني : عشان يتطمنلي
عليا : اتغيرتي اوي يا مني مكنتيش كده
مني بسخرية: من عاشر القوم اهم مشيوا يلا بينا
طلعوا مني وعليا جري علي اوضة مني
مني راحت للخزنة وفتحت معاها : هههههه لسه واثق فيا
عليا : متتكلميش كده بتخوفيني
مني: خدي الورق ده وتخبيه في عينك وبكرة الصبح تنزلي واحنا بنفطر وتخرجي وهو قاعد يا عليا عشان ميشكش فيكي ولو عرف باي طريقة بعدين قبل ما توصلي القسم لو حط السكين علي رقبتي اوعي ترجعي انتي فاهمة بلغي واطلبي الحماية من ياسين الشريف نفسه انتي فاهمة
عليا: ماشي ان شاء الله طيب وانتي
مني : كلكيش دعوة بيا مستحيل هيأذيني المهم تخرجي بكرة وتقولي انك رايحة البيت تجيبي السي في بتاعك عشان تقدمي علي شغل فاهمة
عليا : حاضر
///////////////////////////////
في بيت منال
مرام عملت القهوة وخرجت لقيته قاعد مع منال
مرام: اتفضل
ياسين بابتسامة: شكرا بس يارب تبقي مظبوطة
مرام : الله مش بعرف اعمل قهوة لو قولتلي كابتشينوا كنت عرفت اظبطه
ياسين بضحكة:ههههههههه كابتشينوا لا شكرا انا مليش غير في القهوة
مرام : علي راحتك تشربي معايا يا طنط
منال بإبتسامة: لا يا حبيبتي تسلمي
مرام : خلاص مش مهم بقي انا كمان مش عاوزة
رن تليفون مرام
مرام: الو خير يا نجلاء
نجلاء ممرضة : اسفة جدا يا دكتورة بس الطفل اللي كان عنده التهاب جاله نزيف ودكتور معتز محتاج تحاليله حالا
مرام : يا ستار يارب طيب التحاليل بتاعته انا حطيتها في الفايل عند دكتور محمد وسلمته كل الحالات قبل ما ابدا الاجازة
نجلاء: شكرا يا دكتورة واسفة جدا علي الازعاج بس من لخبطي مفكرتش اسال دكتور محمد
مرام: عادي ولا يهمك مع السلامة
نجلاء: مع السلامة
منال : خير يا بنتي
مرام: طفل جاله نزيف وكان عامل تحاليل واشعة والفايل بتاعه كان تبعي واديته لرئيس القسم بس الممرضة من اللخبطة نسيت تساله فمتصله مفكره الملف في اوضتي
منال: ربنا يشفيه
مرام: اللهم امين
ياسين مستمع بهدؤ
منال: عن اذنكم يا ولاد هقوم اريح شوية اصلي صاحية من بدري
ياسين: اتفضلي يا ست الكل
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
