عشق القاسي
الفصل الرابع والعشرون
بعد اسبوع وياسين علطول مشغول في قضية سمير بركات وفرحه بكرة ولكن المكالمات اللي بتجيه مخلياه قلقان جدا ومش عارف يجهز نفسه ابدا
///////////////////////
داليا : يا بنتي انتي هتهبليني والله مامتك هتطين عيشتك لو شافت الفستان ده ولا طريقة المكياج اللي عاوزة تحطيها
مرام بتوتر : ابعدي عني خالص دلوقتي يا داليا انا مش ناقصة
داليا: احسن عشان تبقي تسمعي الكلام بعد كده انتي جبانة اصلا وخجولة ومستحيل هتعرفي تخرجي كده
//////////////////////////
في قاعتين فوق بعض قاعة للرجال واخري للنساء
العريس يطل ببدلة كلاسيكية بجاكت من اللون الابيض وبنطلون من اللون الاسود يظهر كالامير بهيبته الكبيرة
وعروس تطل بتسرحة شعر مرفوع وبفستان ناصع البياض فخم جدا مقفول علي الرقبة ونصف الظهر مكشوف وصك حتي الركب ومنفوش من تحت بديل بسيط وطرحة طويلة تصل للارض
عائشة بصدمة : يا نهار مش فايت ايه اللي هي لبساه ده
منال بضيق : الله يسامحك يا مرام ده فستان يا بنتي
مريم : شفتي اللي عملتيه الليه يسامحك يا مرام شفتي عملتي ايه
مرام: عاجبني يا مريم الله هو مش من حقي اختار اللي انا عوزاه وفي نفسها" ياربي علي الاحراج يا ريتني ما لبسته ولا فكرت اغيظك واضايقك يا اخي"
مرام حازت علي اعجاب الجميع بطلتها
بعد ساعة من دخولها اعلنوا دخول العريس ومراد
قابلتهم منال وعائشة علي الباب ودخلوا معاهم ودخل بفرحة حقيقية من قلبه ولكنه مازال مجروح في رجولته من طريقتها معاه
مرام قلبها اصبح طبووول من كثرة التوتر ومعرفتش كبر المصيبة اللي هي عملتها غير دلوقتي
دخل مراد الاول وسلم علي مرام
مراد : زي القمر يا حبيبتي الف الف مبروك
مرام: الله يبارك فيكي عقبالك
مراد: تسلمي يا حبيبتي يلا هخرج انا عشان مسيبش الشباب لوحدهم
مرام : ماشي
مراد راح وسلم علي مامته ومريم ومنال وياسن وخرج
ياسين قرب ورفع راسه والصدمة وقفته من شكلها ليس اعجاب بها وانما صدمة من جرئتها لخروجها بالمنظر ده قدام الناس
قرب ياسين وبصلها بصة حرقتها وقال لوالدته
ياسين: انتي جايباني ليه يا امي
منال: عشان تقعد مع عروستك شوية وتتصوروا وترقصوا يا ابني
ياسين: هو انا عيل يا امي اقعد في كوشة قدام الحريم دي كلها لا وارقص كمان لا احنا نروح البيت ونتصور هناك انتو مش اتفقتوا مع واحدة علي كده هتصورنا وهتسيب الفيلم واحنا نحمضه خلاص ملوش لازمة ده كله
منال: يا ابني اقعد شوية بلاش فضايح
ياسين: حاضر يا امي
منال مشيت
ياسين حط رجل علي رجل وبهدؤ قرب منها : ملقتيش بدلة رقص محتشمة عن دي شوية
مرام بصدمة: نعم بدلة رقص انت واعي للي قلته
ياسين: لا مجنون مش واعي بالله عليكي انتي عاجبك ظهورك بالمنظر ده قدام الناس ينفع اصلا طيب افرضي حد صورك يا انسانة يا محترمة
مرام: الموبيلات في الامانات
ياسين بسخرية: هههههه لا يا شيخة بس العيب مش عليكي عليا انا اللي منزلتش معاكي بس بصراحة مكنتش متوقع انك تبقي جريئة كده قصدي وقحة كده
مرام: مش ملاحظ انك بتقل ادبك
ياسين: اكتمي عشان مش طايقك دلوقتي بس لينا بيت نتكلم فيه ان شاء الله
مرام سكتت بخوف
جت والدته وقالت يا ابني مش هترقصوا سلو
ياسين : لا معلش مبرقصش انا
مرام في سرها" الحمد لله يا ماما انا ارقص مع ده ليه هبلة"
ربع ساعة وقام ياسين وطول الربع ساعة مكلموش بعض
راح لمامته : انا هنزل تحت اجهز العربية واقول للشباب اننا خارجين
منال: لسه بدري يا ابني
ياسين : معلش يا امي صدعت ومليش في الجو ده انتي عارفة
منال: خلاص يا حبيبي حاضر هروح اقول لمريم تجيب الكاب لمرام
ياسين نزل وقال لصحابه ومراد انهم خلاص هيطلعوا
طلعت مريم لمرام
مريم: يلا بقي يا حبيبتي الكاب اهو عشان ياسين قال هتمشوا
مرام بخوف: ليه لسه بدري
مريم: يا حبيبتي الساعة 11 ونص بدري ايه
مرام : اوك
مريم لبستها الكاب وطرحة تقيلة عشان تنزلها علي وشها اول ما تخرج
اتصلت منال علي مراد وياسين ويوسف طلعوا
ونزلت مريم الطرحة علي وش مرام وفتحوا الباب وخرجوا وكان في الانتظار ياسين
مريم: امسك ايدها يا ياسين بس عشان الطرحة تقيلة مش هتشوف الطريق
ياسين : حاضر وتقدم واخد مكان مريم بجوار مرام ومسك ايدها ولقيها زي قطعة التلج
نزلوا وطلعوا علي البيت بزفة اسطورية وليه لا علي رأي صحابه ده فرح ياسين الشريف اشهر ظابط عازب في المديرية
وصلوا البيت ووصلت معاهم المصورة وظبطت المكان والخلفية وطلبت منهم كام حركة بسيطة عملوها
وطلبت منهم حركات جريئة رفضوا يعملوها
ياسين بزهق: احنا كده اتصورنا كام صورة
المصورة: 13 بس يا فندم
ياسين بصدمة 13وبس لا كفاية كده
المصورة: اوك زي ما حضرتك تحب
خرجوا بره في الليفنج ولقيوا الاسرتين ولمت المصورة حاجتها وخرجت بعد ما سلمت مريم الفيلم
عائشة : الف مبروك يا حبيبتي وحضنتها
مرام بدموع وبتضغط علي مامتها: الله يبارك فيكي يا ماما
مريم اخدتها: مبروك يا حبيبتي الف مبروك
مرام بضعف: الله يبارك فيكي يا مريم
عائشة : خد بالك منها يا ياسين دي حتة من قلبي
ياسين وبيسلم ويبوس راسها: في عنيا يا ست الكل
منال : الف مبروك يا حبيبتي الف مبروك والله البيت هتدب فيه الحياه يا مرام
مرام: الله يبارك فيكي يا طنط
يوسف : ايه يا جماعة هفضل برة كتير انا والغلبان ده
عائشة: ههههههههههههه ثواني يا حبيبي
مرام لبست الكاب تاني
ياسين: تعالي يا خويا انت وهو
دخلوا يوسف ومراد
مراد : طيب انا ذنبي ايه تخليني معاك برة يا عم انت
يوسف : امال هقف لوحدي
مراد بيحضن مرام : الف مبروك يا حبيبتي
مرام بدموع: الله يبارك فيك يارب
عائشة بدموع: طيب يلا بقي عشان كده طولنا اوي
مراد بيسلم علي ياسين: الف مبروك خلي بالك منها يا ياسين
ياسين وبيرتب علي كتفه : في عنيا متقلقش
يوسف: الف مبروك يا مرام
مرام: الله يبارك فيك يا ابيه
ياسين ابتسم ومردش
يوسف: ههههههههههههههه يعني هتفضلي تقوليلي يا ابيه برده ده جوزك اكبر مني يا بنتي
ياسين بضحكة: هههههههههههه بس شباب اكتر منك يا ابو كرش
يوسف بصدمة: حرام عليك فين الكرش ده
مريم: خلاص يا مرام حاولي تشيلي ابيه دي احسن اخنقك
مرم بإحراج : اعمل ايه ما انا بتلخبط واتعودت علي كده
يوسف: ولا يهمك يا ستي مقبولة والله
عائشة: مش يلا بينا احنا بقي
سلموا عليها وخرجوا كلهم
منال : يلا يا حبايبي اطلعوا بقي انا كمان هروح انام تصبحوا علي خير
ياسين: وانتي من اهله يا ست الكل
مرام بتوتر: وحضرتك من اهله يا طنط
طلعت منال
ياسين بهدؤ وبيشاور بايده: اتفضلي
مرام طلعت قدامه سلم الدور التاني بهدؤ وتوتر وهو في نفسه" انا كده مش هخلص "
ياسين عدي من جنبها بسرعة برشاقة وتعداها
دخل وفتح الباب
ياسين : اتفضلي
مرام دخلت علي معيشة صغيرة باللون الموف والرصاصي الهادي دخلت وقعدت علي اول كرسي قابلها
وياسين قعد قصادها : مبروك
مرام ساكتة مردتش
ياسين طنش وقام : طيب هدخل اغير لاني اتخنقت من البدلة دي خدي راحتك
مرام هزت راسها باوك
ياسين دخل " ماشي في الاوضة رايح جاي استغفر الله العظيم يارب التوتر ده كله من مرام العيلة امال هي عاملة ايه دلوقتي " اوووووف يارب غير هدومه ولبس ترنج من اللون الرصاصي
مرام قاعدة في مكانها لسه وبتهز في رجلها
طلع ياسين برة
ياسين بهدؤ : انا بس عاوز اسالك سؤال انتي مخك كان فين وانتي بتجيبي الفستان ده
مرام رجعت لها روح الصراع تاني: كان موجود الفستان عجبني وجبته وزي ما حضرتك شفت كده القاعة كانت ستات مفيهاش رجالة
ياسين بغيظ بيحاول يكتمه: انتي مستفزة كده علطول
مرام وبتحط عينها في عينه : اه حظك بقي
ياسين برفعة حاجب : لا يا شيخة
مرام : عن اذنك وقامت دخلت الاوضة
ياسين سابها من باب الزوق
مرام دخلت قعدت ساعة تفك التسريحة والفستان ومسحت المكياج ولبست بيجامة ساتان اسود وطفت النور وعملت نفسها نايمة هروب من ياسين
عدت ساعة ونص ومخرجتش مرام فخبط علي الباب مردتش خبط تاني مردتش
ياسين فتح ودخل لقي النور مطفي : مرام
ياسين بصلها بصدمة وخرج تاني
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
