عشق القاسي
الفصل الخامس والعشرون
خرج ياسين قعد علي التلفزيون ومستغرب من موقف مرام " البت دي طبيعية لا مستحيل "فضل يتفرج علي التلفزيون لما زهق دخل ينام فتح الباب فنور الليفنج دخل الاوضة ووقف يشوفها ووشها ظاهر له
ياسين" سبحان اللي خلقك يا بنت عمي علي جمالك ده"
قفل الباب ودخل ينام جنبها ونام علطول من التعب
/////////////////////
تاني يوم
في فيلا سمير
عليا: انا عاوزة اعرف بقالنا اسبوعين هنا ومفيش اي جديد ولا قولتيلي ناوية علي ايه
مني بحقد : ناوية اوديه في ستين داهية واخسره كل حاجة زي ما خسرني اغلي حاجة عندي
عليا بهدؤ: طيب فهميني ناوية علي ايه
مني: هبلغ عنه بالورق اللي يوديه في داهيه
عليا بصدمة: يا نهار اسود معاكي ورق يوديه السجن
مني: لا بس هعرف اجيبه ازاي وعشان كده انا محتجاكي سمير مبيخلنيش اخرج نهائي لوحدي وعلطول بيراقبني
عليا: قصدك انا اللي ابلغ
مني : بالظبط
عليا بتوتر: ماشي
مني : تمام انا النهاردة بالليل هحاول اطلع الورق ده
////////////////////////
في بيت منال
في اوضة ياسين ومرام وضوء من برة منور الاوضة كلها
بتفتح عينها وحسيت ايدها علي حاجة ناشفة بتفتح عيونها غير مدركة للوضع لغاية دلوقتي لقيت ايدها علي صدر ياسين
مرام فطت وبصراخ: اااه يا ماماااا
ياسين انتفض برعب : ايه في ايه
مرام بتوتر بعد قومة ياسين وبعد ادراكها للوضع: انا اسفة بس صحيت مش مركزة وشفتك في وشي اتخضيت
ياسين بعصبية: انتي غبية ايه شفتك اتخضيت دي ايه شفتي عفريت قدامك
مرام بخوف وبترجع شعرها ورا ودانها وتعض شفايفها من التوتر : والله اسفة مش قصدي كده
ياسين بإنبهار داخلي منها ومن حركاتها وحتي توترها وخجلها كل ده بعث في قلبه الهدؤ ورجع الخفقان لصدره بشده فرجع نام مكانه وحط ايده علي عيونه واتنهد: حصل خير
مرام ما صدقت سمعت كلامه ده ونام قامت بسرعة ودخلت الحمام واتوضت واضطرت تدخل عنده تاني عشان تجيب اسدال الصلاه دخلت لقيته فتح الشباك والستاير وقاعد بيشرب سيجارة
مرام " استغفر الله العظيم يارب اصبحنا واصبح الملك لله سجاير على الصبح كده ": لو سمحت ممكن متدخنش هنا لان الريحة بتتعبني ومبحبهاش
ياسين ركز معاها شوية وبعدين قام وبان طوله قدامها وعدي من جنبها وبسخرية : موعدكيش بصراحة
مرام" اموت واعرف شايف نفسك علي ايه بصراحة" اخدت الاسدال وبدات تصلي
ياسين في الحمام وبيبص في المراية: ايه مالك اعقل كده واتقل شكل طريقكم طويل لسه وهي خير شر مبتقبلكش
هو انا يعني اللي بقبلها
هههههههه بضحك علي نفسي ولا ايه لا عدم القبول خف بس برده هي عجباني عشان انثي واول مرة اشوف واحدة كده وابقي في الموقف ده
ايوا طبعا هو كده
صحيح مسير الصغير يكبر مين يصدق اني هتجوز اللي كنت بشيلها واروح اشتريلها
نرجع لمرام صلت ولبست فستان جل ارضيته سكري بوردة حمراء طويل وفوقه بوليرو صغير بكم من الدانتيل الشفاف وصندل ابيض عالي وفردت شعرها وخرجت عشان تهرب من وجودها معاه في مكان واحد
خرجت الصالة وياسين خارج من الحمام
ياسين" وبعدين بقي " : رايحة فين
مرام بتوتر: هنزل اقعد مع طنط هي بتصحي بدري
ياسين وهو داخل الاوضة: استني هننزل سوا
مرام : انا هسبقك سلام
ياسين بعصبية: مرااااااااام
مرام بخوف: ايوا
ياسين: انتي بتعصبيني ليه يا بنت الناس ما تسمعي الكلام من غير عناد
مرام: انا بس قلت انت هتتاخر فانزل انا
ياسين: لا مش هتاخر استني
مرام بهدؤ: اوك
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
