عشق القاسي
الفصل الثالث والعشرون
مرام: ايوا يا مريومة
ياسين بهدؤ تحته عصبية مفرطة: سبحان الله يعني تليفونك معاكي متسرقش وانتي زي القردة ومش جرالك حاجة امال مبتتهببيش تردي عليا ليه
مرام بسخرية: يمكن عشان مش عاوزة ارد عليك واسمع صوتك
ياسين بقهر: والله شعور متبادل
مرام بخبث : اها بامارة ما رنيت 200 مرة
ياسين بيحاول يمسك اعصابه : لفي وارجعي البيت
مرام : نعم مسمعتش
ياسين : لا سمعتي لفي وارجعي حالا
مرام : وان مرجعتش
ياسين بهدوء: هاجي اخدك اروحك غصب عنك ومفيش فساتين وفرحنا بكرة ولا معازيم بقي ولا قاعة وابقي وريني ساعتها هتكسري كلامي ازاي
ولما اتصل ردي احسنلك انتي فاهمة ده بس بنبهك وقد اعذر من انزر" وفي نفسه بيدعي انها تصدقه لانه مستحيل يعمل حاجة زي دي"
مرام بالفعل صدقته لانه له سوابق معاها ودايما بينفذ كلامه وتهديده ؛: انا بكرهك مش بطيقك يا بااارد
ياسين بوجع : شعور متبادل
مرام قفلت السكة في وشه
مرام : ااااااه هطق هموت يا داليا همووووت
داليا : معلش عديها على خير يا مرام باين عليه مش سهل
مرام بدموع لفت ورجعت تاني
وهو مش عارف اذا روحت فعلا ولا لا وان اتصل هترد ولا لا
بعد ساعة اتصل ياسين علي مراد
ياسين: الو
مراد: ايوا يا بوس
ياسين : فينك يا ابني مشفتكش خالص النهاردة
مراد : كان عندي شغل برة ولسه داخل البيت
ياسين: اها لسه راجع متعرفش مرام رجعت من برة ولا لا اصلي بكلمها تليفونها مقفول
مراد : لا هنا لسه مجهزالي العشاء دلوقتي
ياسين : ماشي تسلم يا باشا
مراد: العفو
تنهد ياسين بإرتياح
/////////////////
في الليل انفزعت عليا من صوت مني
عليا : مالك يا حبيبتي
مني: هموت بطني بتتقطع
عليا : طيب اعمل ايه ياربي اعمل ايه
مني : الحقيني يا عليا همووت
عليا : حاضر حاضر وجريت لبست العباية ولبستها ونزلت تجري في الشارع تدور علي تاكسي
وقفت تاكسي وطلعت جري تنزل مني وراحوا علي المستشفي
والشخص اللي مكلفه سمير بمراقبتهم اتصل بسمير
سمير: ايوا
الشخص : يا باشا الجماعة لسه راكبين تاكسي وماشيين والست مني باين عليها تعبانة
سمير: ومرحتش وراهم ليه يا بجم
الشخص: ما انا وراهم يا باشا
سمير: خليك وراهم وعرفني هيروحوا فين وانا نازل وهحصلك في الطريق
الشخص: حاضر يا باشا
////////////
في المستشفي
مني دخلت العمليات وقالوا لعليا انه اجهاض
دخل سمير بسرعة
سمير بخوف : في ايه
عليا : حسبي الله ونعم الوكيل فيك ربنا ينتقم منك
سمير : حصل ايه انطقي
عليا بدموع : البيبي هينزل من ضربك حسبي الله ونعم الوكيل فيك موت الحاجة الحلوة اللي في حياتها ربنا ينتقم منك
سمير قعد من الصدمة
///////////////////
سعيد في دنيا تانية والنار بتاكله لان ايده متربطة ومش هيقدر يخلي مرام من نصيبه
سعيد بخبث" بس مفيش مانع اقلق الباشا شوية "
اتصل علي ياسين
ياسين بنوم: الو
سعيد بخبث: باشا ازيك
ياسين صحصح لما سمع رنة الخبث اللي في صوته: مين معايا
سعيد : حبيبك
ياسين : ما تخلص ياد انت مين ولا اقفل
سعيد : قلت حبيبك يا ياسين باشا الا قولي اخبار الدكتورة ايه ربنا يتمملكم علي خير
ياسين بعصبية : ورحمة ابويا ما هسيبك يا كلب وان كنت راجل قولي انت مين
سعيد بضحكة مستفزة: هههههههههههه هو انت بتحب حد غيري وقفل السكة في وش ياسين
ياسين طار النوم من عينه : اه يا كلب هعرفك ورحمة ابويا لاجيبك
///////////////////////
فاقت مني ومبتتكلمش بس دموعها اللي بتنزل
سمير: هتروحي معايا يا مني
مني بصتله بحقد ومردتش عليه
عليا: تروح معاك ازاي يعني انت مش شايف حالتها
سمير: لو ليا بس شوية خاطر يا مني
مني هزت راسها بهدؤ: سيبني مع عليا شوية
عليا بسخرية : انا مستغربة انتي لسه بتحبيه بعد كل ده
مني : اسمعي الكلام ونفذيه
عليا: في ايه
مني : انا هروح معاه وانتي هتيجي معايا عشان محتجاكي ومش عاوزة نقاش ماشي
عليا : طيب فهميني في ايه
مني : بكرة تعرفي بس عشان خاطري اسمعي الكلام ومتسبنيش لوحدي
عليا بإستسلام: حاضر
/////////////////////
تاني يوم في قسم الشرطة
ياسين وصل بدري
ياسين: كريم وسليم جم
العسكري: لا يا باشا لسه
ياسين: اول ما يوصلوا ابعتهملي علطول
العسكري: حاضر يا باشا
دخل واتصل بعادل صاحبه
عادل: اهلا يا ياسين ازيك
ياسين: الحمد لله بخير ازيك يا عادل
عادل: تمام الحمد لله
ياسين : معلش يا عادل انا بتقل عليك بس في رقم عاوز اعرف مسألة حياه او موت
عادل: اكيد يا باشا انت تامر
ياسين : تسلم يا عادل اتفضل 01.........
عادل : حاضر ساعة بالكتير وارد عليك
ياسين: تسلم يا عادل
دخلوا كريم وسليم : خير يا ابني قال سايبلنا خبر
ياسين : اه في حاجة حصلت كده وعاوز اقولكم عليها
سليم : خير
ياسين حكالهم اللي حصل
كريم: الحيوان
سليم بهدؤ: وانت صوته مش عارفه
ياسين: لا
كريم : خلاص خلينا نشوف الرقم مسجل باسم مين وتبعت حد من بعيد لبعيد يراقب مرام وياخد باله منها
ياسين : ده اللي انا هعمله والرقم كلمت عادل يشوفه وشوية وهيكلمني
سليم : ربنا ييسر
//////////////////
في المول
داليا: انتي هتستهبلي يا مرام هتلبسيه ازاي ده
مرام بخجل لكن تغلبت عليه : عادي ما كله ستات
داليا: لا يا شيخة
مرام : بقلك ايه يا داليا مش تبصيلي كده
داليا : والله عندك حتة لسعت يا صاحبتي
مرام : معلش خليها عليكي
////////////////
في القسم
التليفون بيرن
ياسين بلهفة: ايوا يا عادل
عادل: ايوا يا ياسين الرقم مش مسجل
ياسين بإحباط : لا والله
عادل : اه والله
ياسين : ماشي تسلم يا عادل
عادل: العفو
ياسين: اووووووف مش مسجل
سليم : هيبان هيبان يا ياسين
كريم: طيب خليت حد يرقب مراتك
ياسين اه في حد وراها من ساعة ما خرجت من البيت
سليم: خلاص اطمن متقلقش
أنت تقرأ
عشق القاسي بقلم Fatma Ahmed "قطرة حياه"
Romansaنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
