عشق القاسي
الفصل الرابع
مرام بدموع: ابيه ياسين
صاحب العربية : لو سمحت يا باشا البت دي خبطت العربية بتاعتي
ياسين بعصبية: ما تكلم باحترام ياد انت ايه بت دي
مرام اول ما شافته حست بالامان زي ما يكون مراد معاها ونسيت القوة والشجاعة ال اتسلحت بيها وابتدت تعيط وتلفت نظر الكل
ياسين بنرفزة : كل واحد يروح علي شغله
كريم بيهمس لياسين : انت تعرفها
ياسين بهمس حازم لكريم: دي اخت مراد وبنت عمي يا باشا
كريم : اووووبس اسسسسسف جدا
ياسين بصله ومردش
سليم بيناول مرام كوباية ماية: اتفضلي وبطلي عياط
مرام مدت ايدها تاخد الكوباية ونسيت انها قلعت الجوانتي وهي بتسوق فانكسفت تسحب ايدها تاني فاخدتها منه ولفت تشرب وهو منزلش عينه من عليها
ياسين مبقاش قادر يمسك اعصابه لما شاف نظرات سليم لمرام وخاصة لما لقاها من غير جوانتي مش غيرة حب انما غيرة راجل صعيدي علي اخته كانت او بنت عمه سواء
خلصت مرام ومدت ايدها تدي سليم الكوباية قرب ياسين واخدها منها بعصبيه واداها للعسكري
ياسين: اتفضلوا قدامي وبص لسليم بنرفزة لما لقيه لسه مركز مع مرام
سليم لكريم: هو ياسين ماله متعصب اوي كده ليه هو يعرفها
كريم : اه وانا بهدلت الدنيا وعكيت الدنيا قدامه ومش عارف هيسامحني ازاي
سليم: ليه يعني
كريم: يا ابني دي تبقي بنت عمه اخت مراد
سليم بصدمة شديدة : اخت مراد
كريم باستغراب: ايوا يا ابني ايه مالك
سليم سابه ومشي
سليم دخل مكتبه ومصدوم جدا" بنت عمه هي دي اللي مفروض يتجوزها ومش راضي ده مخه فين ده كفاية صوتها وعنيها ااااااه يا قلبي "
///////////////////
ياسين وهو بيقعد علي المكتب وبيشاور لداليا ومرام يقعدوا وصاحب العربية فضل واقف ومتغاظ
ياسين: ايه بقي اللي حصل
مرام وهي بترجف: والله خبطته غصب عني واعتذرتله وقلتله هصلحهالك مرضيش وفضل يزعق ويطول لسانه عليا
صاحب العربية بنرفز: انتي بتستهبلي تخبطيلي عربية جديده وتقوليلي اسفة اصرفها فين بقي انا ان شاء الله
ياسين بيخبط علي المكتب بعصبية خلت داليا ومرام يتنفضوا: ما قلتلك تحترم نفسك وتتكلم بادب بدل ما ابيتك هنا النهاردة
العسكري بيخبط: ياباشا في واحد برة بيسال علي واحدة فيهم اسمها داليا
داليا : اه انا ده اخويا نقدر نمشي حضرتك
ياسين: انتي اتفضل امشي مفيش مشكله ومتخليش حد يسوق عربيتك تاني خاصة انسة مرام
داليا بصدمة: ان شاء الله يا فندم بس اقدر اخد مرام معايا
ياسين: لا اتفضلي انتي لسه عاوز مرام شوية وعامة مراد في الطريق جاي وهو هيوصلها
مرام : خلاص يا داليا انتي روحي متقلقيش
داليا : اوك مع السلامة
مرام : مع السلامة
ياسين بيشاور لصاحب العربية يقعد
صاحب العربية: وانا حضرتك عربيتي
ياسين : حضرتك هتسيبلنا العربية هنا واحنا هنصلحها ونرجعهالك عن البيت وسيب عنوانك برة
صاحب العربية: بس يا فندم
ياسين بنرفزة : انت بتقاوح ليه اكيد يعني مش هتتسرق في القسم
صاحب العربية : اوك عن اذنك
ياسين: اتفضل
ونتي بقي يا استاذة مرام مش عربيتك بتسوقيها ليه ها وبعدين اتعودي في موقف كده متجادليش مع اي شخص خاصة لو انتي لوحدك
مرام: لا والله ازاي يعني يغلط فيا واسكتله
ياسين ببرود ينرفز : اه سيادتك تسكتي لان انتي بنت مش راجل عشان تتخانقي
مرام بعناد: لا معلش بقي دي ملهاش علاقة بنت او ولد ده شئ بيمس كرامتي
ياسين بعصبية وصوت عالي خلاها تتنفض وترجع تخاف تاني : مرااااام وبعدين يعني انتي لسه بتقاوحي وتعاندي كمان وانتي .
مرام سكتت وبدت تعيط بهدوء
ياسين بينادي علي العسكري : يا عسكري
العسكري : تمام يا فندم
ياسين: هات كوباية ليمون ساقعة وقهوة مظبوط وابعتلي ماية دلوقتي
العسكري: حاضر يا باشا
مرام بشهاق بسيط : مش عاوزة حاجة
ياسين : انا عاوز افهم انتي بتعيطي ليه دلوقتي
مرام ساكته مردتش عليه
ياسين: اووف استغفر الله العظيم يا مرام انتي مش صغيرة ومتعانديش في الغلط ده راجل وشكله قليل الادب مينفعش تقفي في الشارع تتخانقي معاه
مرام رفعت عيونها لاول مرة من ساعة ما قعدت معاه وبصتله وبدموع : بس والله يا ابيه هو اللي غلط فيا وقل ادبه عليا وانا في الاول اعتزرتله وقلتله هصلحهالك هو مرضيش وفضل يغلط
ياسين ارتبك لما بصتله وعنيها بتلمع بدموع من ساعة ما اتنقبت مكلمتوش ولا قعدت معاه كتير زي النهاردة بقالهم اكتر من 7 سنين .
العسكري بيخبط
ياسين: اتفضل. يلا اشربي الليمون
مرام : لا شكرا مش عاوزة
ياسين: يا بنتي بطلي مقاوحة اشربي بقي
مرام بتردد: طيب هو نضيف مضمون يعني
ياسين بضحكة شديدة: ههههههههههههههههههههههههههه بصراحة لا
مرام : يا ماماااا خلاص مش شاربة والله مش عاوزة
ياسين بابتسامة: براحتك يا ستي طيب قومي اوصلك
مرام : توصلني ازاي يعني طبعا مينفعش هستني مراد
ياسين : قومي يا مرام يبطلي شغل عيال
قبل مرام ما ترد دخل مراد ولونه مخطوف
مراد: مرام في ايه ايه اللي حصل
مرام بتجري وبتحضنه : مفيش حاجة يا حبيبي متقلقش تعال بس وصلني وهحكيلك في الطريق
مراد: طيب سلام يا ياسين
ياسين: سلام
ياسين بعد ما خرجوا وهو بيبتسم والله عيلة ما تنفعني يا امي ده انا عليت صوتي شوية عيطت وقال ايه الليمون نضيف هههههههههههههه مشافتش عسكري محمود اللي بيعمله احتمال كان اغمي عليها من الخضة ههههههههه لا ولسه بتقولي ابيه اتجوزها ازاي دي انا معرفش استغفر الله العظيم يارب.
/////////////////////////////////////////
في عربية مراد
مرام : وبس ده اللي حصل
مراد: بس يا حبيبتي انتي غلطانة تاني مرة متجادليش مع حد في الشارع وانتي عارفة انك غلطانة
مرام : ان شاء الله
مراد: وبلاش تجيبي سيرة لماما عشان منقلقهاش
مرام: حاضر
////////////////
في بيت عائشة علي الغداء
مراد : صحيح يا مرام تعرفي حد عندك اسمه د.محمد متولي
مرام: اه رئيس القسم
مراد: ام هو برده قالي كده جه خطبك النهارده مني
مرام: نعم طبعا لا مش موافقة
عائشة : في حد بيخطب حد في القسم ده ايه الهبل ده
مراد : يا امي ده مجرد كلام مبدأي بياخد الري بس
عائشة : ولو يا ابني الاصول اصول
مراد: يمكن اتحرج يطلبه من مرام
مرام: علي العموم في القسم في البيت مش فارقة انا مش موافقة
مراد: ليه
عائشة : ما تسيبها براحتها يا ابني
مراد : انا نفسي اعرف انتي ليه علطول موافقاها في حكاية الرفض دي الا ما يوم سالتيها ليه ولا فكري تاني
مرام : يا حبيبي مش هتفرق محمد ده اخلاقه مش كويسة ومعروف اوي عندنا بس هو مفكر ان مفيش حد عارف عنه حاجة
مراد: خلاص انتي حرة زي ما تحبي
عائشة بابتسامة : وطنط سامية مامة خالد كانت هنا النهارده وطلبتك لخالد برده
مرام: ههههههههههههههههه هو ده يوم الخطوبة العالمي ولا ايه
مراد: اهو ده بقي ملكيش حجة من الاخر مز
مرام : ايه الالفاظ دي اولا انا مش هتجوزه عشان شكله حلو في حجات تانية كتير
عائشة: طيب ايه رايك
مرام : برده لا اولا كبير جدا عليا وثانيا مغرور اوي وشايف نفسه وثالثا حريقة في السجاير وانا محبش كده
وفوق ده كله بستتقل دمه بصراحة
عائشة: اوك بعد الغداء محدش ينام عوزاكم في موضوع
مراد: خير يا امي
عائشة: خير ان شاء الله نتغدي ونتكلم
عائشة في نفسها يارب قويني اقولها وقوي قلبي مضعفش قدامها ولازم افهمها انها هتتجوز ياسين يعني هتتجوزه.
////////////////////////////////////////$$$$$$$$$$$$$$$$$$
أنت تقرأ
عشق القاسي بقلم Fatma Ahmed "قطرة حياه"
Romanceنبذة " هو يعتبرها طفلة مدللة وهي تخافه بل ترتعب منه وتعتبره عجوزا عصبيا غير رحيم ولكن جمعهم الزواج اجبارا بغض النظر عن وجهة نظر كل شخص في الاخر" للرواية حقوق ملكية وحقوق نشر وممنوع الاقتباس
