حب في أرض الخوف

الجزء 8

#حب في أرض الخوف
#بقلمي شمعة امل
#الجزء الثامن

عبير ......اوك ...خلي نغير الموضوع
....سولف عن مغامراتك بالحياة ...
رعد ......ههههههههه هو اني منيلي مغامرات
اصلا اني رجال فقير ومن أهل الله ..

عبير ......ههههههه حلوه هاي من اهل الله عجبتني ....
.....دنسولف وجان يطلع دكتور عادل من المكتبه الي بصفنه ..
كانت وياه طالبه ....هو شافنه ...البنيه نزلت جوه ...
وهو اجه علينه ....
دكتور عادل. .....السلام عليكم. ..
رعد .....شفت دكتور عادل اجه علينه ...
من اتقرب سلم ...واني وكفتله صافحته
وعليكم السلام هله بيك دكتور ..

دكتور عادل ....شلونك ابو سعد ...
رعد ...الحمد لله بخير دكتور ....
انت شلونك ...
دكتور عادل. ...الحمد لله. ..صرت زين من شفتكم ....
عبير ....وعليكم السلام أهلا دكتور
دكتور عادل .....شلونج عبير ....
اني زعلان عليج ..
عبير ....ليش دكتور ...خير شنو صار
دكتور عادل ......لا تسألين عليه
لاتكولين شلونك دكتور
لا فد يوم مريتي وشفتيني بالمكتب ..

عبير ....اي صح دكتور بهاي حقك ....
باجر أن شاء الله اجيب الشعبه كلهه ونجي نسلم عليك
أنت الك حق علينه ....واستاذنه
دكتور عادل .... وشسوي بالشعبه كلهه
عبير ....لعد شنو دكتور مفتهمت موتريد نسأل عليك 🤔🤔
دكتور عادل ....لا 😠😠
اروح عندي شغل .....من رخصتكم ....

.....وعافنه ونزل ...
رعد ......هههههههههههه ولج شنو انتي
كوه لزمت روحي من الضحك ..
عبير ......شفت شلون صار شكله ...😂😂😂😂😂😂
رعد .....بس عفيه خوش جواب ....
عبير .....دخلي يولي ...اصلا اني اموت منه
شكد مكروه ....
....شفت البجامه المقلمه الي لابسهه
...جنهه بجامة جدي من جان مراهق ...😂😂😂😁
رعد .......هههههههههههههه
ولج هاي شلون رهمتيهه .....
....لج بنطرون مقلم مو بجامه
عبير .....هههههههه شمدريني بعد ....
شو شكله جنه بجامه .....

....اكلك اليوم شنو ماكو محاظره ....
خلي نشوف شو محد ....صاحنه وكلهه بالسنتر
رعد ... لا اليوم ماكو .....
عبير ....شمدريك ....
رعد .....اليوم الزفه مالت ابن اخوه لدكتور فرحان ....
عبير .....شمدريك .....
رعد...........اعرف
...لان اجاني للمحل و عزمني ..
واليوم اخذ اجازه لهيج شي

عبير ....... والله عمي زين
....يعني من الآن فصاعدا اذا اريد اعرف اخبار الاساتذه اعرفهه منك ...
رعد .... ههههه بيج خير واتدللي ...
عبير....شكرا ......

شويه وبدت تنكط قطرات خفيفه وصار بيهه هوه كلش حلو ....
...عبير ...الله مطر ..

رعد ....تحبين المطر ....
عبير .... لا ....أحب ريحة المطر من يصير على التراب .....
رعد ... ..... تدرين انتي تذكريني باجواء فرنسا ....
الجمال والهدوء واللطافه .....
......الحب والرومانسيه .....
والحياة والكهوه الفرنسيه الحاره وقت الصباح ...
ويه سنادين الورد الموجوده على البالكونات ....
......والموسيقى الي كانت تعزف بالمطاعم
......لياليهه واجوائهم الي تخبل ....
......عالمهم الحلو الي عدهم كل واحد عايش براحته
....وكل واحد وآله خصوصيته
كل واحد وآله دنيته الخاصه بيه