#حب في أرض الخوف
#بقلمي شمعة امل
#الجزء الثالث والعشرون
عبير ...اجوي ابو سعد ودكتور عقيل سلموا وكعدوا ....
دكتور عقيل. ....اي شلونج عبير ...
عبير .....الحمد لله دكتور بخير اذا انت بخير
دكتور عقيل. ....وانتي سرور ....
شلونج ...
سرور .....زينه ...
من رخصتكم اروح اجيبلكم شي من الكافتريا
دكتور عقيل. ....ماكو داعي ...
سرور ...ميصير دكتور ...انت ضيفنه اليوم ومن زمان مكاعدين سوه هيج كعده .....
...ونزلت سرور للكافتريا ....
دكتور عقيل. .......اي عبير ......
شو ماكو
عبير .... ليش موجوده دكتور ..
وعلى طول اشوفك بس انت كطعت كمت بعد متجي تكعد يمنه
دكتور عقيل. ....شسوي ...اكو ناس كانت زعلانه عليه ....
ومتقبل تحاجيني إلا أني رحت راضيتهم
.....ويباوع على ابو سعد ...
رعد .....والله ياابو حسن انت تعرف أنه اني مزعلت
بس اكو امور ......
اخخخخخ اااخخخخخ .....
عبير ....اي اعرف اعرف ......غير يسكت لساني
رعد .....دكتور عقيل. ...ههههههههههههه
هاي بعدج على سوالفج ولسانج الطويل
مثل ميكول ابو سعد
عبير ......هااااا اني لساني الطويل
هاي منو هذا ابو كرش الي يحجي على لساني
رعد ......ههههه لج ام لسان منيلي كرش
عبير ....ههههه اويلي كل هذا وماكو كرش
وكأنه بالع أسد ومفرش وكاعد
دكتور عقيل. .....والله ياابو سعد مبين هاي صدك دواك .....
لان لحد الآن محد كدرلك غيرهه
رعد .......ههههههه غير اني مستخطيهه واكول خليهه براحتهه ....
عبير .....هاااا قصدك تاخذني على كد عقلي مو
بسيطه ابو كرش ....
دكتور عقيل......... ههههههههه ......لا والله عقلج جبير
واصلا عندج عقل أكبر من عمرج بهوايه
عبير .....اشكرك دكتور ....هاي شهاده أعتز بيهه
دكتور عقيل .....اكلج شو هاي صاحبتج تاخرت
....عبير .....لا اجتي ....هياتهه دتصعد الدرج ....
واجتي سرور ليمنه وبيديهه صينيه زغيره
سرور .....خو ما .تاخرت عليكم الكافتريا ازدحام
وكأنه ديوزعود بلاش
دكتور عقيل. ....ليش تعبتي نفسج سرور .
اني مو خطار تره
.......من اهل البيت مثل ميكلون
سرور .......ميخالف ...ادري بيك تحب الجاي جبتلكم
انت وأبو سعد و نساتل وبسكت همين
رعد .....اي والله جنت محتاجه واجه بوقته
