#حب في أرض الخوف
#بقلمي شمعة امل
#الجزء السابع
عبير .....بعد مارجعنه للقسم ....وسوينه عشه وكل وحده من الموجودات ضلت
تسولف على الي صار وياها بالجامعه. ...
...بس اني اسمع واتصفن ....
الي سويته اليوم ويه ابو سعد كان صحيح لو غلط .....
يمكن أكون تسرعت شويه .....
لو المفروض اصلا مااكله ومااحجي وياه هيج ...
لو اخذ الهديه منه وأنسه الموضوع ..
وكان شيئاً لم يكن ....
..بس مع ذلك هو اكيد غلطان ....
يعني لو كان يريد يعرف فد معلومه مني
كان يكدر يسالني الي ...
ماكو داعي لهذا اللف والدوران ...
هيه مو فد معلومه سريه حتى اخفيهه
ولا هو فد شي غلط ونستحي نحجيه ....
.....بس لا .....
....اكيد الي سويته هو الصحيح ....
.....بس هذا خاف يدبرلي فد طلابه واني ماالي خلكه ....هذوله الناس إلي مثله
دروبهم تخوف ....
واني مااريد اسبب فد اذيه لاهلي موبس الي ...
......يعني شلون هسه ....
بس ......
ماادري ......
دماغي افتر ....
وبعد مااعرف شلون راح اتصرف اذا داومت باجر ....
زين أني ليش مدوخه روحي ....
ليش مااخلي الأمور تمشي طبيعي ...
يعني هو لو اكو شي غلط سويته .....
اكيد جان مستحيل اني هسه متمدده بفراشي بالقسم .....
جان هسه الله أعلم وين .....
وبقت الأفكار تودي وتجيب براسي
لحد ماحسيت على صوت طكطكة القوري
وكانت بان تريد تسوي ريوك ....
بعدهه كلنه حسينه وحده وره الثانيه ....
😲😲😲😤😤😤😤
طلعنه رحنه نغسل وجوهنه للمغاسل ...
ورجعنه لكيناهه حاطه الاجبان بالصينيه
وهستوهه دتصبلهن جاي ....
واني حظرت كوب الحليب مالتي ....
😂😂😂😂😂😂
اموت على الحليب ... بعدني عنونه 😁😁😂
خلصنه وبدينه نشوف شنو نحظر غده
طبعا احنه كلنه منعرف هلكد بالطبخ
بس وحده تعلم الثانيه .....
وبقينه هيج ...الي تنظف والي تغسل مواعين
والي بالمطابخ
والي عدهن امتحان وديقرن ....
لحد ماصار وقت الغده ... اذن وصلينه ...
بعدهه حطينه السفره
.....تغدينه ...وشلنه المواعين غسلناهن على السريع .....
بعدهه بدلنه وطلعنه كلنه ننتظر الخطوط ...
اجه الخط مالتنه ...وصعدنه بالسياره
.....وصلنه للكليه ....
اني وسرور مشينه سوه ....
وباقي البنات راحن هم سوه يفترن ....
سرور .....هاااا اكلج عبير .....
اني هسه اجي 😙
عبير .....شنو وين رايحه شويه وتبدي المحاظره
سرور .....هسه اجي ....عندي شغله ويه دكتور عقيل ....
عبير ....اوك .....لعد اني انتظرج بنفس مكانه فوك بالطابق الثاني. ..
سرور .....ماشي .....مراح اتاخر عليج .....
عبير ....شفت دكتور عقيل كان هستوه داخل للجامعه ....وكان يباوع لجهتنه .....
راحتله سرور واني كلت ابقه انتظرهه لحد متبدي المحاظره ....
شو اليوم احسه ملل ...مالي واهس ادخل محاظره ....
يارب الاستاذ ميجي ....
يارب اليوم ولا استاذ يجي ....
حتى ارجع اروح للقسم ...
اريد انام ......البارحه منمت زين .....
صعدت فوك .....وكان المكان خالي ....
كعدت وبقيت اتفرج كالعاده ......
....شويه واجوي باقي الطلاب والاستاذ ..
دخلنه محاظره عملي ....
بأحد المعامل .....
