#حب في أرض الخوف
#بقلمي شمعة امل
#الجزء الرابع والعشرون
رعد ......خلصت السنه ....
واحنه ماكو شي جديد بيناتنه
صرت مااطيق كلشي خارج بيتي
لكن داخل البيت
احاول أكون هاديء وسلس بتعاملي وياهم
بس مااكدر
طبع القسوه والانفعال..
.. بسهوله هوايه كان يتغلب على طبع الهدوء والسكينه الي بداخلي
من كانت علاقتي بعبير زينه صرت انسان ثاني
انسان عنده مشاعر واحاسيس
......بديت احس.. بدكات كلبي الي كنت مفتقدهه من زمان
أما الآن......
من تغيرت علاقتي بيهه حسيت روحي رجعت الوحش الي هوايه يخافون منه
زوجتي هدى كالت ماطول عطله
تريد تروح حتى اتشوف سعد
.. اني معارضت
واتصلت على خاله حتى نبلغه انه راح نجي
وراح احظر الجوازات.... وكلتلهه لهدى تجهز الجنط
هالمره ردت اخذ الوالده ويانه لان ماكو احد يداريهه وهيه هم متريد تروح يم بيت حيدر اخويه لو يم اختي
رعد ......هدى حظريلنه الجنط وشوفي شتحتاجين
شي لزوم السفر .....
.......اني طالع وبالليل اجي
هدى ...وين ....اوكف ....اكو كم حاجه اريدك تجيبلنياها اريد اخذهن ويايه هدايه لسعد وبيت اخويه
رعد .....كتبيلي شتحتاجين بورقه واني اجيبهن
هدى .....ماشي ...دقيقه .....
رعد .....وطلعت ورقه وقلم من بين أوراقي
الي بعثرتهن على الفراش
وبدت تكتب الطلبات
....انتبهت على ورقه زغيره كانت بيناتهن
اخذتهه .....
وكانت الورقه الي كتبتهه عبير
مكتوب بيهه
......موافقه ....أحبك ....
هاي الكلمه..... قسمت كلبي بالنص
عصرت روحي عصر ....
مشتاقلج عبير ....مشتاق لضحكتج ....
مشتاق لسوالفج ولسانج الطويل. ...
شكد جانت تخليني اضحك....
من تصيحلي ابو كرش
دمهه يلعب ويه الهوا ....
وياج احس روحي عايش بغير عالم ....
الآن بدونج احس رجعت لعالم الوحوش الي كنت أريد اهرب منه
الورقه الي بيدي وكأنه رجعت النبض لكلبي .....
هدى ......شبيك صاف رعد ...
مو دااحجي وياك
رعد ....هاااا شنو ....صفنت شويه
هدى ...بشنو
رعد .....شغله ابالي
هدى ......اريد اعرف شنو
رعد ...شنو هاي الملحه هدى ...كتلج شغله ابالي وخلص
هدى ....اعرف انت بعدك تفكر بيهه مو صح
رعد .....هدىىىىى .
...كتلج شغله ابالي وخلص
بعد لاتزودين بالحجي .
هدى ....ليش لعد صرت عصبي بسرعه
اني اعرفك رعد انت لحد الآن بعدك مناسيهه
بدت الأصوات تعلى حيل
رعد .....هدىىىىىىى لآخر مره اكلج اسكتي
البنيه مو يمج وماداستلج على طرف
