حب في أرض الخوف

الجزء العشرووون

#حب في أرض الخوف
#بقلمي شمعة امل
#الجزء العشروووووون

حسبالكم المواجهه بيناتهم خلصت ...
لا عيني بعدهه ...

رعد ......عبير اذا عرضت عليج الزواج توافقين
عبير ....ديحجي ويايه واني مااعرف شلون اوصف الحاله أو الموقف الي اني بيه هسه
كانت توقعاتي كلهه صح
بس مو لهالدرجه
كنت اتوقع انه مجرد شخص معجب بشخصيتي وبس

متوقعت انه ممكن هذا الرجل يحب
أو ممكن يعرف أنه اكو شي بالدنيه اسمه حب
ومنو يطلع يحب ...

الي .....يطلع يحبني الي .....
......زين ليش ......

....سؤال مااعرفله جواب ....

رجعت من الصفنه والذهول ...
إلى صوت رعد ....

رعد .....صارحتج بمشاعري كلهه ....
ولو تدرين شكد صعب عليه ...إنه اصارح وحده بهيج مشاعر ....
بس مااعرف شلون اعترفتلج ....
....يمكن لان بعد مااتحمل بعدج عني ....
....يمكن لان صرت اعتبرج جزء من حياتي ...

.....لزمت ايديهه اليمنه وخليتهه على صدري ...
رعد......شوفي عبير .....دتحسين بدكات كلبي ..
لج هذا الكلب بحياته مادك لوحده
مثل ماهسه ديدك الج ....

......ليش ساكته احجي ....كولي شي ....
فهميني ....اعترضي ...اقبلي ....
اي شي .....
تدرين سكوتج هذا شنو يشبه ....

مثل آخر دقائق الي تمر بحيات الإنسان
قبل لحظة الإعدام ....

ومن يكون ينتظر قرار العفو أو البرائه
أو تنفيذ الحكم ....

جاوبيني اترجاج. ....لاتبقين هيج ساكته .

عبير .....بقه يحجي ....
واني تأثير الصدمه بعده عليه ....
بقيت اباوع بعيونه ....حتى ماافكر ارمش ...
اريد اشوف مدى صدق كلامه ومشاعره ...

بعدين انتبهت ايدي على صدره وهو حاط ايده فوك ايدي ....
شوكت اجتي ايدي على صدره .....
وليش كلبه هيج يدك قوي ....

رعد ....جاوبيني عبير ....اترجاج بعد مااتحمل سكوتج ...

.....وضغط على ايدي اكثر ....

عبير .....ارتبكت ....وسحبت ايدي ....
وهو بعده يباوعلي وكان منتظر الرد .....

حاولت اشرد من نظراته واطلع من القاعه ....
مشيت خطوتين عنه ردت اطلع من الباب ....

.....بس ....رديت رجعتله .....

عبير ....زين ليش .....

سألت واني اباوع بعيونه ....

رعد .....شنو ليش .....

عبير .......انت كتلي احبج ....
اريد اعرف ليش .....

رعد .........مجاوبتهه ..
.بقيت اباوع بعيونهه ....
جريت نفس طويييل. ...

وبعدين كعدت على وحده من المقاعد ....