#حب في أرض الخوف
#بقلمي شمعة امل
#الجزء التاسع
رعد ......ثاني يوم ....كعدت الصبح ....
لكيت زوجتي مسويتلي الريوك والوالده كاعده يمهه
وأخويه كان بعده نايم ....
رحت كعدته حتى نتريك سوه
احس اليوم غير شكل ....
احس روحي طايره وبس اريد الوقت يمشي بسرعه حتى اروح الدوام ....
تريكنه وبدلنه وطلعنه للمحل .....
اكو واحد قريب علينه يبيع جاي ....
بس شلون جاي .....مهيل وعلى الفحم .....
غير يخبل ....
دزيت على استكانين الي ولاخويه ....
شربنه وكان يسولفلي على وحده من صديقاته .....اني معلمه على هيج شي
شيصير وياه يسولفلي
احنه علاقتنه مو بس اخوه احنه مثل الاصدقاء ...
وهو يعتبرني وكأنه اني صرت بمكان الاب بالنسبه اله ...
يعتبرني اني سنده بالحياة بعد الله سبحانه وتعالى ....
المهم .....
شويه وبدن النسوان يجني للمحل .....
وبعد ساعه ...
اجاني دكتور عقيل ....
دكتور عقيل ......السلام عليكم. ..
رعد .......يااهلا ...وسهلا .....أشرقت وانورت
هاي شنو يابه ....صارلك فتره متنشاف
دكتور عقيل ....هههههههه ليش مو موجود وياك بنفس الجامعه
رعد .....ههههههههه اي موجود وغير موجود ...
هاي الايام مبين عندك مشاريع جديده
دكتور عقيل ......ههههههههه .....لا قديمه ولا جديده
.....خليني اعرف اخبارك انت ...
رعد .....واني شعندي .......
.....دكتور عقيل ......معقوله انت ماعندك شي
ولا صادقت ولاكبلت بالكليه من طبيت لحد الآن
رعد .......ههههههههه انت شتدري بيه
دكتور عقيل ......ادري بيك انت ابو كَلب الحنين ....
رعد ......هههههههه لا كبرنه على هاي السوالف ....
......وجان تحاجيني وحده من الزبونات .....
......عيني ابو سعودي .....دتعال شوفلي هذا القماش ابيش ....اشو اخوك صعب بالتعامل ميقبل ينزلي ولا دينار .....
شدعوه هيج غالي .....
دكتور عقيل ..........بصوت ناصي
.....ههههههه استلم .....
رعد ........ههههههه موكتلك هنه يتحارشن ......
.......صار الضهر ورجعنه اني وأخويه للبيت .....
سبحت وتغديت .....وصلت زوجتي لبيت اهلهه ....
وطلعت للدوام .....
.......ركنت السياره ونزلت قفلتهه.......
ودخلت للجامعه .......
كنت اليوم كلش متأنق .....حتى لبست ساعه وخاتم
مرصعين الماس وذهب .....
كانن هديه من الرئيس عجبني اليوم البسهن .....
الي فد غايه في بالي .....
طبيت وعيوني تدور عليهه .....
رحت للمكان الي كانت تكعد بيه .....ماكانت موجوده .....
كلت ابقه انتظر .....
شويه وجان تجي ويه صديقاتهه ......
اجوي صعدوا فوك ....يم البالكون .....
سويت نفسي مامنتبه عليهم
عبير ......السلام عليكم. ......
رعد .....وعليكم السلام ورحمة الله
