#حب في أرض الخوف
#بقلمي شمعة امل
#الجزء الرابع .....
رعد ......بدلت ورحت للكليه ...
.....وكلت قبل لا ادخل اول محاظره
أمر على دكتور بالكليه هم اعرفه .....
تربطني بيه صلة قرابه بس من بعيد
......رحت سألت وين الكاه ....
بس كان بعد مجاي ..
كلت اروح افتر بين متبدي اول محاظره
.....اجوي الطلاب الي تعرفت عليهم بالامس
...بقينه نضحك ونتشاقه
البنات كانن موجودات بس مسويات مجموعه بعيده عن الشباب ....
وكانت البنت الحلوه بيناتهن .....
....حسب مااذكر سمعت اسمهه عبير ....
شويه واجه الدكتور الي كنت انتظره ...
رعد .....ياهله بالدكتور ....
دكتور عقيل..........يااهلا وسهلا .....
....هله بابو سعد .....
شلونك ...اخبارك .....
مشتاقين .....
رعد ....الله يسلمك ابو حسين .....
انت شلونك......
دكتور عقيل .....بخير الحمد لله. .....
.... هااا اشو اليوم بالكليه ....شعب ...اول تالي ....
لو جاي تتوسط لأحد عندك هنا
رعد .....لا هاي ولا هاي ..
دكتور عقيل ....لعد... شنو ....
رعد .....اني طالب هنا
دكتور عقيل .....صدك ....
لا مستحيل مااصدك ....
رعد .....لا صدك ...
دكتور عقيل ......هههه كول غيرهه ...
... معقوله ..
...يعني انت تريد تكمل دراسه
رعد .....اي .....
عجبني احصل على شهادة كليه ....واحتمال اكمل بعدهه ماجستير ..
دكتور عقيل .....والله هاي شغله حلوه .....
على العموم .هله بيك .....وشتحتاج هنا اني بخدمتك ....
رعد ....خادم ربك ابو حسن الغالي ....
ودخلنه محاظره ....وكانت الأولى نظري .....
نفخ راسي ابو حسن شكد يلغي ..ههههه
بس يله ميخالف ....
هم شويه ضحكنه داخل المحاظره ....
بعد ماخلصنه طلعت اني وياه ....رحنه نشرب جاي من الكافتريا ....
وكعدنه شويه نسولف ....
بعدهه دخلنه المحاظره الثانيه ....الي كانت هيه عملي ....
نشتغل أعمال من الطين ....
وكان الدكتور لازم يعلمنه شلون نصنع مزهريات من الطين وشلون نبدي بتحديد القاعده وشلون نخلي ايدينه على الطينه
وهي تدور على الويل الكهربائي أو اليدوي
.....وهسه نبدي كل شخص بيكم ياخذ قطعه من الطين
وانتوا البنات ..
..لاتسون....اوي وعييع ووييع وهاي السوالف لاتتنعوصن
....كلجن راح تسون أعمال من الطين ....
ولازم تتعلمن من هسه شلون تتحكمين بالطين ....
......عبير .....هههههه حقه من يحجي ....صدك البنات من هسه كامن يتنعوصن ....وميردن تتوصخ ايديهن ....
اويي ...شكد اموت من هيج شي .....
يعني هو طين ...
حتى إذا توصختن
...يروح من تغسلن بالمي ......
بس يعرفن يتمكيجن ويطلعن ....
......كان اكو صندوق كبير اشبه بالحاويه ...
هذا كان بيه طين نظيف وخام ....
كل طالب وطالبه راح اخذ طين واختار ويل حتى نشوف شلون راح نشتغل عليه ....
....وبده الدكتور يشرحلنه .....
دكتور عادل ......بعد ماشرحتلهم ....شويه
....وهسه كل واحد بيكم يجي يمي ...بالسره
راح الزم ايديكم حتى تتعلمون شلون تسوون قاعده دائريه بشكل سهل
